Новости за 03.09.2020

(Казан, 3 сентябрь, «Татар-информ»). Түбән Камада «Веста» үзәгендә  сәламәтлек буенча мөмкинлекләре чикле балалар өчен заманча мәйданчык ачылды. Бу турыда Түбән Кама муниципаль районы рәсми сайты нда хәбәр ителә. Мәйданчыкта җиһазлар 2019 елда «Татнефть» хәйрия фондыннан «Sunny town» — «Кояшлы шәһәрчек» проектын гамәлгә ашыру өчен алынган грант хисабына урнаштырылган. Махсус дәресләр һәм саф һавада массакүләм спорт уеннары үткәрергә, балаларның сәламәтлеген ныгытырга ярдәм итәчәк.

(Актаныш, 3 сентябрь, «Татар-информ», «Актаныш-информ» ). 3 сентябрьдә Актанышның 1нче мәктәбендә «Җиңү диктанты» акциясе яшьләрне дә, олыларны да берләштерде. Биредә 60 кеше парта артына утырып, нәкъ имтихандагыча, үз белемнәрен сынады, тарихи биремнәрне чиште. Башка мәктәпләр исә, акциягә онлайн форматта кушылды. Бу турыда Актаныш районы мәгълүмат үзәге матбугат хезмәте хәбәр итә. Актаныш район башлыгы Энгель Фәттахов та акциягә кушылып, «Җиңү диктанты» биремнәрен эшләде. Сугыш вакытында, сугыштан... Читать дальше...

(Казан, 3 сентябрь, «Татар-информ»).Төгәл фәннәр буенча БДИны компьютерларга күчерергә мөмкиннәр. Шул турыда Рособрнадзор башлыгы Анзор Музаев әйтте. Бу хакта ТАСС хәбәренә сылтама белән «Российская газета» хәбәр итә. «Әлбәттә, компьютерларда тапшыру өчен барыннан да бигрәк табигый - фәнни юнәлештәге предметлар туры килә, - дип сөйләде Рособрнадзор башлыгы Анзор Музаев. - Әлеге мәсьәлә буенча фикер алышулар бик мөһим. Төгәл фәннәр киләчәктә мондый форматка күчүгә дәгъва итә ала торган беренче фәннәр булыр, мөгаен». Читать дальше...

(Казан, 3 сентябрь, «Татар-информ»). Казанда «архивларны цифрлы трансформацияләү» Федераль архив агентлыгы каршындагы Архив эше буенча совет узды. Утырышта Федераль архив агентлыгы җитәкчесе Андрей Артизов, Татарстан Дәүләт Советы Рәисе Фәрит Мөхәммәтшин һәм Россия субъектлары вәкилләре катнашты. «Республика җитәкчелегенә республикада яңадан Бөтенроссия Архив эше советын уздыру мөмкинлеге биргән һәм республикада архив эшен үстерүдә һәрвакыт ярдәм иткән өчен рәхмәт белдерәсем килә. Соңгы елларда без... Читать дальше...

(Казан, 3 сентябрь, «Татар-информ»). Казанда 12 сентябрьдән хатын-кызларга ярдәм итү клубы очрашулары башлана. Анда катнашучылар шәхси үсеш, балалар тәрбияләү, шулай ук гаилә һәм эш низагларын хәл итү ысуллары турында фикер алыша алачак. Бу хакта ТР башкаласы мэриясенең матбугат хезмәте хәбәр итә. Проект «Игелекле эшләр остаханәсе» кысаларында оештырылды. «Катнашучыларга төрле темаларга дискуссияләр үткәрергә, борчыган мәсьәләләр турында фикер алышырга һәм бер-берсе белән тәҗрибә уртаклашырга... Читать дальше...

(Казан, 3 сентябрь, «Татар-информ»).Табиб-диетолог Анжелика Дюваль «Ридус» порталына комментарийда пластик шешәләрдән су эчмәскә киңәш итте. Бу хакта РИА Новости хәбәр итә. «Шешәләрдә ел дәвамында пластик шешәләрдә киштәләрдә торган тотрыклы су кояш нурлары йогынтысына дучар ителә. Һәм әлеге су сәламәтләндерү эффектына ия булудан туктый», — дип белдерде ул. Моның урынына диетолог агып торган суны фильтр аша чыгарып эчәргә киңәш итте.

