Новости за 18.06.2020

(Казан, 18 июнь, «Татар-информ»). Нурлат районында ТАССРның 100 еллыгы елында туган йөзенче сабыйны әнисе белән өйгә чыгардылар. Бу турыда Татарстан Сәламәтлек саклау министрлыгы хәбәр итә. ТАССРның юбилей елында 11 июньдә Колчановлар гаиләсендә Полина Максимовна дөньяга аваз салган. Баланың авырлыгы 3500 г, озынлыгы 58 см. Полина Колчановлар гаиләсендә беренче бала. Нурлат муниципаль районы башлыгы Алмаз Әхмәтшин тантаналы шартларда яңа туган сабыйның әти-әнисенә туу турында таныклыкны, Татарстан... Читать дальше...

(Казан, 18 июнь, «Татар-информ»). Аксубай районы Түбән Татар Майнасы урта мәктәбе укучысы Фаил Гафиятуллин шахмат буенча Татарстан ачык шәхси-команда беренчелегендә икенче урынны яулады. Бу турыда Татарстан Спорт министрлыгының матбугат хезмәте хәбәр итә. Ярышлар авыл шахматчылары һәм аз санлы шәһәрләр арасында онлайн режимда узган. «Фаил — сәләтле малай, озак вакытлар шахмат түгәрәгенә йөри башлагач та, зур алгарыш күренә», — диде Аксубай җыелма командасы тренеры Геннадий Горбунов

(Казан, 18 июнь, «Татар-информ»). Татарстан Президенты Рөстәм Миңнеханов РФ Конституциясенә үзгәрешләр кертү буенча гомумроссия тавыш бирүгә әзерлек буенча киңәшмәдә катнашты. Видеоконференция режимында киңәшмәне Россия Президентының Идел буе федераль округындагы Тулы вәкаләтле вәкиле Игорь Комаров үткәрде, дип хәбәр итә республика җитәкчесенең матбугат хезмәте. Төбәк сайлау комиссияләре рәисләре Комаровка — тавыш бирү өчен участокларда кабул ителә торган гражданнарның куркынычсызлыгы һәм яклау чаралары турында... Читать дальше...

(Казан, 18 июнь, «Татар-информ» ). Киләсе атнада Җиңү Парады үткәрелүгә бәйле рәвештә, Татарстан халкын өстәмә ял көне көтә. Бу хакта бүген ТР Хезмәт, эш белән тәэмин итү һәм социаль яклау министрлыгының матбугат хезмәте хәбәр итә. «РФ Президентының „1941-1945 еллардагы Бөек Ватан сугышында Җиңүнең 75 еллыгы һәм 1945 елның 24 июнендәге Җиңү Парады уңаеннан хәрби парадлар һәм артиллерия салюты үткәрү турында“гы указы нигезендә, быел 24 июнь хезмәт хакын саклап калып, эшләми торган көн дип игълан ителде. Читать дальше...

(Казан, 18 июнь, «Татар-информ»). Казан мэриясе туризм өлкәсе вәкилләре белән бергә туристлар өчен Татарстан башкаласын акрынлап ачу стратегиясен эшләде. Шул ук вакытта тармак вәкилләре ярдәмгә мохтаҗ. Бу хакта Казан башлыгының беренче урынбасары, Казан шәһәре Думасындагы «Бердәм Россия» фракциясе әгъзасы Евгения Лодвигова хәбәр итте. «Үз-үзеңне изоляцияләү вакытында без рестораторлар һәм отельерлар белән даими элемтәдә булдык һәм шәһәрнең акрынлап ачылышы буенча уртак стратегия эшли алдык. Казан... Читать дальше...

(Казан, 18 июнь, «Татар-информ», Рузилә Мөхәммәтова). Катнашучылар һәм оештыручылар «Нәүрүз» халыкара театраль-белем бирү форумының онлайн узуыннан канәгать, ләкин алга таба аның оффлайн булуын телиләр. Бүген Камал театрында оештыручылар ун көн дәвамында барган форумга нәтиҗәләр ясадылар. Форумда Россиянең 33 регионыннан һәм БДБның дүрт иленнән 700 кеше катнашты. Форумның директоры Илфир Якупов әйтүенчә, башка елларда катнашучылар саны 300ләп булса, быел аны онлайн уздыру катнашучыларны арттыру мөмкинлеге биргән. Читать дальше...

