Новости за 07.07.2022

Зәйдә Татарстан Мәгариф һәм фән министрлыгының коллегия утырышы узды. Җыелышта ТР мәгариф һәм фән министры Илсур Һадиуллин, аның урынбасары Минзәлия Закирова, Зәй районы башлыгы Разиф Кәримов катнашты. Бу турыда «Зәй офыклары» сайтында хәбәр ителә.

Җомга көнне көндез һәм кичен Татарстан территориясендә яңгырлар, яшен, көчле җил көтелә. Аның тизлеге секундына 15-20 метрга җитәргә мөмкин, дип хәбәр итә ТР Гидрометеорология үзәге.

Татарстанның икътисад министрының яңа урынбасары итеп Юлай Миңнуллин билгеләнде. Ведомствоның матбугат хезмәте шул турыда хәбәр итә.

Татарстанда IT-өлкәдә эшләүче 890нан артык компания ярдәм итү чараларын алу өчен аккредитация узган. Бу хакта Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрының беренче урынбасары Илья Начвин хәбәр итте.

Казанның Годовиков урамындагы 6 нчы йортта ике кешенең газдан агулануы турында хәбәр 16.25 сәгатьтә килгән. Агулануның беренче билгеләре сөрем газыннан зыян күргән вакыттагы кебек булган. Россия Гадәттән тыш хәлләр министрлыгының Татарстан буенча Баш идарәсенең матбугат хезмәтендә «Татар-информ» шул турыда хәбәр иттеләр.

«Москвич» автомобильләрен чыгару проектының нәтиҗәләре Россия халкы бик көтелгән булачак, дип белдерде РФ Президенты Владимир Путин.

Татарстанның күп функцияле үзәкләре яңа хезмәт күрсәтә башлады. Гражданнар «РФ Дәүләт хезмәтләре» порталы аша төрле ведомстволарга гариза биргәндә юллый ала торган кәгазь документларның электрон дубликатларын булдыру турында сүз бара, дип хәбәр итә күп функцияле үзәкнең матбугат хезмәте.

Гаилә, мәхәббәт һәм тугрылык көне – 8 июль ял көне итеп билгеләнергә мөмкин. Дәүләт Думасы каравына кертелгән шул турыдагы тәкъдим парламентның түбән палатасы мәгълүмат базасында басылып чыкты.

Россия авыл хуҗалыгы министры Дмитрий Патрушев 8 июльдә «Казан Экспо» мәйданчыгында уза торган «Агроволга 2022» халыкара агросәнәгать күргәзмәсенә киләчәк. Бу хакта Татарстан авыл хуҗалыгы һәм азык-төлек министрының беренче урынбасары Наил Залаков авыл хуҗалыгын цифрлаштыру мәсьәләләренә багышланган түгәрәк өстәлдә сөйләде.

Теләчедә «Алмаш» дигән яңа сериал тешөрә башладылар.

Заманча авылның иң үрнәк вариантын күрсәтергә кирәк дип уйладык, ди ул.

Татарстан Республикасы Президенты Рөстәм Миңнеханов җомга көнне «Агроволга» халыкара агросәнәгать күргәзмәсе мәйданчыгына бара. Чара Kazan Expo комплексы павильоннарында уза, анда Россиядә һәм чит илләрдә төрле тармакларда эшли торган йөзләгән компания катнаша. Бу хакта журналистлар белән очрашуда Татарстан Республикасы Президентының матбугат хезмәте җитәкчесе Лилия Галимова хәбәр итте.

«Казан утлары» китапханәсе сериясендә Лилия Гыйбадуллинаның «Рәкыйп Хәмитов. Копчёный» китабы басылып чыкты.

20 сериядән торган яңа сериал көз айларында тамашачыга тәкъдим ителер дип фаразлана.

Казанда Җәмигъ мәчетенең эскиз проектын эшләү комиссиясендә катнашучылар мөстәкыйль коллегиаль карарлар кабул итәләр. Карарлар республика хакимияте катнашыннан башка гына кабул ителә. Бу хакта журналистлар белән очрашуда Татарстан Республикасы Президентының матбугат хезмәте җитәкчесе Лилия Галимова хәбәр итте.

Татарстан Президенты Рөстәм Миңнеханов бу атнада республиканың Әлки районында узачак чуваш мәдәнияте бәйрәме – «Уяв» бәйрәмендә катнашачак. Бу хакта журналистлар белән очрашуда Татарстан Республикасы Президентының матбугат хезмәте җитәкчесе Лилия Галимова хәбәр итте.

21 июльдә Актанышка кузгалалар, 24 июльдә Лениногорскига юл тоталар.

Татарстан Дәүләт Советы рәисе һәм Идел буе федераль округының Закон чыгаручылар ассоциациясе координаторы Фәрит Мөхәммәтшин Россия Президентының Идел буе федераль округындагы Тулы вәкаләтле вәкиленең Рәхмәт хаты белән бүләкләнде. Документны аңа бүген парламент президиумы утырышында республика буенча баш федераль инспектор Виктор Демидов тапшырды.

Татарстан Президенты Рөстәм Миңнеханов Иранның Гөлстан провинциясе губернаторы Али Мөхәммәд Занган әфәнде белән очрашты. Казан Кремлендә узган чарада яклар Татарстан белән Иран арасындагы мөнәсәбәтләрне үстерү, шул исәптән провинция белән хезмәттәшлекне киңәйтү мөмкинлекләре хакында фикер алышты. Бу хакта ТР Президентының матбугат хезмәте хәбәр итә.

Россиядә Швейцариянең Novartis компаниясендә җитештерелгән «Золгенсма» препараты рәсми рәвештә әйләнешкә чыкты. Дөньядагы иң кыйммәтле дару арка мускул атрофиясен дәвалау өчен кулланыла. Бу хакта РИА Новости агентлыгына Перспектив технологияләрне үстерү үзәгендә хәбәр иттеләр.

Татарстан Президенты Рөстәм Миңнеханов Корбан бәйрәмен 9 июльдә Галиев мәчете мәйданчыгында каршы алачак, ул бирегә намаз башланыр алдыннан киләчәк. ТР Президентының матбугат хезмәте җитәкчесе Лилия Галимова брифингта журналистларга шулай дип белдерде.

Узган тәүлектә Татарстанда коронавирус инфекциясенең 43 яңа очрагы ачыкланган, дип хәбәр ителә РФ стопкоронавирус.рф порталында.

9 июльдә, мөселманнарның төп бәйрәмнәреннән берсе булган Корбан бәйрәмендә Мәскәү шәһәре һәм өлкәсе мәчетләренә йөзләгән мең мөселман килер дип көтелә. Бу хакта «Интерфакс» агентлыгы РФ мөселманнары Диния нәзарәте рәисе урынбасары Рушан Әббәсовка сылтама белән хәбәр итә.

Татмолсоюз Татарстанда сөт җитештерүчеләрнең беренче рейтингын тәкъдим итте. 15 җитештерүчедән торган рейтинг предприятиеләрнең узган елдагы эшчәнлеге нәтиҗәләре нигезендә төзелгән. Республика сөт җитештерүчеләр берлеге генераль директоры Денис Пирогов оешманың «Агроволга 2022» халыкара агросәнәгать күргәзмәсе кысаларында узган идарә утырышында шулай дип белдерде.

Бөекбритания Премьер-министры Борис Джонсон отставкага китә, дип белдерде ITV телеканалы журналисты.