(Казан, 3 сентябрь, «Татар-информ»). Табиблар һәм укытучылардан тыш, өстенлекле тәртиптә полицийскиларга, хәрби хезмәткә чакырылучыларга һәм студентларга коронавирустан прививка ясатачаклар. Шул турыда РФ Сәламәтлек саклау министрлыгының COVID-19 инфекциясенә каршы көрәш буенча рекомендацияләрнең яңартылган сигезенче версиясендә әйтелә. Бу хакта Интрефакс хәбәр итә. «COVID-19 инфекциясенә каршы медицина оешмалары (барлык хезмәткәрләр), мәгариф оешмалары, полиция, җәмәгать транспорты, сәүдә, халыкны социаль яклау органнары... Читать дальше...

(Казан, 3 сентябрь, «Татар-информ», Екатерина Ларионова). ТР икътисады коронавирус пандемиясе китергән кризистан соң тернәкләнә башлады. Бу хакта бүген #ТатарстанОнлайн  программасы туры эфирында ТР Икътисад министрлыгы башлыгы Мидхәт Шаһиәхмәтов хәбәр итте.   «Җиде ай нәтиҗәләре буенча бездә икътисад җанлана башлавын күрсәтә торган шактый саннар бар инде. Без азык-төлек сәнәгате үсешен, нефть эшкәртүдәге яхшы күрсәткечләрне, машина төзелешенең аерым предприятиеләре буенча җитди җанлануны күрәбез», - диде министр. Читать дальше...

(Казан, 3 сентябрь, «Татар-информ»). «Аэрофлот» авиакомпаниясе 9 сентябрьдән Каһирәгә рейсларны яңартачак. Бу хакта ташучының матбугат секретаре Юлия Спивакованың журналистларга биргән хәбәренә сылтама белән ТАСС хәбәр итә. «Аэрофлот» 9 сентябрьдән Каһирәгә очышларны яңадан башлап җибәрә. Рейслар атнага өч тапкыр башкарылачак. Билет сату авиакомпаниянең рәсми сайтында ачык», - диде ул. Элегрәк «Аэрофлот» 11 сентябрьдән Дубайга рейсларны яңарту турында игълан иткән иде. 3 сентябрьдә РФ премьер-министры... Читать дальше...

(Казан, 3 сентябрь, «Татар-информ»). Иртәгә Татарстан Республикасында болытлы һәм җилле һава торышы көтелә, кырау төшәчәк. Бу хакта ТР Гидрометеорология үзәге матбугат хезмәтендә сөйләделәр. «Алмашынучан болытлы һава торышы була. Явым-төшемсез», - диелә хәбәрдә. Төньяк-көнчыгыштан талгын җил көтелә. Төнлә температура 2-7 градус тирәсендә булачак, урыны белән 0 градуска кадәр төшәргә мөмкин. Көндез термометр баганалары 15-20 градус тирәсенә кадәр күтәреләчәк.

(Казан, 3 сентябрь, «Татар-информ», Егор Никитин). Татарстанда үзмәшгуль гражданнар саны 78 мең кешегә кадәр арткан. Бу хакта онлайн-эфир вакытында ТР икътисад министры Мидхәт Шаһиәхмәтов хәбәр итте. «Бүгенге көндә бездә 78 мең үзмәшгуль бар. Моннан тыш, башка субъектларда теркәлгән тагын 8 мең үзмәшгуль кеше республика территориясендә эшләргә теләк белдерде», - диде Шаһиәхмәтов. Аның сүзләренчә, үзмәшгуль гражданнар эшчәнлегенең төп өлкәләре - ташу, репетиторлык, пекарнялар һәм башка эшчәнлек. Читать дальше...

(Казан, 3 сентябрь, «Татар-информ», Егор Никитин). Узган 10 ел эчендә республика икътисады 28 проценттан артыгракка үсте. Төбәкнең икътисади казанышлары, гади татарстанлыларның тормыш дәрәҗәсен күтәреп, дистәләгән социаль программаларны тормышка ашырырга мөмкинлек бирә. Бу хакта онлайн-эфир вакытында Татарстан икътисад министры Мидхәт Шаһиәхмәтов сөйләде. Ул искәрткәнчә, соңгы ун елда республика икътисадына 5,4 трлн сум тирәсе инвестицияләр җәлеп ителгән. Бу төбәктә формалаштырылган кызыклы инвестиция климаты аркасында мөмкин булды. Читать дальше...