(Казан, 18 июнь, «Татар-информ», Надежда Гордеева). Быел чыгарылыш сыйныф укучылары нәтиҗәне яхшырту өчен рус теле һәм математика буенча БДИны яңадан тапшыра алмый. Бу хакта Рособрнадзор җитәкчесе вазифаларын вакытлыча башкаручы Анзор Музаев турыдан-туры эфирда хәбәр итте. «Июль һәм август айларында нәтиҗәне яхшырту өчен имтиханны яңадан тапшыру булмаячак. Элегрәк бездә рус теле һәм математика буенча имтиханны яңадан бирү каралган иде. Бу да бары предметның берсе уңай тапшырылган булып, икенчесе уңышсызлыкка очраган очракта иде. Читать дальше...

(Казан, 18 июнь, «Татар-информ»). Иртәгә, 19 июньдә, Татарстанда коры һәм шактый җылы һава торышы саклана. Бу хакта ТР Гидрометеорология үзәге хәбәр итә. Алмашынучан болытлы һава торышы көтелә, явым-төшем күзәтелми. Җил уртача тизлектә булачак, ул юнәлешен төньяк-көнчыгыштан көньяк-көнчыгышка таба алмаштырачак. Республика буенча һава температурасы төнлә 5-10 градуска кадәр, көндез 20-25 градуска кадәр җылы булачак, дип хәбәр итә синоптиклар. Татарстанда һава торышы атмосфера фронты узганнан соң түбәнәйде. Читать дальше...

(Казан, 18 июнь, «Татар-информ», Надежда Гордеева). Узган еллардагы чыгарылыш сыйныф укучылары БДИны төп срокларда тапшырачак. Элек алар имтиханнарны вакытыннан алда яки төп чорның резерв көннәрендә тапшыра иде. Бу хакта Рособрнадзор җитәкчесе вазифаларын вакытлыча башкаручы Анзор Музаев турыдан-туры эфирда хәбәр итте. «Соңгы елларда шундый практика кергән иде - мәктәпне алдагы елларда тәмамлаучылар БДИны яз көне яки төп этапның резерв көннәрендә тапшырып килде. Быел без узган еллардагы чыгарылыш... Читать дальше...

(Казан, 18 июнь, «Татар-информ»). Россиянең миллионлы шәһәрләрендә мәчетләр төзүгә ярдәм итү петициясе Россия җәмгыятендә уңай чагылыш тапкан. Бу хакта Россия мөфтиләр шурасы сайтында хәбәр ителә. Имза җыю 12 июньдә – Россия көнендә change.org платформасында башланды. Ул Мәскәү, Санкт-Петербург, Екатеринбург, Омск, Владивосток шәһәрләрендә яшәүчеләр тарафыннан хупланды. Мәчетләр төзелешенә ярдәм йөзеннән акциягә мөфти Равил Гайнетдин хәер-фатихасын бирде. Аңа массакүләм мәгълүмат чаралары игътибар иткән. Читать дальше...

(Казан, 18 июнь, «Татар-информ», Надежда Гордеева ). Бүген ТР Дәүләт Советы Рәисе Фәрит Мөхәммәтшин «Авторетроклуб-21» әгъзалары белән очрашты. Ул 24 июньдә булачак чарада катнашачак тарихи техниканы карады. Очрашу Биектау авылындагы «Ретромобиль» клубы базасында узды. Аның хуҗасы - Татарстанда иң зур тарихи автомобильләр коллекциясе иясе Александр Гнедин. «Мин парадта катнашачак автомобильләрнең әзерлеген бәяләргә булдым. Сокланамын. Мондый иске, тузган машиналарга тормышка юллама бирү өчен күпме хезмәт, көч, акча салырга кирәк. Читать дальше...

(Казан, 18 июнь, «Татар-информ», Зилә Мөбәрәкшина). Бүген Омск шәһәренең Киров судында Омск медицина көллияте студенты Алинә Наврузованың уку йортында яулык киеп йөрү хокукын яклауга карата беренче утырыш булган. Утырышта судья кызның чукындыру вакытында чиркәүдә бирелә торган таныклыкка охшаш мөселман кызы булуын язмача раслау кәгазен сораган. Бу хакта адвокат Руслан Нагиев Фейсбук битендә яза. «Судья безнең дәгъваны карап тикшерүгә алды һәм судка дәлилләр бирүне сорады. Алинәнең чукындыру вакытында... Читать дальше...

(Казан, 18 июнь, «Татар-информ»). ТР Сәламәтлек саклау министрлыгы Бангладешта вафат булган Татарстан табибы Рәшит Миңнетдиновның туганнары һәм якыннарының кайгысын уртаклашты. «ТР сәламәтлек саклау министрлыгында хезмәттәшләре һәм хезмәткәрләр туганнарының һәм якыннарының тирән кайгысын уртаклаша. Рәшит Миңнетдинов турындагы якты истәлек безнең йөрәкләрдә сакланачак », - диелә ведомство хәбәрендә. 66 яшьлек табиб Бангладеш Республикасында чит ил командировкасында булган. Россиянең башка белгечләре... Читать дальше...

