Новости за 12.07.2022

Россия Тикшерү комитетының транпортта Үзәк төбәкара тикшерү идарәсе Казан янында Идел елгасында теплоходы батканнан соң кузгатылган җинаять эшен тикшерүне дәвам итә. Бу эшне тикшергәндә шикләнелә торган кешеләр ачыкланды.

20 июльдә Казаннан Сыктывкарга һәм Архангельскига авиарейслар ачыла. Самолетлар атнага ике тапкыр 28 сентябрьга кадәр очачак.

Татарстан Дәүләт Советы билгеләнгән вакытта республика законнарын гавами хакимият турындагы федераль законга туры китерәчәк. Бу хакта ТР Дәүләт Советы Рәисе урынбасары, «Бердәм Россия» фракциясе җитәкчесе Юрий Камалтынов матбугат конференциясендә белдерде.

Татарстанга шәхси визит белән Дәүләт административ советы рәисе, Премьер-министр, Мьянма Хәрби көчләре югары башкомандующие Мин Аунг Хлайн әфәнде килде. Бу хакта ТР җитәкчесенең матбугат хезмәте хәбәр итә.

Сайлауларда электрон тавыш бирү мөмкинлеге Татарстанның сайлау кодексында күрсәтелергә тиеш. Мондый фикерне ТР Дәүләт Советы Рәисе урынбасары, «Бердәм Россия» фракциясе җитәкчесе Юрий Камалтынов матбугат конференциясендә белдерде.

Татарстан Президенты Рөстәм Миңнеханов Әлмәттә Югары нефть мәктәбе кампусының лаборатория-тикшеренү комплексында булды. «Татнефть» генераль директоры Наил Маганов белән бергә ул лабораторияләрнең җиһазланышын һәм яңа студентлар тулай торагын бәяләде.

Киров дамбасы ярында, Урак һәм Чүкеч урамы тирәсендә Казансу елгасында коенган кыз батып үлгән. Бу турыда ашыгыч хезмәтнең 112 номерына көндезге сәгать 12дә хәбәр иткәннәр.

«Атомтөш реактордан аермалы буларак, термотөш реактор куркыныч түгел», - ди Надир Баһавиев.

Татарстан Президенты Рөстәм Миңнеханов Әлмәт районындагы «Кояшлы» балалар лагерында яшь геологларның VIII Республика ачык кыр олимпиадасын ачу тантанасында катнашты. Анда Белоруссия, Казахстан, Үзбәкстан, Кырым, шулай ук Пермь крае, Татарстан шәһәрләре һәм районнарыннан 36 команда килгән.

Татарстан Президенты Рөстәм Миңнеханов, Казан мэры Илсур Метшин, ТР спорт министры Владимир Леонов һәм ТР дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин «Киләчәк уеннары» оештыру комитеты составына керде. Бу хакта Россия Премьер-министры Михаил Мишустин имзалаган Хөкүмәт карарында әйтелә. Документ хокукый мәгълүматның рәсми порталында чыкты.

Таиландта яшәүче татар җырчысы, музыкант Рамил Медяров бүгенге эстраданың сыйфатын күтәрү өчен дәүләт карамагындагы ансамбльләр оештырырга тәкъдим итә. Ул моның уңышлы мисалы итеп 1980-1990 елларда үзе эшләгән «Дуслар» джаз-инструменталь ансамблен китерде.

Яшьләр дингә килә, дибез, әмма дөрес дингә килсеннәр иде, ди табиб.

Түбән Кама районының Яңа Минькино авылы янындагы күлдә ир-ат баткан. Бу турыдагы хәбәр 12.19 сәгатьтә хәбәр ителгән.

Татарстанга углеводород ресурсларын чыгару һәм эшкәртү өлкәсендә көчле инженер мәктәбе кирәк. Бу бигрәк тә көнбатыш санкцияләре һәм нефть запасларының ярлылануы шартларында мөһим. Мондый фикерне Татарстан Президенты Рөстәм Миңнеханов ТР Нефть саммитында чыгыш ясаганда әйтте.

«Гасырлар авазы- Эхо веков» журналы инде гыйнвардан бирле чыкмый.

«Ә әбием шундый яхшы», - дип сөйли рок-музыкант.

Татарстанда инженерлык кадрларын әзерләү урта мәктәптә башланырга һәм предприятиеләр белән тыгыз бәйләнештә белем бирү үзәкләрендә дәвам итәргә тиеш. Шуңа күрә республикада кластерлы белем бирү инфраструктурасын үстерергә кирәк. 

Иртәгә, 13 июльдә, Татарстанда эссе, әмма тотрыксыз һава торышы саклана.

Чаллы шәһәрендә Тукай яр буе урамында елга ярыннан биш метр ераклыкта ир-ат мәете табылган.

Нина Кочеляева җитәкчелегендәге XVIII Казан халыкара мөселман киносы фестиваленең сайлап алу комиссиясе «Милли конкурс» номинациясе фильмнары исемлеген игълан итте.

Татарстанда Covid-19 коронавирусы белән зарарлануның 38 очрагы ачыкланды. Алдагы тәүлектә мондый 39 очрак теркәлгән. Стопкоронавирус.рф сайтында урнаштырылган мәгълүматлар шуны күрсәтә.

РФ Дәүләт Думасының икътисади сәясәт комитеты киләсе атнада Татарстанда күчмә утырыш уздырачак, дип хәбәр итте комитет рәисе Максим Топилин. Бу хакта ул Татарстан Республикасы нефть саммитында белдерде.

Көнбатыш илләренең гамәлләре Россияне дөнья күләмендәге энергетика базарында алдынгы позицияләрдән төшерүгә юнәлдерелгән. Моңа каршы тору өчен, углеводородлар табу һәм эшкәртүнең үзебездә эшләнгән технологияләрен активрак үстерергә кирәк. Мондый фикерне Татарстан Президенты Рөстәм Миңнеханов ТР нефть саммитында ясаган чыгышында белдерде.

Татарстан Республикасының гомуми мәйданы төбәк чикләрен билгеләү буенча эш нәтиҗәсендә 139 гектарга арткан. Бу хакта Татарстанның Министрлар Кабинетында узган брифингта җир һәм мөлкәт мөнәсәбәтләре министры Фәнил Әһлиуллин хәбәр итте.

Татарстан Президенты Рөстәм Миңнеханов бүген Әлмәттә уза торган Татарстан нефть саммиты алдыннан оештырылган күргәзмәне карады.