Новости за 12.06.2020

(Казан, 12 июнь, «Татар-информ», Наталия Никифорова). Казанда Северо-Западная урамында урнашкан газ тарату станциясендә газ тутырылган цистерна шартлаган. Бер кеше һәлак, зыян күрүчеләр бар. Бу хакта «Татар-информ»га РФ Гадәттән тыш хәлләр министрлыгының ТР буенча дәүләт идарәсе матбугат хезмәте хәбәр итте. Социаль челтәрләрдә шаһитләр язганча, шартлаудан соң зур янгын чыккан, ул берничә километр ераклыктан да күренә. Шартлау сәбәпләре ачыклана. Һәлакәт урынында янгын сүндерү машиналары һәм ашыгыч хезмәтләр эшли.

(Яшел Үзән, 12 июнь, «Татар-информ», « Яшел Үзән»). Россия көне шәһәр күлендә башланды. Бәйрәм белән беренче булып Михаил Афанасьевны 14нче лицейның 12 яшьлек яшь армиячеләре отряды котлады. Аннары Михаил Афанасьев һәм яшь армиячеләр газоннарның берсендә чәчәк композициясен утыртты. Бу турыда район басмасы хәбәр итә. Район җитәкчесе балалар белән бергә һавага тынычлык символы — ак күгәрченнәр очырды. Нәтиҗәдә өч төрле петуньядан Россия Федерациясе флагы барлыкка килде. Район җитәкчесе чәчәкле триколор... Читать дальше...

(Чистай, 12 июнь, «Татар-информ», «Чистай-информ», Анна Яковлева). Чистай районында яшәүче Илгиз Гыймалетдиновның йорты каршында бары тик үз көче белән җыелган танылган хәрби машиналар тезелеп тора. Быел автопаркны совет чорындагы иң танылган «брендлар»ның берсе — легендар ГАЗ-51, ГАЗ-53, үз чорының символы булган «Волга» ГАЗ-24 автомобиле тулыландыра. Бу турыда район басмасы хәбәр итә. Аларның һәркайсы — 40нчы еллар автосәнәгате легендасы, төп модельләрнең төгәл күчермәсе. Хәзер хәрби машиналар... Читать дальше...

(Кукмара, 12 июнь, «Татар-информ», «Хезмәт даны», Эльвира Мөбәракшина). Бүген, төнлә Кукмараның Олыяз авылында янгын чыккан. 500 түк печән белән склад янган. Бу хакта Кукмара районының 117нче янгын-коткару бүлеге хәбәр итә. 12 июнь көнне 01:17 сәгатьтә 117нче янгын-коткару бүлегенең элемтә пунктына Кукмара районының Олыяз авылында печән склады януы турында хәбәр килгән. Янгын сүндерүчеләр килеп җиткәндә печән салынган складны ут камап алган була. Склад түбәсе җимерелә. Янгын нәтиҗәсендә 720... Читать дальше...

(Ютазы, 12 июнь, «Татар-информ», « Ютазы таңы», Ильмира Галиева). Бүген, 12 июнь, Россия көнендә Татарстан нефтьчеләре урыссулыларга файдалы бүләк ясады. Махсуслаштырылган коммуналь автомашиналар район үзәге юлларын химик реагентлы су белән юды. Бу турыда район басмасы хәбәр итә. Республика нефтьчеләре мондый уңайлыкны агымдагы елда икенче тапкыр күрсәтә — беренче тапкыр алар май бәйрәмнәрендә егермегә якын урам юлларын дезинфекцияләп киткән иде. Бүген Татарстан нефтьчеләре икенче тапкырга урам юлларын чистартты.

(Казан, 12 июнь, «Татар-информ», «Ватаным Татарстан»). Тормыш акрын гына онлайнга күчә. Яхшымы бу, әллә начармы – тиз генә әйтерлек тә түгел. Кайберәүләр мактый: эшкә барып-кайтып йөрү кирәкмәячәк, бик күп нәрсәләргә экономия булачак, ди. Кемнәрдер зарлана… Ләкин тегеләре дә, болары да киләчәкнең бераз үзгәрәчәгенә шикләнми. Чынында ул тамырыннан үзгәрәчәк инде, бераз гына түгел. Без тулысы белән электрон форматка күчеп барабыз. Берничә ел инде кулга чын акча тоткан юк – барысы да электрон карталар аша хәл ителә. Читать дальше...