(Чаллы, 18 июнь, «Татар-информ», Эльвира Мөхәммәтдинова). Чаллыда 2020 елның биш аенда хастаханәдән тыш пневмония белән авыручылар саны, 2019 елның шул ук чоры белән чагыштырганда, 14 процентка арткан. Бу хакта журналистларга шәһәрнең баш санитар табибы Илгизәр Бариев хәбәр итте. Кулланучылар хокукларын яклау һәм кеше иминлеге өлкәсендә күзәтчелек федераль хезмәте вәкиле билгеләп үткәнчә, саннар массакүләм мәгълүмат чараларында һәм социаль челтәрләрдә вакыт-вакыт пәйда булган мәгълүматны расламый. Читать дальше...

(Казан, 18 июнь, «Татар-информ», Эльвира Зәйнулина). Татарстан башкаласы «Хезмәт батырлыгы шәһәре» исеменә лаек. Сугыш елларында ул үзенең хезмәт батырлыгын күрсәтте. Бу хакта ТР чаңгы узышлары федерациясе президенты Илшат Фәрдиев сөйләде. «Казан алдынгы шәһәр булды һәм шулай булып кала да. Җиңү паркы буйлап узсаң, Бөек Ватан сугышы вакытында эшләнгән күпме самолет һәм коралларны күрәсең, кешеләр тарафыннан күпме хезмәт куелганын аңлыйсың», - дип уртаклашты Илшат Фәрдиев. Фәрдиев Казан «Хезмәт батырлыгы шәһәре» дигән мактаулы исем алса... Читать дальше...

(Казан, 18 июнь, «Татар-информ»). ТР Дәүләт Советы Рәисе Фәрит Мөхәммәтшин РФ Дәүләт Думасында һәм Федерация Советындагы Татарстан вәкилләре белән киңәшмә үткәрде. Алар икътисадны торгызу һәм халыкка ярдәм итү буенча илкүләм эш планын гамәлгә ашыру турында фикер алышты.Парламент җитәкчесе билгеләп үткәнчә, һәр сум максималь файда белән сарыф ителергә тиеш. Бу хакта ТР Дәүләт Советы матбугат хезмәте хәбәр итә. Киңәшмәдә билгеләп үтелгәнчә,  илкүләм план 2021 ел ахырына кадәр кабул ителә һәм икътисадны торгызуның өч этабын күз алдында тота. Читать дальше...

(Казан, 18 июнь, «Татар-информ», Зилә Мөбәрәкшина). Казанның «Мөхәммәдия» мәдрәсәсендә Татарстан Республикасындагы Коръән-хафизлар әзерләү программасы буенча беренче чыгарылыш булган. Барлык тәмамлаучыларга дипломнар тапшырганнар. Бу хакта «Татар-информ» хәбәрчесенә Мәскәү Татар милли-мәдәни автономиясе рәисе Фәрит Фарисов сөйләде. «Хафиз — Коръәнне яттан белгән кеше. Ул китапны саклаучы гына түгел, ә белем иясе дә. Бу — җаваплы һәм шул ук вакытта мактаулы миссия», — диде ул. Фәрит Фарисов сүзләренчә... Читать дальше...

(Казан, 18 июнь, «Татар-информ», Зилә Мөбәрәкшина). Бүген «Татар-информ» агентлыгы генераль директорының социаль челтәрләр буенча урынбасары Алсу Исмәгыйлева IV Бөтенроссия «Гаспралы укулары» фәнни-гамәли онлайн-конференциядә катнашты. Ул катнашучыларга социаль челтәрләрне дөрес алып бару юлларын, кызыклы контент булдыру ысулларын аңлатып үтте. «Хәзер „тарату өчен контент булдыру“ терминын куллану актуаль. Социаль челтәрләр бик күп мөмкинлек бирә: без берләшә, контентны тарата, аудиториянең яңа катнашучыларын җәлеп итә алабыз. Читать дальше...

(Казан, 18 июнь, «Татар-информ», Наталья Рыбакова). Сайлаулар барышы турындагы фейк мәгълүматны журналистлар бик сирәк тудыра, әмма еш кына алар аны тарата. Ялган фактларны таратуда блогерларның да роле зур. Бу хакта Конституциягә төзәтмәләр буенча тавыш бирү алдыннан «Татар-информ»да социология фәннәре кандидаты, «Чиста сайлаулар өчен» корпусының башкарма комитеты әгъзасы, Россия юристлары Ассоциациясенең Төньяк Кавказ федераль округы һәм Көньяк федераль округы идарәсе җитәкчесе Антон Лукаш сөйләде. Читать дальше...

