Новости за 06.07.2022

Актаныш муниципаль районы Башкарма комитет җитәкчесе вазифаларын башкаручы Ленар Зарипов бүген икмәк кабул итү предприятиясе, «Актаныш икмәк комбинаты» кулланучылар җәмгыяте һәм Яңа Әлем авылында урнашкан «Актаныш-икмәк» комбинаты эшчәнлеге белән танышты.

Казанда Горки-Әмәт урманында шәһәр балалар экологик лагереның беренче сменасында катнашу өчен гаризалар кабул ителә башлады.

Бүген Татарстан Республикасы Дәүләт Советының Социаль сәясәт комитеты утырышында «авыл түләүләре» алучылар өчен яшь чиген 29 яшьтән 35 яшькә арттыру турында фикер алыштылар. Мондый түләүләр Татарстан авылларында яшәүче хатын-кызларга өченче бала тапкан өчен түләнә.

Иртәгә, 7 июльдә, Татарстанда +31 градус эссе булачак. Татарстан Республикасының Гидрометеорология һәм әйләнә-тирә мохитне күзәтү идарәсе шул турыда хәбәр итте.

Корбан гаетенә багышланган бәйрәм намазы 9 июльдә Әлмәтнең шәһәр стадионында узачак. Ул Белоглазов урамында урнашкан. Намаз уку урыны үзәк мәчеттә төзекләндерү эшләре алып барылу сәбәпле күчерелгән. Бу хакта район башлыгы Тимур Нагуманов туры эфир вакытында сөйләде.

Әфганстан аксакаллары советы җыелышы – Лойя-джиргада Кабул мөфтие, Әфганстан татарлары советы вәкиле Альхаджа Мулави Султан Ахмад Татар белдергәнчә, илнең барлык халкы да, шул исәптән кызлар да белем алу мөмкинлегенә ия булырга тиеш. Бу хакта «Татар-информ» журналистына Әфганстан татарлары советы башлыгы Забихулло Надери Татар сөйләде.

Мәккә һәм Мәдинә шәһәрләренә сәфәр кылучы Татарстан хаҗиларын Татарстан Республикасы Сәламәтлек саклау министрлыгы тарафыннан җибәрелгән табиблар озатып йөри, медицина белгечләре әлеге җирлеккә хас кискен климатик шартларда, хаҗиларга гамәлләрне үтәгәндә физик яктан авырлыклар килгәндә дин кардәшләребезнең саулыгын кайгырту һәм тиешле ярдәм күрсәтү өчен җаваплы. Бу турыда Татарстан мөселманнары Диния нәзарәтенең матбугат хезмәте хәбәр итә.

Татарстан быел бөртеклеләрдән яхшы уңыш алырга өметләнә. Бу хакта республиканың авыл хуҗалыгы һәм азык-төлек министры Марат Җәббаров «Агроволга 2022» халыкара агросәнәгать күргәзмәсе кырларында белдерде.

Нефть экспортерлары илләре оешмасы генераль секретаре Мөхәммәд Баркиндо вафат булу сәбәпле, Россия Президенты Владимир Путин Нигериядәге хезмәттәше Мөхәммәд Бухариның кайгысын уртаклашты. Бу хакта Кремльнең матбугат хезмәте хәбәр итә.

Дәүләт Думасы чәршәмбе көнне пленар утырышында инвалид балаларны ата-аналары белән бергә түләүсез госпитализацияләү турында закон кабул итте. РИА Новости шул турыда яза.

«Корбан Кәрим – 2022» дип аталган Бөтенроссия хәйрия программасы 6 июльдә ил башкаласы төбәгендә эшчәнлеген башлап җибәрә. Россия Мөфтиләр шурасы шул хакта хәбәр итте.

2 июльдә Курган өлкәсе һәм Урал федераль округының төрле шәһәр-авылларыннан меңләгән кунак татар халкының милли бәйрәме – Сабан туена җыелды. Бу хакта Бөтендөнья татар конгрессының матбугат хезмәте хәбәр итә.

Татарстан Республикасы Президенты Рөстәм Миңнеханов һәм Кырым Республикасы Башлыгы Сергей Аксёнов Кырымның Форос бистәсендә урнашкан «Сәләт – Ак Барс» яшьләр үзәгендә булды. Анда алар беренче сменада катнашучылар – Татарстанда һәм Кырымда «5»ле билгесенә генә укучылар белән аралашты.

