Новости за 10.11.2023

Түбән Кама муниципаль районы Түбән Уратма авылында яшәүчеләр атнага ике тапкыр үз куллары белән ясалган продукцияне хәрбиләргә җибәрә. Авыл халкы 150ләп окоп шәмнәре ясап фронтка җибәргән. Эш дәвам итә һәм волонтерлар киләсе партияне әзерли. Бу хакта Түбән Кама муниципаль районы рәсми сайтында хәбәр ителә.

Татарстан халкы балачак уенчыклары турында истәлекләре белән уртаклаша ала. Истәлекләр «Эрмитаж-Казан» үзәгенең яңа ел күргәзмәсендә күрсәтеләчәк фильмның нигезенә салыначак. Бу турыда Казан мэриясе «Казан Кремле» музей-тыюлыгының матбугат хезмәтенә сылтама белән хәбәр итте.

Бүген Казанда Су спорт төрләре сараенда суга сикерү ярышлары – «Татарстан Республикасы Рәисе Кубогы» старт алды. Беренче финалларда бүген булды. 3 метрлы трамплинда иң яхшы чыгыш ясаучылар Мәскәү өлкәсе вәкилләре, алар алдынгы өч урынны да яулады.

Свердловск өлкәсе мөселманнары Диния нәзарәтеннән (Үзәк мөфтият) мөфти Абдул-Котдус Ашарин җитәкчелегендәге зур делегация, шулай ук аның урынбасарлары һәм мөфтият хезмәткәрләре 8 нче тапкыр үткәрелгән зур этнографик диктант язуда катнашкан. Бу хакта Россия мөселманнары Дини җыены үзәкләштерелгән дини оешмасы матбугат хезмәте яза.

Җырчы, «Голос» бәйгесе финалчысы, Татарстанның атказанган артисты Эльмира Кәлимуллина «Россия» Халыкара күргәзмә-форумында республика стендын карарга чакырды.

11 ноябрьдә Казанда макулатура җыю буенча «БумБатл» Бөтенроссия акциясе була. Бәйгедә Казан яшьләр театрына, Тукай Татар филармониясенә, Салих Сәйдәшев исемендәге ДЗКЗ, Галиәсгар Камал исемендәге театрга һәм Кәрим Тинчурин исемендәге драма һәм комедия театрына билетлар уйнатылачак.

Чувашия Республикасы Халыклар дуслыгы йортында Татар мәдәнияте һәм теле көне узачак. Этномәдәни чараны Чувашия Мәдәният министрлыгы һәм Чувашия Халыклар дуслыгы йорты ярдәмендә «Чабаксар шәһәре татарларының милли-мәдәни автономиясе» иҗтимагый оешмасы үткәрә. Бу турыда Чувашия Мәдәният, милләтләр эшләре һәм архив эше министрлыгы матбугат хезмәте хәбәр итә.

Татарстан Рәисе Рөстәм Миңнеханов «Аддитив технологияләр — яңа чынбарлык» V Лидер-форум кысаларында пленар утырышта катнашачак. Форум 20-21 ноябрь көннәрендә Казан IT-паркында уза. Бу хакта Татарстан Сәнәгать һәм сәүдә министрлыгы башлыгы урынбасары Илья Колчин хәбәр итте.

Башкортстанда туган опера җырчысы Айгөл Әхмәтшина International Opera Awards 2023 Халыкара опера премиясенең «Ел җырчысы» категориясендә премия иясе булды. «Опера Оскары» лауреатларын Польша милли операсында тантаналы рәвештә игълан иткәннәр. Бу хакта «Башинформ» мәгълүмат агентлыгы хәбәр итә.

Бүген, 10 ноябрьдә, Казанда Су спорт төрләре сараенда суга сикерү ярышлары – «Татарстан Республикасы Рәисе Кубогы» старт алды. Ярышлар программасы 10 ноябрьдән 14 ноябрьгә кадәр — 4 көнгә исәпләнгән, дип хәбәр итә оештыручылар.

Синоптиклар Татарстан халкын якын сәгатьләрдә һава шартлары начарлануы турында кисәтә.

Россия рәссамы, график һәм монументаль сәнгать остасы, Татарстанның халык рәссамы Рөстәм Килдебәков 90 нчы яшендә вафат булды. Татарстан җитәкчелеге мәрхүмнең туганнары һәм якыннарының кайгысын уртаклашты.

Үзбәкстанның Ташкент каласында «Вектор 4.0» белем бирү хакатонына старт бирелде.

Россия Федерациясе мөселманнары Диния нәзарәтендә Россия Эчке эшләр министрлыгының гражданлык җәмгыяте институтлары, дәүләт хакимияте органнары һәм экспертлар берләшмәсе белән эшләү бүлеге башлыгы, эчке хезмәт полковнигы Сергей Чебунин һәм аның урынбасары подполковник Евгений Худяков булды.

Яңа әсбап 12-14 ноябрьдә Казанда узачак Бөтенроссия «Туган тел» форумында таратылачак.

Туган авылында сәясәтче Фатих Сибагатуллинны искә алдылар.

Лисичанскига эш сәфәре белән Россия Федерациясе Хөкүмәте Рәисе урынбасары Марат Хөснуллин килде. Ул шәһәрне кышка әзерләү мәсьәләләре буенча киңәшмә үткәрде.

Тинчурин театры Уфа шәһәренә җиңелчә комедияләр алып баруын тамашачыны «ужастиклар» белән борчырга теләмәүдән чыгып аңлата.

Ханты-Манси автономияле округының Покачи шәһәрендә Милли мәдәниятләр фестивале узган. Ул «Туган як» татар-башкорт халкы милли-мәдәни иҗтимагый оешмасы җитәкчесе инициативасы белән оештырылган. Бу хакта Бөтендөнья татар конгрессы матбугат хезмәте хәбәр итә.

90 яшендә Совет космонавты, отставкадагы инженер-полковник Валентина Пономарева вафат булган. Бу хакта ТАССка «Роскосмос» Россиянең космос программалары өчен җаваплы дәүләт корпорациясе хәбәр иткән.

Төмән шәһәренең Кугалы мәчетендә кече һәм урта сыйныф балалары өчен дәресләр узды, дип хәбәр итә «Яңарыш» сайты.

Алтай крае «Дулкын» Татар мәдәнияте үзәге» иҗтимагый оешмасы Халыклар бердәмлеге көненә багышланган чараларда катнашты. Бу хакта Бөтендөнья татар конгрессы матбугат хезмәте хәбәр итә.

Кунаклар Татарстан башкаласында милли идеяләр белән рухланып, алган белемнәрен яшь буынга, татар җәмәгатьчелегенә җиткерер, дип көтелә.

Чаллыда бүген көндез юл-транспорт һәлакәте булган. Якынча мәгълүматлар буенча, Kia автомобиле белән идарә итүче 42 яшьлек хатын-кыз рөхсәт ителмәгән урында юл аша чыгучы 54 яшьлек хатын-кызны таптатып үтергән.

Казан Кремлендә А.Н.Туполев исемендәге Халыкара премия иясе бүләкләнде. Бүләкне Санкт-Петербург политехника университеты ректоры Андрей Рудскойга Татарстан Рәисе Рөстәм Миңнеханов тапшырды.