(Чаллы, 18 июнь, «Татар-информ», Эльвира Мөхәммәтдинова). Роспотребнадзор федераль хезмәте COVID-19 инфекциясеннән үлүчеләрне җирләү буенча 20 апрельдә керткән чикләүләр һәм тәкъдимнәр 15 июньнән гамәлдән чыгарылды. Бу хакта журналистларга Чаллының баш санитар табибы Илгизәр Бариев хәбәр итте. Чикләүләрне бетерү яңа коронавирус инфекциясеннән үлем очракларының кимүе белән дә, вирусның кеше вафатыннан соң берничә сәгатьтән организмда үлүе турында төгәл мәгълүматлар булуы белән дә аңлатыла. Журналистлар... Читать дальше...

(Казан, 18 июнь, «Татар-информ»). Быел Россиянең халык артисты, Россия Зур театр дирижеры Фуат Мансуровның вафатына 10 ел булды. Мәрхүмне искә алып, мөселман традициясе буенча дога укылды. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә. Троекуров зиратындагы бөек музыкант каберенә Татарстан Республикасы Премьер-министры урынбасары – Татарстан Республикасының Россия Федерациясендәге Тулы вәкаләтле вәкиле Равил Әхмәтшин, Мәскәү татар автономиясе җитәкчесе Фәрит Фарисов... Читать дальше...

(Казан, 18 июнь, «Татар-информ», Надежда Гордеева). Мәгариф һәм фән өлкәсендә күзәтчелек хезмәте чыгарылыш сыйныф укучыларына БДИ нәтиҗәләрен 15 августка кадәр бирергә планлаштыра. Бу хакта бүген ведомство җитәкчесе вазифаларын вакытлыча башкаручы Анзор Музаев туры эфирда хәбәр итте.  «Өч ведомствоның һәм ректорлар советының уртак утырышы булды. Анда без аттестатлар бирү, имтихан үткәрү, шул исәптән БДИ нәтиҗәләрен эшкәртү белән бәйле барлык срокларны килештердек һәм синхронизацияләдек. Расписаниедә... Читать дальше...

(Казан, 18 июнь, Казан, «Татар-информ»). Иртәгә, 19 июньдә, 11:00 сәгатьтә «Татар-информ»да КФУның Филология һәм мәдәниятара багланышлар институтына, шулай ук Габдулла Тукай исемендәге милли мәдәният һәм мәгариф Югары мәктәбенә 2020 елгы кабул итү кампаниясенә багышланган матбугат конференциясе булачак. Чарада Казан (Идел буе) федераль университетының Филология һәм мәдәниятара багланышлар институты директоры Рәдиф Җамалетдинов, КФУның Фиология һәм мәдәниятара багланышлар институты деканы Рамил Мирзаһитов... Читать дальше...

(Казан, 18 июнь, «Татар-информ»). Россия Дәүләт Думасы депутаты Василий Власов 2020 елда коронавирус аркасында югары әзерлек режимы кертелгән төбәкләрдә, шул исәптән Татарстанда, яшәүчеләр өчен транспорт салымын 25 процентка киметергә тәкъдим итте. Мөрәҗәгать Россия транспорт министры Евгений Дитрихка җибәрелгән. Бу хакта Sputnik радиосы хәбәр итә. «Бу инициативага үз бәягезне бирүегезне һәм РФ субъектлары бюджетлары керемнәреннән компенсацияләү мөмкинлеген анализлауны сорыйм», — дип язган парламентарий. Читать дальше...

(Казан, 18 июнь, «Татар-информ»). Бүген «Мөхәммәдия» мәдрәсәсенең көндезге бүлек шәкертләре, чыгарылыш имтиханнарын тапшырып һәм диплом эшләрен уңышлы яклап, югары дини белем алу хакында дипломнар алды. Биш ел дәвамында уку йортында белем алган укучыларга дипломнарны Татарстан мөфтие һәм «Мөхәммәдия» мәдрәсәсенең җитәкчесе Камил хәзрәт Сәмигуллин тапшырды. Бу турыда Татарстан Диния нәзарәте хәбәр итте. Барлыгы сигез укучы — дүрт егет һәм дүрт кыз шәригать фәннәрен үзләштереп, мөфти кулыннан таныклыклар... Читать дальше...