(Казан, 12 июнь, «Татар-информ», Полина Шевчук). Татарстан трассасында ике йөк автомобиле бәрелешкән, берсе кюветка төшеп киткән. Бу хакта «Татар-информ» агентлыгына әлеге аварияне күргән кешеләр хәбәр итте. Аларның сүзләренчә, авария бүген көндез республиканың Мамадыш районында – Хан зираты тирәсендә булган. Анда ике йөк автомобиле бәрелешкән, шуннан соң берсе кюветка төшеп киткән. «Башлангыч мәгълүматлар буенча, юл һәлакәтендә бер кеше зыян күргән. Нәтиҗәдә, юлда зур гына «бөке» хасил булган», - дип сөйләде аварияне күргән кешеләр.

(Казан, 12 июнь, «Татар-информ»). Иртәгә, 13 июньдә, Татарстанда бераз суытачак. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә. Аязучан болытлы һава торышы булачак. Төнлә бераз яңгыр явачак, көндез исә республика территориясендә явым-төшем булу ихтималы аз. Төньяк-көнбатыштан талгын җил исәчәк, бераздан ул юнәлешен төньяк-көнчыгышка таба үзгәртәчәк. Төнлә һава температурасы +7..+12, көндез +16..+21 градус тәшкил итәчәк. «Татар-информ» агентлыгы... Читать дальше...

(Казан, 12 июнь, «Татар-информ»). Татарстанда «КамАЗ» белән кара-каршы бәрелешү нәтиҗәсендә Марий Элдан килгән шофер үлгән. Бу хакта «Татар-информ» агентлыгына республика Дәүләт автоинспекциясеннән хәбәр иттеләр. Бүген көн уртасында Каменка – Дөбъяз – Олы Әтнә трассасының 23нче чакрымында, 10нчы модельле «Лада» автомобиле каршы як полосага чыгып, «КамАЗ» белән кара-каршы бәрелешкән. Нәтиҗәдә, машиналарны юлның төрле ягына алып ташлаган. Җиңел автомобиль шоферы — Марий Эл Республикасының Волжск районыннан... Читать дальше...

(Казан, 12 июнь, «Татар-информ»). Яшел Үзәндә күп катлы йортның бишенче катыннан 80 яшьлек хатын-кызны коткарганнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр. Яшел Үзәндә 8нче янгын-коткару отряды диспетчеры, күп катлы йорт яныннан узып барганда, пыяла шакылдаткан тавышны ишетеп, бишенче кат тәрәзәсеннән өлкән яшьтәге хатын-кызны күреп алган. Аңа куркыныч янавын чамалап, кыз урынга 53нче янгын-коткару часте хезмәткәрләрен чакырткан. Читать дальше...

(Казан, 12 июнь, «Татар-информ»). Быел «Милләтебез хәзинәләре» сменасы, килеп туган вазгыятькә бәйле рәвештә, дистанцион рәвештә узачак. Анда татар милләтеннән булган 10-17 яшьлек балаларны катнашырга чакыралар. Бу хакта Бөтендөнья татар конгрессы матбугат хезмәте хәбәр итә. Чараның максаты - Россия төбәкләрендә яшәүче татар балаларын этник үзенчәлек җирлегендә берләштерү, татар халкының күп гасырлык традицияләрен дәвам итүче сыйфатында балаларда үзаңны үстерү. Чараның программасы дистанцион форматта татар теле дәресләрен... Читать дальше...

(Казан, 12 июнь, «Татар-информ», Әдилә Зыятдинова). Яңа төрдәге Covid-19 коронавирус пандемиясе вакытында Татарстанда төзелеш күләмнәре арткан, бу исә кешеләрне күпләп эштән җибәрүгә юл куймаска мөмкинлек биргән.ТР төзелеш, архитектура һәм торак-коммуналь хуҗалык министры Фәрит Хәнифов Андрей Кузьминга интервьюсында шул хакта хәбәр итте. «Хөкүмәт карары нәтиҗәсендә төзелеш комплексы эшләре тукталмаган тармаклар рәтенә кертелде. Төзүчеләр дә, төзелеш материаллары җитештерүчеләр дә эшен дәвам итте», - дип искәртте министр. Читать дальше...

(Казан, 12 июнь, «Татар-информ»). Яңа төрдәге Covid-19 коронавирусы белән авыручыларда кискен панкреатит башланырга мөмкин. Британиянең Ливерпуль университеты тикшеренүчеләре шундый нәтиҗәгә килгән. Бу хакта MedicalXpress хәбәр итә. Нигездә, коронавирус инфекциясенең яңа симптомы симерүдән интегүче яшь ир-атларда ачыклана. Табиблар әйтүенчә, мондый пациентларның канында еш кына шикәр һәм холестерин күләме югары була. Бу панкреатит – ашказаны асты бизенең ялкынсынуы нәтиҗәсе. «Алынган мәгълүматлар... Читать дальше...