(Казан, 3 сентябрь, «Татар-информ»). Сентябрь уртасыннан Россиядә театр залларының тулылыгы 70 процентка кадәр артырга мөмкин. Хәзер бу күрсәткеч 50 процент дәрәҗәсендә. Бу хакта статс-секретарь — РФ мәдәният министры урынбасары Алла Маниловага сылтама белән ТАСС хәбәр итә. «Хәзер бездә заллар 50 процент дәрәҗәсендә тутырыла. Мәдәният министрлыгы санитар хезмәтләр, санитар табиблар белән килеште, безгә сентябрь уртасыннан башлап, битлек һәм перчаткалар киюне саклап, залны 70 процентка кадәр тутырырга рөхсәт ителә»... Читать дальше...

(Казан, 3 сентябрь, «Татар-информ», Эвелина Киселёва). Ковид-госпиталь сыйфатында эшләгәннән соң, Казандагы 16нчы хастаханә татарстанлыларны планлы кабул итүне өлешчә яңадан башлап җибәрде. Бу хакта «Татар-информ» мәгълүмат агентлыгында узган матбугат конференциясендә ТР сәламәтлек саклау министры урынбасары Владимир Жаворонков хәбәр итте. «16нчы хастаханә бүгенге көннән башлап планлы эшен өлешчә яңарта», - диде спикер һәм медицина учреждениесендә коронавирус белән авыручылар өчен берничә койка-урын саклануын искәртте. Читать дальше...

(Казан, 3 сентябрь, «Татар-информ», Әдилә Зыятдинова). Бүген «Хәзинә» милли сәнгать галереясендә ТР Дәүләт Советы Рәисе, «Бердәм Россия»нең төбәк бүлеге секретаре Фәрит Мөхәммәтшин һәм Федераль архив агентлыгы рәисе Андрей Артизов «Җиңү диктанты» язды. «Барлык сораулар да сугыш, хәрби башлыклар, сугыш урыннары белән бәйле. Татарстанда сугыш хәрәкәтләре булмаса да, без Сталинградны хәтерлибез, без блокадалы Ленинградта булган вакыйгалар турында беләбез, Курск дугасын һәм башка бик күп кенә вакыйгаларны хәтерлибез. Читать дальше...

(Казан, 3 сентябрь, «Татар-информ», Эльвира Зәйнулина). Казанда республиканың 100 еллык юбилее уңаеннан Архив эше буенча бөтенроссия советында катнашучыларга «ТАССР тарихы» күргәзмәсен тәкъдим иттеләр. Чара 2 сентябрьдән 4 сентябрьгә кадәр бара. «Күргәзмәнең максаты - архив документлары һәм фотографияләр призмасы аша республикабыз тарихын күрсәтү. Юбилей уңаеннан без ТАССРның 100 еллыгына багышланган күчмә күргәзмә оештырырга булдык. Ул Мәскәүдә тәкъдим ителгән иде инде. Аны күп кенә чараларда кулланырга планлаштырабыз»... Читать дальше...

(Казан, 3 сентябрь, «Татар-информ», Гөлнар Гарифуллина). Илһам Шакиров исемендәге республика премиясе җыр сәнгатен тәртипкә салуга этәргеч бирәчәк. РФ атказанган, Татарстанның халык артисты Айдар Фәйзрахманов шул фикердә. Бу хакта ул «Татар-информ» агентлыгында матбугат конференциясендә әйтте. «Бу премия турында фикер, Илһам абый үзе исән чагында ук, берничә еллар элек филармония җитәкчелеге тарафыннан туган иде. Бу фикерне министрлык дәрәҗәсенә дә күтәргән идек. Мин Татарстан, бөтен татар дөньясы күләмендә шушы премия булдырылуына шатланам. Читать дальше...

(Казан, 3 сентябрь, «Татар-информ», Гөлнар Гарифуллина). Илһам Шакиров исемендәге республика премиясенә җиңүчеләрне жюри комиссиясе яшерен тавыш бирү юлы белән сайлаячак. Бу хакта «Татар-информ» агентлыгында матбугат конференциясендә Татарстанның мәдәният министры урынбасары Дамир Натфуллин әйтте. «Жюри әгъзаларын сайлаганда, без эксперт фикереннән чыгып эш иттек. Сайлап алу ябык режимда булачак. Бу жюрины бәхәсләшүдән коткарыр дип уйлыйбыз», — диде. РФ атказанган, Татарстанның халык артисты Айдар Фәйзрахманов фикеренчә... Читать дальше...

