Новости за 20.05.2023

«Нур» психологик ярдәм үзәгендә Әлмәт районы башлыгы Тимур Нагумановның махсус хәрби операциядә катнашучылар белән чираттагы очрашуы булды. Аларның күбесе 9 Майга багышланган тантаналарда катнаша алды. Бу хакта «Әлмәт таңнары» хәбәр итә.

Байлар Сабасында яшәүче Алия һәм Илназ Фәттаховлар гаиләләрендә туган өченче сабыйларын теркәүдә «Бала туу» суперсервисы хезмәтен кулланган. Бу хакта «Саба таңнары» хәбәр итә.

Владивостокның беренче мәчете «Казан мәчете» дип аталачак.

Ютазы районы Урыссу бистәсенең үзәк мәчете карамагында ритуал хезмәтләр күрсәтүче яңа бина - җеназаханә ачылды. Бу хакта «Ютазы таңы» хәбәр итә.

Бүген Башкортстанда XXII республика күләм курай бәйрәме Октябрьск шәһәрендә тәмамланды. 2018 елда ачылган Курайчылар аллеясенә агачлар утырту бәйгенең традициясенә әверелде. Бу хакта «Башинформ» агентлыгы яза.

Бүләкне имамның улы алды.

Рөстәм Миңнеханов «Россия — Ислам дөньясы: KazanForum 2023» халыкара икътисади форумы кысаларында уза торган XIII Бөтенроссия татар дин әһелләре форумының пленар утырышында Татарстан Республикасының 14 дәүләт бүләген һәм Татарстан Республикасы Рәисенең Рәхмәт хатларын тапшырды.

Төркиянең Мәрмәрә университетында татар дөньясына әлегәчә танылмаган шәхес – Зиннәтулла Нәвширванов һәм аның сәяси эшчәнлеге белән бәйле фәнни диссертация якланды. Гыйльми хезмәтнең авторы – төрки дөнья тикшеренүләре институты төрек тарихы һәм гомуми төрки тарих кафедралары магистранты Бюшра Үналан.

Иртәгә, 21 майда, Татарстанда җәйгечә җылы һәм коры һава торышы саклана. Бу хакта Гидрометеорология һәм әйләнә-тирә мохитне күзәтү идарәсе хәбәр итә.

Бүген Казанда KazanForum «Россия – Ислам дөньясы» чарасы кысаларында «Казан – Ислам дөньясының спорт башкаласы» форумы узды. Форум Ислам дөньясының һәм Татарстан Республикасының спорт вәкилләрен берләштерде. Алар алга таба хезмәттәшлек шартлары һәм мөмкинлекләре турында фикер алышты. Бу турыда «Татар-информ» яза.

Милли шура рәисе сүзләренчә, дин әһелләре халыкның милли рухын күтәрә.

Россия мөселманнары Дини җыены рәисе, Мәскәү шәһәре, Үзәк төбәк һәм Чувашия Республикасы мөфтие, Россия Федерациясенең Иҗтимагый палатасы әгъзасы Әлбир хәзрәт Крганов XIII Бөтенроссия татар дин әһелләре форумы делегатларына мөрәҗәгать итеп, рухи һәм дини кыйммәтләребезне бергә сакларга өндәде.

Бүген Казан Кремлендә 2023 елның ВТБ Бердәм лигасы чемпионы булган УНИКС баскетбол командасын хөрмәтләделәр. Команданы Татарстан Рәисе Рөстәм Миңнеханов котлады. Ул УНИКСның беренче алтыныннан канәгать булуын яшермәде. Бу турыда «Татар-информ» хәбәр итте.

Бүген «Казан Экспо» күргәзмәләр үзәгендә узган Милли Шура утырышында «Ак калфак» Бөтендөнья татар хатын-кызлары хәрәкәте координацион советы җитәкчесенең икенче урынбасары билгеләнде.

Бөтендөнья татар конгрессының Милли Шура рәисе Васил Шәйхразыев Милли Шураның киләсе утырышын Курган өлкәсе Йолдыз (Эчкен) авылында үткәрергә иәкъдим итте.

Россия мөселманнары Үзәк Диния нәзарәте рәисенең беренче урынбасары, Чиләбе һәм Курган өлкәләре мөселманнары Диния нәзарәте рәисе, мөфти Ринат хәзрәт Раев рухи, дини мирасны яшьләргә тапшыру кирәклеген әйтте.

Киләсе атна ахырында Россиянең үзәк өлешенә июль челләсе килергә мөмкин. Бу хакта Гидрометеорология үзәгенең фәнни җитәкчесе Роман Вильфандка сылтама белән РИА Новости яза.

Бөтендөнья татар конгрессының яшьләр белән эшләү буенча эшче төркем рәисе итеп Бөтендөнья татар яшьләре форумы рәисе Ленария Мөслимова сайланды. Бу хакта Милли Шура утырышында билгеле булды.

Казан Кремлендә Татарстан Рәисе Рөстәм Миңнехановның һәм Мәскәү һәм Мәскәү һәм бөтен Русь Патриархы Кирилл белән очрашуы башланды. Анда Россия вице-премьеры Марат Хөснуллин, Казан һәм Татарстан митрополиты Кирилл катнаша.

Оренбург өлкәсе мөселманнары Диния нәзарәте рәисе, мөфти, «Хөсәения» мәдрәсәсе директоры Әлфир хәзрәт Шәрипов әйтүенчә, «Хөсәения» мәдрәсәсенең иске бинасын кайтарып, гимназия ачу ниятләнә. 

Бөтендөнья татар конгрессы Милли Шура рәисе Васил Шәйхразыев Курган өлкәсе Йолдыз (Эчкен) авылында янгында каза күргән халыкка сентябрьгә кадәр йортлар салырга кирәклеген әйтте. Бу хакта ул Милли Шура утырышында сөйләде.

Бүген Питрәч районы Күн авылында Камал театры актеры, Татарстанның халык, Россиянең атказанган артисты Айдар Хафизовның кеберенә таш кую мәрәсиме булды.

Оренбург өлкәсе мөселманнары Диния нәзарәте рәисе, мөфти, «Хөсәения» мәдрәсәсе директоры Әлфир хәзрәт Шәрипов фикеренчә, татар милләтен, телен, мәдәниятен саклау өчен, мәдрәсәләрне сакларга кирәк.

Татарстан Рәисе Рөстәм Миңнеханов «Казан Кремле» музей-тыюлыгы территориясендәге Гавами урыннар бинасының  (Присутственные места) ишегалдындагы объектларны карады, шулай ук «Кремль балкышы» фестиваленә җәлеп ителгән биналарга бәя бирде.

Курган өлкәсе татарлары конгрессы рәисе Марат Юнысов Йолдыз (Эчкен) авылында янгында каза күргән йөздән артык гаиләнең авылда калырга теләк белдерүен әйтте.