Новости за 26.11.2023

Кайбыч районы башлыгы Альберт Рәхмәтуллин махсус хәрби операциядә катнашучыларның әниләре һәм тормыш иптәшләре белән очрашты. Олы Кайбыч мәдәният йортында узган әлеге чарада авыл җирлекләре башлыклары, ветераннар советлары рәисләре, төрле ведомстволарның җитәкчеләре дә катнашты. Бу хакта «Кайбыч таңнары» хәбәр итә.

Әлки районының Түбән Әлки авылында яңа клуб төзелә. Шактый эш башкарылган инде. Таш диварлар корылманы әйләндереп алган коймадан өскә күтәрелеп килә. Бу хакта «Әлки хәбәрләре» яза.

Казан федераль университетының Алабуга институтының 125 еллыгына багышланган бәйрәм чаралары башланды. Бу хакта «Алабуга нуры» хәбәр итә.

Кукмарада шәхси эшмәкәр Мөнировларда шофер булып эшләп, үз теләге белән махсус хәрби операция зонасына киткән Алексей вакытлыча ялга кайтты. Шушы көннәрдә ул хезмәттәшләре белән очрашты. Бу хакта «Хезмәт даны» хәбәр итә.

Муса Җәлил исемендәге дәүләт премиясе иясе «Шаян ТВ» балалар телеканалына – 5 яшь.

Казанның «Ак барс» көрәш сараенда «Туган батыр» призларына грэпплинг, ирекле стиль һәм грек-рим көрәше буенча үткән ярышта җитәкчеләр әниләрне бәйрәм белән котладылар.

Камилә Вәлиева Мәскәүдә фигуралы шуу буенча Россия Гран-При бәйгесенең алтынчы этабында җиңү яулады.

Казанның «Ак барс» көрәш сараенда балалар арасында «Туган батыр» призларына көрәш ярышлары узды. 7-14 яшьлек балалар грэпплинг, ирекле стиль һәм грек-рим көрәше буенча бил алыштылар.

Махсус операция зонасында сугышчан бурычларын үтәүче Үзәк хәрби округы хәрбиләре телекүпер аша туганнары һәм якыннары белән аралаша алган. Әлеге кадрларны Россия Саклану министрлыгы күрсәтте.

Татарстанда атмосфера фронты узу сәбәпле, һава шартларының начарлануы көтелә. Бу хакта Татарстан Гидрометеорология үзәгенең матбугат хезмәте хәбәр итә.

Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев Согуд Гарәбстанында Халыкара массакүләм мәгълүмат чаралары форумында катнашучыларны «Россия — Ислам дөньясы: KazanForum 2024» форумына чакырды.

Татарстан Рәисе Рөстәм Миңнеханов республиканың бу атнада махсус хәрби операция зонасына, шулай ук шефлыкка алынган Лисичанск һәм Рубежное шәһәрләренә барып җиткән гуманитар миссияләренең берсе турында сөйләде. Фотосурәт белән ул үзенең телеграм-каналында уртаклашкан.

Интернет-ресурс, сайтлар һәм мәгълүмат системаларында авторизацияләнү мобиль телефон ярдәмендә, бердәм идентификация һәм аутентификация системасы (ЕСИА), бердәм биометрик система, мәгълүматны саклау турында билгеләнгән таләпләргә туры килгән яки авторизацияне тәэмин иткән башка мәгълүмат системасы ярдәмендә башкарылырга тиеш. Ул 2023 елның 1 декабреннән 149 нчы санлы федераль закон таләпләренә һәм 2023 елның июлендә кабул ителгән төзәтмәләргә ярашлы рәвештә гамәлгә ашырыла. Бу хакта «Российская газета» хәбәр итә. Читать дальше...

Казан телеманарасында бүген, 26 ноябрьдә, Әниләр көне уңаеннан, бәйрәм утлары кабыначак.

2023 елның 1 декабреннән җәйге тәгәрмәч белән йөргән машина йөртүчеләргә ЮХИДИ инспекторлары штраф салырга мөмкин.

Татарстанның «Алга» батальоны хәрбиләре Әниләр көне уңаеннан котлап, әниләренә видеомөрәҗәгать яздырган. Әлеге язма батальонның Telegram-каналында чыкты.

Россиялеләр декабрьдә берьюлы өч хезмәт хакы алырга мөмкин: 12 нче, 13 нче һәм 14 нче хезмәт хакы. Бу хакта Европа Юридик Хезмәтенең әйдәп баручы юристы Оксана Красовская белдерде, дип яза «Российская газета» «Прайм»га сылтама белән.

«Хәрефләр әфсенләүче» күргәзмәсе хәзерге татар алфавитын төзүчеләрнең берсе — Мөхетдин Корбангалиевнең тууына 150 ел тулуга багышлана. Бу хакта Татарстан Мәдәният министрлыгының матбугат хезмәте хәбәр итә.

Россия мөселманнары Диния нәзарәте һәм Россия Мөфтиләр шурасы рәисе мөфти шәех Равил Гайнетдин Әниләр көне белән котлый. Бу хакта Россия Мөфтиләр шурасы матбугат хезмәте хәбәр итә.

Әни — безнең һәрберебезнең язмышында төп сүз, дөнья белән очрашу әнидән башлана. Бу хакта Татарстан Республикасы Премьер-министры урынбасары Ләйлә Фазлыева Әниләр көненә багышланган котлавында әйтте.

Бүген төн уртасында Татарстанның Әлмәт районы Рус Акташы авылындагы шәхси йортта янгын чыга. Бу хакта Россия Гадәттән тыш хәлләр министрлыгының Татарстан буенча баш идарәсе матбугат хезмәте хәбәр итә.

Эштән читләштерү — хезмәткәргә хезмәт функциясен үтәүгә юл куймау ул, әмма хезмәт килешүен туктату түгел. Хезмәт һәм мәшгульлек буенча федераль хезмәттә шулай дип төгәллек кертәләр. Бу хакта «Российская газета» яза.

Татарстан Рәисе Рөстәм Миңнеханов үз язылучыларын Әниләр көне белән котлады һәм башкаларны да иң кадерле һәм якын кешеләрен тәбрик итәргә чакырды. Ул үзенең телеграм-каналында хәбәр һәм котлау видеосын урнаштырган.

Якшәмбе көнне Татарстан территориясендә җепшек кар һәм яңгыр, урыны белән бозлы яңгыр көтелә. Кайбер районнарда томан булырга мөмкин, дип кисәтә республиканың Гидрометеорология үзәге.

Әгерҗедә туып-үскән Ислам Гаврилов «Зур тәнәфес» Бөтенроссия бәйгесендә җиңү яулады. Ул 1 миллион сумга ия булды. Бу хакта «Әгерҗе хәбәрләре» яза.