(Казан, 3 сентябрь, «Татар-информ»). Иртәгә, 4 сентябрьдә, Татарстан Республикасы территориясендә кырау булырга мөмкин. Бу хакта ТР Гидрометеорология үзәге матбугат хезмәте хәбәр итә. Температура рельефның түбән булган урыннарында нульдән түбән төшәчәк. «Моннан тыш, урыны белән томан көтелә», — диделәр матбугат хезмәтендә.

(Казан, 3 сентябрь, «Татар-информ», «Ватаным Татарстан» , Риман Гыйлемханов). Мирфатыйх абый гармунда шушы көйне сыздырып җибәргәч, аңа кушылып җырлыйсы килә башлады. Бәлки, җырлаган да булыр идем, әмма, бераз кыенсындым. 93 нче яшь белән барган галим, филология фәннәре докторы, профессор, академик Мирфатыйх Зәкиев фатирына беренче мәртәбә кереп, авыз күтәреп җырлап утыру килешмәс, дидем. Ә ул: «Карале, энем, шушы яшьтә дә бармаклар җитез йөгерә икән бит әле, » — дип куйды. Без — мәктәптә дә, югары... Читать дальше...

(Казан, 3 сентябрь, «Татар-информ»).Уфаның «Нур» татар дәүләт театрында Мөдәрис Багаевның «Әтинең кызына өйләнәм» пьесасы буенча музыкаль комедия премьерасына әзерлек бара. Бу хакта «Башинформ» хәбәр итә. Премьера 2020 елның 9, 10 һәм 23 октябрендә булачак. Спектакльне режиссер Илдар Вәлиев, композитор Урал Иделбаев, рәссам Нурия Габидуллина, костюмнар буенча рәссам Наталья Степанова, хореограф Рәмизә Мөхәммәтшина куя.

(Казан, 3 сентябрь, «Татар-информ»). Татарстан Республикасы Президенты Рөстәм Миңнеханов «Россия лидерлары» идарәчеләр конкурсының суперфиналында Татарстан катнашучыларына уңышлар теләде һәм аларга котлау телеграммалары юллады. Бу хакта республика җитәкчесенең матбугат хезмәте хәбәр итә. «Сез үзегезнең иң яхшы профессиональ, эшлекле сыйфатларыгызны күрсәтеп, «Россия лидерлары» конкурсының суперфиналына уздыгыз һәм илнең иң яхшы 300 идарәчесе арасына кердегез. Алда җиңү өчен көрәш һәм мин сезгә белемегезне... Читать дальше...

(Казан, 3 сентябрь, «Татар-информ»). Татарстанның Лаеш районында автобус катнашында юл-транспорт һәлакәтендә зыян күргән ике кеше үлгән. Бу хакта «Татар-информ»га ТР Сәламәтлек саклау министрлыгының матбугат хезмәтендә хәбәр иттеләр. Авария бүген иртән Казан - Оренбург юлында булган. Зыян күргән алты кешене Республика клиник хастаханәсенә китергәннәр. Республика Сәламәтлек саклау министрлыгында сөйләүләренчә, җиңел машинаның шоферы һәм пассажиры бик авыр хәлдә булган, табиблар аларны коткарып кала алмаган. Читать дальше...

(Казан, 3 сентябрь, «Татар-информ», Гөлнар Гарифуллина). Илһам Шакиров исемендәге республика премиясенә дәгъва кылучы җырчыларга кемнәр бәя бирәчәге мәгълүм. Жюри исемлеген «Татар-информ» агентлыгында матбугат конференциясендә Татарстанның мәдәният министры урынбасары Дамир Натфуллин атады. Комиссиянең рәисе — ТР Премьер-министры урынбасары Васил Шәйхразиев, рәис урынбасары ТР мәдәният министры Ирада Әюпова булачак. Жюрида композитор Риф Гатауллин, Салават Фәтхетдинов, Зилә Сөнгатуллина, Айдар Фәйзрахманов... Читать дальше...

(Казан, 3 сентябрь, «Татар-информ», Гөлнар Гарифуллина). Җырчы Илһам Шакировның туган ягы — Сарман районы (хәзер Тукай районы) Яңа Бүләк авылында бюст ачылачак. Бу хакта «Татар-информ» агентлыгында матбугат конференциясендә Илһам Шакировның туганы Руфия Зарипова хәбәр итте. «Туган авылында музей бар. Музей каршысында 9 сентябрьдә бюст ачабыз. Бюстны Санкт-Петербургта сынчы Абдуллина Венера Зәвиевна ясады», — диде ул. Бюст ачылышы сәгать 16.00 га билгеләнгән. «Безнең тормышта Илһам абыйның роле зур булды. Читать дальше...