Новости за 21.07.2022

Түбән Камада «Адымнар» күптелле белем бирү комплексында Дәүләт Думасы депутаты Айдар Метшин җитәкчелегендәге комиссия булган. Мәктәп директоры Артур Галиәхмәтов бина буенча экскурсия үткәргән.

Курган өлкәсенең Чүмләк ял һәм үсеш комплексында балалар өчен җәйге сменалар дәвам итә. Татар сменасында катнашучылар үз халкының мәдәниятен һәм үзенчәлекләрен өйрәнә башлады. Бөтендөнья татар конгрессы шул турыда хәбәр итә.

30 июльдә Казанда «Печән базары» заманча татар мәдәнияте фестивале узачак. Бу турыда Казан мэриясе хәбәр итте.

Иркутск өлкәсенең Залари бистәсендә яңа мәчетнең нигез ташын салу тантанасы булды. Россия мөселманнары Дини җыены Үзәкләштерелгән дини оешмасы шул турыда хәбәр итә.

Бүген Казанның Су спорты төрләре сараенда беренче «Дуслык уеннары» старт алды. Уеннар программасына йөзү, суга сикерү һәм синхрон йөзү керә.

Июль һәм август айларында Казанның Бауман урамында Yummy Music лейблы резидентларыннан бушлай концертлар сериясе була. Аларның беренчесе 22 июльдә Qaynar лабораториясе концертыннан башлана.

Соңгы көннәрдә Татарстанда һава температурасының көндезге сәгатьләрдә +16..+26 градуска кадәр төшүе күзәтелә. Әмма киләсе ялларда ук хәл үзгәрәчәк, республикага кабат эссе һава торышы килә. Татарстанның Гидрометеорология һәм әйләнә-тирә мохитне күзәтү идарәсе шул турыда хәбәр итте.

Чиләбе өлкәсендә «Татар гаиләсе» дип аталган өлкә бәйгесе уза. Конкурс Чиләбе өлкәсе губернаторы Алексей Текслер тәкъдиме белән оештырылган Көньяк Уралның гражданлык инициативаларына ярдәм итү фонды ярдәмендә гамәлгә ашырыла. Бөтендөнья татар конгрессы шул турыда хәбәр итә.

Җәй көне дача участогындагы активлыкның кайсыбер бер төрләре законсыз булып, алар өчен штраф салулары ихтимал. Бу турыда адвокат Елена Кудерко «Прайм» агентлыгына сөйләгән.

Республиканың Апас районында хатын-кыз һәм бала үлгән юл-транспорт һәлакәтеннән соң җинаять эше кузгатылды. Җинаять эше «Юл хәрәкәте кагыйдәләрен бозу» маддәсе буенча ачылган. Татарстан буенча Тикшерү идарәсе җитәкчесенең өлкән ярдәмчесе Андрей Шептицкий шул турыда хәбәр итте.

КАМАЗ коллективына Россия Президенты Владимир Путин рәхмәт белдерде. Бүләкләү тантанасы бүген Казан Кремлендә узды. Тантананы Татарстан Республикасының Премьер-министры үткәрде.

Россия авыл хуҗалыгы хезмәтчәннәре урып-җыю эшләре вакытында инде 30 миллион тонна ашлык җыеп алган. Узган ел белән чагыштырганда, уңыш чирек өлешкә күбрәк. Бу хакта Россия Федерациясе Авыл хуҗалыгы министрлыгының рәсми Telegram-каналында хәбәр ителде. РИА Новости шул турыда яза.

Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразыев бүген Казан дәүләт мәдәният институтында булды.

Гаризаны 130 кеше имзалаган.

Хокук иясе ризалыгыннан башка кайбер товарларны чит илләрдән кертү тиздән гамәлдән чыгарылырга мөмкин, Россия җитештерүчеләренә шуңа әзерләнергә кирәк. Бу  турыда РФ Сәнәгать һәм сәүдә министрлыгы башлыгы Денис Мантуровка сылтама белән ТАСС хәбәр итә.

Кичә кич Яшел Үзәндә яшәүче хатын-кыздан Олы Шырдан авылы янында 80 яшьлек ахирәтенең югалуы турында хәбәр килгән.

Россиядә коронавирус инфекциясеннән авыручылар саны, хастаханәгә салу очраклары һәм үлүчеләр саны арта. Мәсәлән, узган тәүлек эчендә ачыкланган яңа пациентлар саны 1 майдан бирле максималь булды. Бу хакта федераль оперштабка сылтама белән ТАСС хәбәр итә.

Авария бүген көндез Декабристлар һәм Гагарин урамнары чатында булган.

Шәһәр Дәүләт автоинспекциясендә «Татар-информ» агентлыгына хәбәр итүләренчә, биредә Deawoo автомобиле һәм Huyndai микроавтобусы бәрелешкән. Нәтиҗәдә, җиңел автомобиль юл читенә чыккан һәм юл билгесен аударган.

«Авариядә Deawoo автомобиленең йөртүчесе зыян күргән. Табиблар аңа урында ук медицина ярдәме күрсәткән. Юл һәлакәтенең нечкәлекләре ачыклана», - дип искәрттеләр ЮХИДИ идарәсендә.

Мәкәрим Төхвәтшин исемендәге сукырлар өчен Башкортстан республика махсус китапханәсе «Башкорт халык сәнгате: киез, бизәкле тула, вак кисәкләрдән чигү» дигән кулланма бастырып чыгарган. Китап Брайль кабарынкы-график шрифты белән нәшер ителгән һәм кабарынкы-график иллюстрацияләр белән тәэмин ителгән, дип хәбәр иттеләр китапханәдә. Бу хакта «Башинформ» агентлыгы яза.

Татарстанның Дәүләт Киңәшчесе Минтимер Шәймиев православие динен тотучыларны Казан Изге Ана образы табылуның 443 еллыгы белән тәбрик итте. Бүген меңләгән дин тотучы Тәре йөрешендә катнашты, аның маршруты Казан Кремлендәге Благовещение чиркәвеннән алып Казан Изге Ана образы табылган урынга кадәр сузылган иде.

Сәмарканд шәһәрендә «Үзбәкстанның мәдәни мирасын дөнья тупланмаларында» сериясеннән чираттагы ун том китап басылып чыккан. Әлеге китап-альбомнар «Үзбәкстанның мәдәни мирасы – яңа Ренессанс нигезе» бөтендөнья җәмгыятенең VI халыкара конгрессында тәкъдим ителә.

Көзен Казаннан Грозный, Иркутск һәм Новокузнецкига туры даими рейслар ачыла. Бу хакта Татарстан башкаласы аэропортының матбугат хезмәте хәбәр итә.

Татарстанда соңгы тәүлектә самокатта хәрәкәт итүче ике баланы машина бәрдергән.

Татарстанлыларның таланты һәм көндәлек хезмәте нәтиҗәсендә республика тагын да көчәя. ТР Премьер-министры Алексей Песошин республикада яшәүчеләргә дәүләт бүләкләре һәм дәрәҗәле исемнәр тапшыру тантанасында шулай дип белдерде.

Татарстанда Биектау бистәсендә яшәүче 33 яшьлек ир-атка «Хакимият вәкиленә карата көч куллану» маддәсе буенча җинаять эше кузгатылган. Бу хакта Россия Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий хәбәр итте.