Новости за 30.05.2023

Сабаның балалар иҗаты үзәгендә Васил Гарифуллин исемендәге «Серле каләм» бәйгесе үтте. Быел ул 15нче тапкыр узды. Бу хакта «Көмеш кыңгырау» сайтында хәбәр ителә.

Бүген Казанның «Сәйдәш» мәдәният йортында журналистика һәм массмедиа өлкәсендә үткәрелә торган «Бәллүр каләм» бәйгесенә нәтиҗә ясалды. «Татар-информ» җиңүчеләрнең тулы исемлеген тәкъдим итә.

Бүген «Сәйдәш» мәдәният үзәгендә «Бәллүр каләм» бәйгесенә нәтиҗә ясалды. Тантаналы чарада матбугат хезмәткәрләренә дәүләт бүләкләре дә тапшырылды.

Чувашия Республикасы Диния нәзарәте имамнары җыелышында Чувашиянең барлык мәчетләрендә акча җыю һәм Курган өлкәсендә янгыннан зыян күргәннәргә гуманитар ярдәм җибәрү турында карар кабул ителде. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

27 май көнне Кыргызстанның Жалал-Абад шәһәрендә ел саен уздырыла торган Сабантуй бәйрәме булды. Аны Россия Федерациясенең Ош шәһәрендәге Генераль консуллыгы ярдәме белән Жалал-Абад өлкәсенең «Идел» татар-башкорт мәдәни үзәге иҗтимагый берләшмәсе оештырды. Бөтендөнья татар конгрессы шул турыда яза.

Казан театр училищесында актерлык осталыгы курсының татар бүлегенә студентлар кабул ителә. «Быел курсны Камал театрының әйдәп баручы актеры, Россияның атказанган, Татарстанның халык артисты Илдар Хәйруллин җыя», дип хәбәр итә Казан театр училищесында.

Иртәгә, майның соңгы көнендә, Татарстанда һава шартларының бозылуы көтелә. Бу хакта Татарстанның Гидрометеорология үзәге хәбәр итә.

2012 елда 15 яшьлек кызны көчләгән кеше суд каршына басачак. Россия Тикшерү комитетының Татарстан Республикасы буенча идарәсе җитәкчесенең өлкән ярдәмчесе Андрей Шептицкий шул турыда хәбәр итте

Бөтендөнья татар конгрессы Башкарма комитеты җитәкчесе Данис Шакиров Габдулла Тукай исемендәге Арча педагогия көллиятенең иң актив һәм талантлы студентларына Бөтендөнья татар конгрессының исемле стипендияләрен тапшырды.

Татарстан Рәисе Рөстәм Миңнеханов бүген республиканың кече нефть компанияләре җитәкчеләре белән киңәшмә үткәрде. Очрашуда катнашучылар 2023 елның I кварталындагы эш нәтиҗәләре һәм алга таба үсеш бурычлары турында фикер алышты, дип хәбәр итә Татарстан Республикасы Рәисенең матбугат хезмәте.

Татарстан журналистларының хезмәт династияләре һөнәрләренә тугрылык өчен дипломнар белән бүләкләнде. Бүләкләү тантанасы, фотосурәтләр һәм гаилә тарихлары язылган күргәзмә «Сәйдәш» мәдәни үзәгендә узды.

Битараф булмаган гражданнар Татарстанда Дәүләт автоинспекциясенең Telegram-каналына исерек хәлдә дип тоелган «Лада» машинасы йөртүчесе турында хәбәр җибәргән.

Татарстан Дәүләт Советы Рәисе Фәрит Мөхәммәтшин Мәскәүдә эш сәфәрендә. Бүген парламент башлыгы РФ ФС Дәүләт Думасы Рәисе Вячеслав Володин белән очрашты, шулай ук Россия парламентының түбән палатасында «Туу тарихы» фотокүргәзмәсен ачуда катнашты, Дәүләт Думасы фракцияләре җитәкчеләре һәм Татарстаннан сайланган депутатлар белән аралашты.

Казанда «Яшәү сәнгате» мәдәни-агарту үзәгендә татар милли костюмы коллекционеры һәм реконструкторы Гөлшат Ногайбәкова белән иҗади очрашу узды. Бөтендөнья татар конгрессы сайты шул турыда хәбәр итте.

«Республика Татарстан» газетасы баш мөхәррире Александр Латышев «Бәллүр каләм» журналистика һәм массакүләм коммуникацияләр өлкәсендә XXVI Республика бәйгесендә Гран-при алды.

35 яшьлек Тимур Әхмәтҗанов үзенең бертуганының иренә пычак кадаган. Җәрәхәтләрдән 28 яшьлек Расул Буранов үлгән. Әхмәтҗановка карата «Үтерү» маддәсе буенча җинаять эше ачылган.

Яңа уку елына Казанның Яңа Савин районында 1224 урынга исәпләнгән яңа мәктәп ачылачак. Хәзерге вакытта объектның әзерлек дәрәҗәсе 70 процент тәшкил итә, дип хәбәр итте бүген  Татарстанның Төзелеш министрлыгы җитәкчесе Марат Айзатуллин. Ул төзелешне үзе контрольдә тоткан. Төзүчеләр объектны август башында тапшырырга ниятли. 

Татарстанның Әтнә һәм Арча районнарында Татарстанның халык язучысы Нурихан Фәттахның шул ук исемдәге повесте буенча тулы метражлы фильм төшерелә. Әтнә һәм Арча районнары администрацияләре төшерү процессына зур ярдәм күрсәтә. Фильмның премьерасы 2024 елның мартында булачак. Татарстан республикасының Мәдәният министрлыгы шул турыда хәбәр итә.

«Бәллүр каләм - 2023» бәйгесенең «Һөнәрендә иң яхшысы» номинациясендә «Татар-информ», «Интертат» журналисты Зилә Мөбәрәкшина җиңү яулады.

Дәүләт Думасы спикеры Вячеслав Володин июнь законнары, шул исәптә махсус хәрби операциядә катнашучыларга һәм аларның гаиләләренә ярдәм итүнең яңа нормалары эшли башлавы турында сөйләде. Бу хакта РИА Новости хәбәр итә.

Яңа уку елыннан илнең барлык мәктәпләрендә директорның балалар иҗтимагый берләшмәләре белән хезмәттәшлек һәм тәрбия буенча киңәшчеләре булачак. Мондый вазифа Россия көллиятләренә дә кертелә. Бу хакта Россия балалар-яшүсмерләр үзәге директоры Александр Кудряшов хәбәр итте. ТАСС шул хакта яза.

Чаллыда такси йөртүчегә клиент шалтыраткан һәм 42нче микрорайоннан посылканы алып Казанга китерүне сораган. Билгеләнгән адрес буенча килгәч, такси йөртүчесе янына хатын-кыз чыккан һәм пакет биргән. Бу хакта Эчке эшләр министрлыгының Чаллы буенча идарәсе матбугат хезмәте хәбәр итә.

Бүген водолазлар Татарстанның Әлмәт районында югалган ир-атның мәетен тапты. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итә.

Президент сайлауларында икенче турда җиңгән Төркия президенты Рәҗәп Тайип Эрдоган җомга көнне үз резиденциясендә чит ил башлыкларыннан котлаулар кабул итәчәк, шимбә-якшәмбе аның парламентта ант итү тантанасы көтелә. Бу хакта РИА Новости Hürriyet газетасына сылтама белән хәбәр итә.

Россия Президенты Владимир Путин РФ Юстиция министрлыгы башлыгы урынбасары Алиса Безроднаяны вазифасыннан азат итү турындагы карарны имзалады.