Республиканың күп фатирлы йортларында су баскан подваллар Татарстанда ташландык суларны агызуга тариф артуның бер сәбәбе булган. Бу хакта «Татар-информ»да узган матбугат конференциясендә «ТР ТКХ өлкәсендә җәмәгать контроленең төбәк үзәге» ассоциациясенең башкарма директоры, Татарстан Республикасының Иҗтимагый палатасы әгъзасы Дмитрий Романов хәбәр итте.

Бүген Татарстан Республикасы Президенты Рөстәм Миңнеханов Кытай Халык Республикасының Казандагы Генераль консулы У Инцинь белән очрашты. Консул У Инцинь Татарстан башкаласында үз миссиясен тәмамлый һәм башка эш урынына юнәлә. Очрашу генконсуллык бинасында узды. Татарстан Республикасы Президентының матбугат хезмәте шул турыда хәбәр итә.

Бүген Татарстанның дәүләт хезмәтләре порталында балаларны беренче сыйныфка кабул итүнең икенче этабы башланды. Ул балалары мәктәпкә беркетелмәгән территориядә яшәүчеләргә исәпләнгән. Буш урыннар булган очракта, баланы мәктәпкә алачаклар.

ТР Мәдәни мирас объектларын саклау комитеты Казанның Киров районындагы «Бишбалта» борынгы мөселман зираты тирәсен саклау зонасы буларак билгеләде. Аннан ерак түгел генә ком чыгаралар. Хәзерге вакытта борынгы зиратка бернинди куркыныч та янамый. Ведомствоның рәсми белдерүендә шулай диелә.

Саха Республикасы конгрессы Россиянең мәгариф министры Сергей Кравцовка туган тел һәм әдәбият дәресләрен укыту мәсьәләсе турында мөрәҗәгать юллаган.

Татар төркемендә бик талантлы егетләр килеп чыкса дип әле бюджет урыннары саклап торалар

Түбән Тагилда туып-үскән, хәзер Индонезиядә яшәүче Фәридә Идрисова үзе татар телен өйрәнеп, видеолар ясый башлаган. Бу турыда Бөтендөнья татар конгрессы хәбәр итте.

Россия Мәгариф министрлыгының «2021/22 уку елына олимпиадалар һәм башка интеллектуаль һәм (яки) иҗади конкурслар, физик культура һәм спорт белән шөгыльләнүгә сәләтле, фәнни (фәнни-тикшеренү), инженерлык-техник, уйлап табу, иҗат, физкультура-спорт эшчәнлегенә карата кызыксыну уятуга, шулай ук фәнни белемнәрне, иҗади һәм спорт казанышларын пропагандалауга юнәлтелгән чаралар исемлеген раслау турында» 2022 елның 31 маендагы 382 номерлы боерыгы чыкты.

Лубян урман-техника көллиятенә укырга керү өчен документлар кабул ителә. Бу турыда Татарстан Урман хуҗалыгы министрлыгы хәбәр итте.

Әгерҗедә яшәүче үзешчән рәссам Радик Ибрашев, бетон диварда Юрий Шатуновның портретын ясап, июнь ахырында вафат булган җырчының истәлеген мәңгеләштергән. Граффити «Локомотив» стадионы янында барлыкка килгән.

Бүген «КАМАЗ-мастер» командасы экипажы машиналары барлык техник һәм административ тикшерүләрне узды һәм аларга «Ефәк юлы» ралли-рейдында катнашырга рөхсәт ителде. Йөк машинасы белән раллиның гамәлдәге чемпионы Дмитрий Сотников, шулай ук Эдуард Николаев һәм Сергей Куприянов идарә итәчәк. Бу хакта «Матч ТВ» хәбәр итә.

Маймыл чәчәк авыруы мутацияләнмәде һәм тагын да куркынычрак чиргә әйләнмәде, аны олылар да, балалар да йоктырырга мөмкин, дип белдерде Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) «Вектор» үзәгенең Екатеринбург вируслы инфекцияләр фәнни-тикшеренү институты җитәкчесе, биология фәннәре докторы Александр Семенов. Бу хакта РИА «Новости» агентлыгы хәбәр итә.