Новости за 25.05.2023

23 майда Казанда Татарстан Халыклары дуслыгы йортында «Безнең милләт, безнең тарих» медицина хезмәткәрләре арасында Татарстан Республикасы территориясендә яшәүче халыкларның милли мәдәниятен иң яхшы белү буенча республика конкурсының икенче йомгаклау этабы узды. Бу хакта «Әлмәт таңнары» хәбәр итә.

Алдагы көннәрдә Татарстанда һава торышы үзгәрә. Эссе һәм аз болытлы циклон урынына республикага Россиянең үзәк өлешеннән атмосфера фронты киләчәк. Бу хакта Татарстанның Гидрометеоүзәге хәбәр итә.

Әлмәттә 8 нче төзәтү колониясенең бер бинасында янгын чыккан. Бу хакта region116.dtp.official и «Альметьевск 1» Telegram-каналлары хәбәр итте.

Татарстанның халык язучысы Нурихан Фәттахның «Кырык дүртнең май аенда» әсәре буенча нәфис фильмда төп рольләрнең берсен 9 айлык Хәсән Биктаһиров башкара.

Беларуська Россиянең стратегик булмаган атом-төш коралын күчерә башлаганнар инде. Бу хакта ТАСС хәбәр итә.

О.Е.Кутафин исемендәге Мәскәү дәүләт юридик университетында Халыклар дуслыгы фестивале узды, ул югары уку йортының барлык якташлыкларын берләштерде. Бөтендөнья татар конгрессы шул турыда хәбәр итә.

Татарстан Рәисе Рөстәм Миңнеханов «Иннополис» махсус икътисади зонасының Күзәтчелек советының 2023 елда беренче утырышын уздырды. Катнашучылар 10 яңа проектны карады, аларның гомуми инвестицияләр суммасы 3 миллиард сум тәшкил итә. Аларны гамәлгә ашыру 784 эш урыны булдырырга мөмкинлек бирәчәк, дип хәбәр итә Татарстан җитәкчесенең матбугат хезмәте.

Иртәгә, 26 майда, Татарстан территориясендә кайбер урыннарда яшен көтелә. Ул төнге һәм көндезге сәгатьләрдә була һәм яшен яшьнәгән вакытта җил көчәячәк. Бу хакта Татарстанның Гидрометеорология үзәге хәбәр итә.

Татарстан Рәисе Рөстәм Миңнеханов Дәүләт Думасы Комитеты рәисе урынбасары, «Бердәм Россия» партиясенең Үзәк контроль комиссиясе рәисе урынбасары Эрнест Вәлиев белән очрашты. Бу хакта республика җитәкчесенең матбугат хезмәте хәбәр итә.

Яков Емельянов исемендәге Керәшен мәдәният үзәгендә «Туганайлар» газетасы оештырган I Россиякүләм керәшен марафонында катнашучыларга истәлекле бүләкләр һәм дипломнар тапшырдылар.

Әрмәнстан һәм Азәрбайҗан территориаль бөтенлекне үзара тану турында килеште, дип хәбәр итте Премьер-министр Никол Пашинян Евразия икътисади союзы саммитында (ЕАЭС). Бу хакта «РИА Новости» яза.

Санкт-Петербургта, шәһәр көне алдыннан, танылган татар аш-су остасы Юныс Әхмәтҗановка багышланган татар милли ашлары фестивале узды. Ул «Арт-пространство «Фабрика» үзәгендә оештырылды. Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллеге шул турыда хәбәр итә.

Дәүләт Думасы экстремистик материаллар исемлеген киңәйтү турында закон проектын икенче һәм өченче укылышта кабул итте. Аларны тараткан өчен административ җаваплылык яный, дип хәбәр итә «Парламентская газета».

Бүген Уфада «Нур» татар дәүләт театрында «Казан утлары» китапханәсе сериясендә нәшер ителгән китапларны сату оештырылды.  

Татар галимнәре күпсанлы дәреслекләр һәм сүзлекләр авторы, профессор Флера Сафиуллинаның каберен зиярәт кылган.

«Сәләт» яшьләр үзәге директоры Айгөл Габдрахманова җәйге аланнарга татар телен камил белмәгән балаларны да алуларын әйтте.

Ханты-Манси автономияле округы - Югра мөселманнары Диния нәзарәте «Югра мөселманнары» дигән фәнни-популяр китабын булдыру максатыннан төбәкнең мөселман җәмгыятьләре тарихы буенча мәгълүмат җыя башлады. Китап Сургут шәһәренең мөселман җәмгыятен рәсми теркәүгә 30 ел тулу уңаеннан әзерләнә. Бу хакта Россия мөселманнары Дини җыены Үзәкләштерелгән дини оешмасы матбугат хезмәте хәбәр итә.

Төркиядә яшәп иҗат итүче журналист, язучы Айзирәк Гәрәева-Акчураның «Ипекәй» дип аталган яңа китабында аның әдәби документаль бәяннәре, хикәяләре, очерклары урын алды.

«Сәләт» яшьләр үзәге директоры Айгөл Габдрахманова түләүсез катнашып була торган җәйге аланнар турында сөйләде. 

Бүген Казанның Идел буе районы суды «Урал Сервис» туристлык фирмасы хуҗасы Ильяс Янгуразовка читтән торып (заочно) арест билгеләде, дип хәбәр иттеләр «Татар-информ»га судның матбугат хезмәтендә.

Быел «Сәләт»нең 30нчы сезоны уза. Татарстан, Башкортстан, Чувашия, Кырым базаларында 30 җәйге профильле смена оештырыла.

«УРАМ» экстрим-паркы, Тәтеш районындагы баскыч һәм 175нче мәктәп ремонты 2020-2023 еллар альманахындагы Россиянең иң яхшы йөз проекты исемлегенә керде. Бу хакта Татарстан иҗтимагый киңлекләрен үстерү программасының Телеграм-каналында хәбәр ителә.

Мәгариф министрлыгы Россия мәктәпләренә хезмәт дәресен кайтару мәсьәләсен өйрәнә. Ведомство башлыгы Сергей Кравцов шул хакта хәбәр итте. Аның сүзләренчә, бу дисциплина технология белән гадәти шөгыльләнүдән аерылып торачак. Бу хакта ТАСС хәбәр итә.

Тарихчы, археограф, Татарстан Фәннәр академиясе академигы Миркасыйм Госмановның 1980 елда чыккан «Хөсәен Фәезхановның якты хыялы» дигән монографиясе китап булып басылган.

Филология фәннәре докторы, профессор, Татарстан Фәннәр академиясе академигы Рүзәл Йосыпов әйтүенчә, күпсанлы дәреслекләр һәм сүзлекләр авторы, профессор Флера Сафиуллина бирелеп эшләп, сәламәтлеген какшаткан булган.