Беш аз 10 000 тоҷик – дар зиндон ва боздоштгоҳҳои Русия
Манобеи сафорати Тоҷикистон дар Маскав гуфтанд, ки айни замон дар зиндон ва боздоштгоҳҳои Русия беш аз 10 ҳазор шаҳрванди кишвар нигаҳдорӣ мешаванд.
Манобеи сафорати Тоҷикистон дар Маскав гуфтанд, ки айни замон дар зиндон ва боздоштгоҳҳои Русия беш аз 10 ҳазор шаҳрванди кишвар нигаҳдорӣ мешаванд.
Ҷасади Ҳукмишоҳ Саидов, сокини ҷамоати Язгуломи ноҳияи Ванҷро баъди ёздаҳ рӯз аз зери тарма берун оварданд. Наздиконаш ба Радиои Озодӣ гуфтанд, ки ҷасади Ҳукмишоҳ рӯзи 26-уми январ ёфт шуд ва маросими дафни ӯ рӯзи якшанбе баргузор мешавад.
Мақомоти шаҳри Душанбе ду моҳ пеш аз шурӯи мавсими даъвати баҳорӣ ба хидмати ҳарбӣ, ба шумурдани ҷавонони аз 18 то 27-сола дар пойтахт оғоз кардаанд. Дар ин робита дар оғози ҳафтаи гузашта қарори Рустами Эмомалӣ, шаҳрдори Душанбе, ба тасвиб расид. Даъвати баҳории ҷавонон ба артиш маъмулан моҳи апрел шуруъ шуда, то ду моҳ идома мекунад. Бино ба қарори нав, то 25-уми март ҷавононе, ки тибқи қонун аз хидмат озод нестанд, аз ташхиси тиббӣ гузаранд. Абдумаҷид Усмонзода, сухангӯи ҳукумати Душанбе, дар суҳбат бо Радиои Озодӣ гуфт... Читать дальше...
Қарор аст, Шӯрои амнияти Созмони Милали Муттаҳид рӯзи шанбе буҳрони сиёсӣ дар Венесуэларо баррасӣ кунад. Иёлоти Муттаҳида қаблан хоста буд, ки барои баҳс дар мавриди вазъияти Венесуэла як нишасти изтирорӣ ё фавқулодаи Шӯрои амният баргузор шавад. Интизор меравад, Майк Помпео, вазири умури хориҷии Амрико, дар ин нишаст иштирок кунад. Помпео рӯзи 25-уми январ гуфт, ӯ аз соири кишварҳо хоҳад хост, то аз Хуан Гуайдо, раҳбари муваққати Венесуэла ҳимоят кунанд. Гуайдо рӯзи чаҳоршанбеи гузашта дар ҳоле худро раиси ҷумҳури муваққат эълон кард... Читать дальше...
Ҳамлаҳои ҳавоӣ дар ҷануби Афғонистон 16 узви як хонаводаро куштааст. Атоулло Афғон, раҳбари Шӯрои вилоятии Ҳилманд гуфт, ҳамлаҳои ҳавоӣ дар пайи сахттар шудани муқовиматҳои байни нерӯҳои давлатӣ ва ҷангҷӯёни Толибон сурат гирифтааст. Вай гуфт, дар миёни кушташудаҳо ҳашт кӯдак ва се зан ҳастанд. Умар Звок, сухангӯи волии Ҳилманд гуфт, таҳқиқи ҳодиса оғоз шудааст. То ҳол маълум нест, маъсули ҳавлаҳои ҳавоӣ кӣ буд: нерӯҳои афғон ваё нерӯҳои НАТО, ки баъзан аз ҳаво ба ба нерӯҳои афғон кумак мекунад.
Бисёре аз гӯшаҳои Эрон соли 2018 шоҳиди хушксолии сахте шуд ва барои рафъи камбуди об мақомот ҳарчӣ бештар ба манобеи зеризаминии об рӯ овардаанд.
Ба зудӣ милисаҳо дар Тоҷикистон бо либоси нав дар маҳзари ом зоҳир мешаванд. Вазорати корҳои дохилии Тоҷикистон ним сол қабл барои интихоби шакли нави либоси кормандонаш миёни тарроҳон ва ширкатҳои либосдӯзӣ озмун эълон кардааст.
Беҳрӯзи Хоҷазода, паҳлавони маъруфи тоҷик, дар мусобиқаи байналмилалии Гран-прии ҷудо дар шаҳри Тел-Авиви Исроил дар рақобатҳо дар вазни зери 73 килограмм дар ҷойгоҳи панҷум қарор гирифт.
Дастаҳои мунтахаби миллии футболи Қатар ва Имороти Муттаҳидаи Араб, ки дар чорякфинали Ҷоми Осиё-2019 пирӯз шуданд, ба ҳаққи ширкат дар даври ниманиҳоии мусобиқот мушарраф гаштанд.
Тӯлонитарин таътил ваё “шатдаун”-и ҳукумати Амрико ба поён расид. “Шатдаун” 35 рӯз идома кард. Маҷлиси Намояндагон ва Сенати Амрико рӯзи 25-уми январ тарҳеро тасвиб карданд, ки дар натиҷаи он маоши идораҳои ҳукуматӣ то 15-уми феврал пардохта хоҳад шуд. Баъдан ин тарҳро раиси ҷумҳури Амрико Доналд Трамп низ имзо гузошт. Баъзе аз идораҳои ҳукумати федеролии Амрико рӯзи 22-юми декабри соли 2018 таътил шуданд. Ба ин маъно, ки ҳеч гуна маоше барои онҳо пардохта нашуд ва аз ин нигоҳ кормандони давлат бо мушкили бузург рӯбарӯ буданд. Читать дальше...
Як паноҳҷӯи тоҷик, ки дар ҳоли ҳозир аз ӯ ном бурда намешавад, дар шаҳри Олсберги вилояти Нордрайн Вестфален дастгир шудааст. Мақомоти Олмон гуфтанд, ки паноҳҷӯи тоҷик бояд ба Литва ихроҷ мешуд.
Хабарнигорони тоҷик ин шабу рӯз ба вазирон ва раисони идораҳои давлатӣ бастаи суолҳои худро омода мекунанд. Онҳо мехоҳанд, паҳлӯҳои норӯшани чанд ҳодисаро, ки дар давоми беш аз ним соли охир дар кишвар рух додааст, маълум кунанд.
Хабарнигорони тоҷик ин шабу рӯз ба вазирон ва раисони идораҳои давлатӣ бастаи суолҳои худро омода мекунанд. Онҳо мехоҳанд, паҳлӯҳои норӯшани чанд ҳодисаро, ки дар давоми беш аз ним соли охир дар кишвар рух додааст, маълум кунанд.