(Казан, 12 июнь, «Татар-информ», Наталия Никифорова). Казанда җиңел машина велосипедчы кызны бәрдергән һәм авария урыныннан китеп барган. Бу хакта социаль челтәрләрдән файдаланучылар хәбәр итте. Авария Восстание һәм Исаев урамнары чатында, җәяүлеләр кичүендә булган. Юл һәлакәтен күргән кеше әйтүенчә, кыз «зебра» буйлап юл аша чыккан вакытта аны чит ил автомобиле бәрдереп киткән. Кадрлардан күренгәнчә, машина йөртүче кыз янына килеп, аннан нәрсәдер сораган. Шуннан соң ир-ат кызга велосипедын торгызырга ярдәм итә һәм аны юлдан алып чыгып китә. Читать дальше...

(Казан, 12 июнь, «Татар-информ», Наталия Никифорова). Татарстанда «Форд Фокус» автомобиле 12 яшьлек велосипедчы кызны бәрдергән. Агентлыкның Чаллыдагы үз хәбәрчесе «Татар-информ»га шулай дип белдерде. Юл һәлакәте кичә кичке тугызынчы яртыда республиканың Тукай районы Бәтке авылының Үзәк урамында булган. «Форд Фокус» автомобиленең 25 яшьлек йөртүчесе, имин тизлек һәм дистанция сакламыйча, урам буйлап велосипедта барган 12 яшьлек кызны таптаткан. Егылган вакытта, кыз машинаның алгы пыяласына бәрелгән. Читать дальше...

(Казан, 12 июнь, «Татар-информ»). Татарстан күпмилләтле Россия үсешенә мөһим өлеш кертә, диде ТР Үзәк сайлау комиссиясе рәисе Андрей Кондратьев Россия көне уңаеннан республика халкына мөрәҗәгатендә. Бу хакта ТР Үзәк сайлау комиссиясенең матбугат хезмәте хәбәр итә. «Хөрмәтле татарстанлылар! Татарстан Республикасы Үзәк сайлау комиссиясе исеменнән сезне илебезнең төп бәйрәме – Россия көне белән чын күңелдән котлыйм!» - диелә мөрәҗәгатьтә. 12 июнь датасы хаклы рәвештә барлык россиялеләрнең патриотик... Читать дальше...

(Казан, 12 июнь, «Татар-информ»). Җырчы, Татарстанның халык, Россиянең атказанган артисты, «Салават» яшьләр үзәгенең сәнгать җитәкчесе Салават Фәтхетдинов «Татарстан Республикасы алдындагы хезмәтләре өчен» ордены белән бүләкләнде. Бу хакта ТР Президентының матбугат хезмәте хәбәр итә.  Бүген ТР Президенты Рөстәм Миңнеханов теге яки бу өлкәдә зур уңышларга ирешкән татарстанлыларга Россия Федерациясе һәм Татарстан Республикасының дәүләт бүләкләрен тапшырды. Бүләкләү тантанасы Казан Кремлендә 12 июнь – Россия көне уңаеннан үткәрелде. Читать дальше...

(Казан, 12 июнь, «Татар-информ»). РФ Федераль Җыены Дәүләт Думасы Рәисе Вячеслав Володин һәм Россия Федерациясе Администрациясе җитәкчесе Антон Вайно Татарстан Президенты Рөстәм Миңнехановны Россия көне белән котлады. Бу хакта ТР Президентының матбугат хезмәте хәбәр итә. Дәүләт Думасы Рәисе үз котлавында билгеләп үткәнчә, россиялеләр үз илләре, аның бай тарихы һәм мәдәнияте белән горурлана, аңа игелек һәм чәчәк атуын, аны көчле һәм шул ук вакытта социаль җаваплы ил итеп күрергә тели. «Безнең барыбызны да үз Ватаныбыз ... Читать дальше...

(Казан, 12 июнь, «Татар-информ»). Габдулла Тукай исемендәге Татар дәүләт филармониясенең сәнгать җитәкчесе, Татарстанның халык артисты, Россиянең атказанган артисты Айдар Фәйзрахманов Дуслык Ордены белән бүләкләнде. Бу хакта Филармониянең матбугат үзәге хәбәр итә. Бүген Татарстан Республикасы Президенты Рөстәм Миңнеханов Россия һәм Татарстан Дәүләт бүләкләрен тапшырды.

