Новости за 27.07.2022

Түбән Камада «Минем цифрлы Татарстаным» цифрлы рәсемнәр конкурсының муниципаль этабы башланды. Анда булачак беренче сыйныф укучылары катнаша ала. Эшләр 4 сентябрьгә кадәр кабул ителә. Муниципаль этапны Түбән Кама муниципаль районы хатын-кыз депутатлары берләшмәсе, «Бердәм Россия» партиясенең җирле бүлекчәсе һәм Түбән Кама мәгълүмат үзәге оештыра.

Бүген 17.32 сәгатьтә ашыгыч хезмәтләрне чакыру номерына Казанда Тирән күлдә яшь егет батып үлгән дигән хәбәр килә. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә сөйләделәр.

Россиядә 16 июльдән 22 июльгә кадәр барлык даруларга да бәяләр төшкән. Бу хакта РИА Новости Росстат мәгълүматларына нигезләнеп яза.

Композитор Эльмир Низамовның «Кара пулат» операсы кабат тамашачыларга тәкъдим ителәчәк. Бөтендөнья татар конгрессы сайтында шул турыда хәбәр ителә.

15 августтан Казанда социаль такси эшли башлый. Аның хезмәтеннән сәләмәтлеге ягыннан мөмкинлекләре чикле балалар тәрбияләүче гаиләләр файдалана алачак. Татарстан Республикасы Мәгариф һәм фән министрлыгының матбугат хезмәте шул турыда хәбәр итте. Сервисны «Бергә булдырабыз» хәйрия фонды эшләтеп җибәрә.

30 октябрьдән Россиядә яшәүчеләр Таиланд, Һиндстан һәм Мальдив утрауларына турыдан-туры бара алачак. Мондый «кышкы» даими авиаюнәлешләр ачылу турында «Аэрофлот»ның матбугат хезмәте хәбәр итте.

Бүген кич Яшел Үзән районында Алтын утрау тирәсендә фаҗига булды. Анда моторлы ике көймә бәрелешкән. «Татар-информ»га бу турыда Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә хәбәр иттеләр.

Бөтендөнья сәламәтлек саклау оешмасы (ВОЗ) маймылларда очрый торган чәчәк чиренә каршы массакүләм вакцинация үткәрергә киңәш итми. Оешманың генераль директоры Тедрос Адан Гебрейесус шулай дип белдерде. Бу турыда РИА Новости хәбәр итте.

Бүген Кабан күле яр буенда Казанда «Җиде утрау арасында» документаль фильмы күрсәтеләчәк. Очрашуда картинаның режиссеры Алмаз Нургалиев та булачак, ә кино белгече һәм тәнкыйтьче Адилә Хәйбуллина фильмны тамашачыларга тәкъдим итәчәк.

Пәнҗешәмбе көнне Татарстанда явым-төшемнәр көтелми, һава температурасы 28 градуска кадәр күтәреләчәк. Татарстанның Гидрометеорология үзәге шул турыда хәбәр итте.

8 августта «Ярдәм» мәчетендә Әлмирә Әдиятуллинаның ел ашы була.

Татарстан урманнарында янгын чыгу куркынычы югары булганлыктан, шторм кисәтүе игълан ителде. Ул 28 июльдән 4 августка кадәр гамәлдә булачак. Татарстанның Гидрометеорология үзәге шул турыда хәбәр итә.

Казанда яңа уку елы башында 18нче гимназиядә яңа уку корпусы ачылачак, анда татар телендә укытачаклар. Хәзерге вакытта корпуста бизәү эшләре тәмамлана, эшчеләр җиһазлар ташый. Объектның әзерлеген бүген Татарстан башкаласы мэры Илсур Метшин бәяләде.

Татарстанның Халыклар дуслыгы йортында Төрекмәнстан Республикасының атказанган сәнгать эшлеклесе, Төрекмәнстан Республикасы Рәссамнар берлеге әгъзасы Камил Вәлиәхмәдовның «Пленэр нурлары» дигән күргәзмәсе ачыла. Бөтендөнья татар конгрессы сайты Дуслык йортына сылтама белән шул турыда хәбәр итә.

«Тормыш стиле – мәдәни код» халык иҗаты һәм декоратив-гамәли сәнгать этно-fashion фестивале өч юнәлешне үз эченә ала. 2 – 14 август көннәрендә Казанда узачак этно-fashion фестивале максатлары һәм программасы турында матбугат конференциясендә мәдәният министры Ирада Әюпова таныштырды.

2023 елның февралендә Татарстанда опера җырчысы Федор Шаляпинның тууына 150 ел тулуга багышланган тантаналар узачак. Бу хакта республика Президенты Рөстәм Миңнеханов карарында әйтелә.

Медицина оешмаларына килүчеләргә һәм пациентларга элеккечә үк битлек кияргә киңәш ителә. «Татар-информ»га бу хакта Татарстанның Сәламәтлек саклау министрлыгы матбугат хезмәтендә сөйләделәр.

Милли Шура рәисе съездда яңгыраган сүзләр һәр төбәккә, һәр авылга, һәр гаиләгә, һәр татар кешесенә барып ирешергә тиеш, дигән бурыч куйды.

«Ун ел эчендә татар дөньясы үзгәреш кичерде, фестиваль Омск, Чаллы, Әлмәт шәһәрләрендә узды, Омскида «Печән базары» темасына диссертация якладылар», - диде оештыручыларның берсе.

«Бердәм Россия» партиясе әгъзалары һәм тарафдарлары, партиянең беренчел бүлеге секретаре А.И.Гайсарова җитәкчелегендә, Самара өлкәсенең Похвистнево районы Яңа Мансур авыл җирлегендә урнашкан «Әдек чишмәсе» территориясен тәртипкә китерүдә катнашты. Бу хакта «Самар татарлары» сайты хәбәр итә.

«Баштагы планнар буенча татарлар саны дүрт йөз меңгә кимергә, ә башкортлар саны шушы ук күләмдә артырга тиеш иде», - диде Илнар Гарифуллин.

Бүген халык артистының вафатына биш ел тулды.

Татарстанның Лаеш районы Урта Девятово авылында бер ир-ат суда батып үлгән. Фаҗига турында хәбәр бүген 4.21 сәгатьтә ашыгыч хезмәтләрне чакыру буенча 112 бердәм номерына килгән. Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә шул турыда хәбәр иттеләр.

«Балаларыбыз кече яшьтән үк татар телендә сөйләшә белергә, шагыйрь-язучыларыбызны, нәсел-буыныбыз һәм халкыбызның тарихын белеп үсәргә тиеш», - диде җырчы.

«Рубин» клубы «Уфа» командасына каршы Беренче лигадагы өченче тур уены турында хәбәр итте һәм башкорт клубына үзләрендә тәрбияләнгән ничә уенчы барлыгын санарга тәкъдим итте.