(Казан, 12 июнь, «Татар-информ»). Роспотребнадзор азык-төлек продукциясе сата торган сәүдә объектлары һәм базарларга карата яңа санитар-эпидемиологик таләпләр проектын әзерләгән. Документ норматив хокукый актлар проектлары федераль порталында дөнья күргән. Бу хакта РИА Новости агентлыгы хәбәр итә. Яңа кагыйдәләр 2031 елның 1 гыйнварына кадәр гамәлдә булыр дип көтелә. Алар кибетләр һәм базарларда азык-төлек продукциясе сату белән бәйле йогышлы авырулар һәм агулану очраклары барлыкка килү һәм таралуга юл куймас өчен булдырылган. Читать дальше...

(Казан, 12 июнь, «Татар-информ»). 9 июньдә «Бердәмлек» татар милли-мәдәни автономиясе җирле иҗтимагый оешмасы әгъзалары «Ухта» шәһәр округы муниципаль берәмлегенең Успенский зиратында мөселманнар җирләнгән территорияне җыештыру буенча өмә үткәрде. Бу хакта Бөтендөнья татар конгрессының матбугат хезмәте хәбәр итә. Инде күркәм гадәткә әверелгән өмәдә барлыгы 15 кеше (татарлар, башкортлар, азәрбайҗаннар һәм үзбәкләр) катнашты.

(Казан, 12 июнь, «Татар-информ»). 6 июньдә Сургут шәһәре һәм районы Сабантуй бәйрәмен онлайн форматында оештырды. Бу хакта Бөтендөнья татар конгрессының матбугат хезмәте хәбәр итә. «ВКонтакте» социаль челтәрендәге платформада туры эфирда бәйрәм концерты узды. Концертта Сургут, Казан, Уфа һәм Екатеринбург артистлары катнашты. Бәйрәмне 2169 кеше тамаша кылды. Кунакларның җырлар, биюләр, традицион музыка коралларында уйнап күңелләрен күтәрделәр. Социаль изоляциянең бөтен шартлары да үтәлде. Барлык артистлар да үз фатирларыннан эфирга чыкты. Читать дальше...

(Казан, 12 июнь, «Татар-информ»). Узган тәүлектә Татарстанда Covid-19 авыруының 49 яңа очрагы теркәлгән. Бу турыда Татарстан Президентының матбугат хезмәте җитәкчесе Лилия Галимова хәбәр итте. «14 кешене хастаханәгә салдылар, 35 кеше өйдә дәвалана», — диде ул. 18 кеше 30-50 яшь аралыгында, 12 кеше 60-70 яшь аралыгында. Авыручылардан 22 кеше - Казанда, 14 кеше Чаллыда яши. Коронавирус пандемиясе башланганнан бирле Татарстанда 3823 очрак теркәлде, 2806 кеше терелде, шул исәптән 21 кеше - узган тәүлектә.

(Казан, 12 июнь, «Татар-информ»). Быел Казахстанда чыга торган «Ак юл» газетасына 100 ел тула. Юбилей уңаеннан газета материалларын 25 томлыкка туплаганнар. Бу хакта « Казинформ» агентлыгы хәбәр итә. Нур-Солтан шәһәрендә газетаның 25 томнан торган материаллар җыентыгы тәкъдим ителде. «Без җыентык 30 том тәшкил итәр дип планлаштырган идек, әмма 25 том да җитәрлек булды. Быел „Ак юл“ газетасы чыга башлауга 100 ел тула. Басманың тарихы 1920 елның 7 декабреннән башлана. 1925 елның 16 июнендә газета редакциясе Ташкенттан Шымкент шәһәренә күченә... Читать дальше...

(Казан, 12 июнь, «Татар-информ», Эвелина Киселёва). ТР буенча Росздравнадзор аптекалар өчен даруларны өйгә китерү буенча рөхсәтләрне рәсмиләштерә башлады. Бу хакта күзәтчелек органының матбугат хезмәте хәбәр итә. «Рөхсәт алу өчен даруханә оешмасы Росздравнадзорга электрон рәвештә гариза һәм аның билгеләнгән таләпләргә җавап бирүен раслый торган документлар җибәрергә тиеш», - диелә хәбәрдә. Бүгенгә Татарстанда бары тик бер оешмага гына дистанцион сәүдә итү өчен рөхсәт биргәннәр. Матбугат хезмәтендә ачыклык кертүләренчә... Читать дальше...