Новости за 11.08.2018

Европерчу адамийн бакъонашкахула йолчу кхеле (ЕСПЧ) иск чуелла Киево, Оьрсийчохь набахтешкахь латточу шайн бахархойн бакъонаш талхийна хиларх латкъам беш. Фейсбукерчу шен аккаунтехь хаамбина цунах лаьцна юстицин министран гIовсо, ЕСПЧ-н векало Лищин Ивана. Цо бахарехь, вуьйцург ву 71 политикан тутмакх. Киево Москох бехкейо, адамийн бакъонийн Конвенцин артиклаш ца ларарна, доккхачу декъанна, къизаллаш ца лелаяйтар, шена хетарг алар дехкарх. Байначу беттан чакхенехь Европан кхело кхайкхамбира оьрсийн Iедалхошка... Читать дальше...

Бухарестехь протестан гуламашкахь 400 сов стаг лазийна. Iедалхошка даржаш дитийте, парламентан керла харжамаш дIахьор тIедожийна Румыни мел ю гIаттийначу акцешкахь. Урхалла дечу социал-демократин парти бехкейо цара коррупци лелорна, "Къуйн парти" ю бохуш, бех а еш. Кеп-кепарчу зерашца, дуьхьалонан акцешка арабевлла 60 тIера 100 эзаре стаг. Бухарестан коьртачу майданахь гулбеллачу протестхоша машенаш совцийна, дIаса ца лоьлуьйтуш. Цул тIаьхьа хих дуьзна шишанаш тIелестадора цара. Коьртачу майданера лехкира полисхоша гулбелларш... Читать дальше...

ХьажцIа ваха шен аьто хилийтархьама ХIинжа-ГIаларчу вахархчо дIатекхна шена тIера алиментийн декхар. Масех шо а хилла шен шина йоIана-кхиазхошна ахча цо ца луш, цунах декхар хьаьрчина. "2016-чу шарахь дуьйна тIеэгийна хиллера цунна алименташ, юхьанца шен-шен заманчохь дIа а луш, эххар а цунна тIехь дисинера 132 эзар сом", - дийцина "Кавказ.Реалии портале Дагестанерчу кхелан пурстоьпийн урхаллехь. Мекка йоьдучу тобанца зиярте ваха новкъаваьллачу цунна дихкинера, тIера декхар дIа ца делча, пачхьалкхера аравалар. Читать дальше...

Кху гурахь Москохара Соьлжа-ГIала а, Налчике а, ХIинжа-ГIала а шайн кеманаш лелийта дагахь ю "Аэрофлот" авиакомпани. ГIадужу-беттан 28-чу дийнахь дуьйнна рейсаш йолор ю, яздо Travel.ru агенталло. Airbus A320 кеманаш дийнахь шозза гIур ду ХIинжа-ГIала. Цхьана агIор мах 4028 эзар сом хир бу. Соьлжа-ГIала 4595, Налчике 4522 сом цхьана билетах. Travel.ru агенталло билгалдаккхарехь, хIинццалц схьа  "Аэрофлот" ца хIуттура Къилбаседа Кавказе шайн кеманаш лелийта. Гергарчу заманчохь авиакомпанин маршрутехь хила тарло Несара а, БуьритIе а.

Оьрсийчоьнан прокуратурано президентехула йолчу адамийн бакъонаш ларъечу Кхеташоне хаамбина, ГIалгIайчуьрчу "Мемориал" офисна цIетасар шаьш толлуш хиларх. Консультативан декъан официалан сайтехь бина и хаам пIераскандийнахь. Прокуратурано дийцарехь, кху шеран Дечкен-баттахь Несарарчу таламчаша бехкзуламан гIуллакх гIаттийра "Мемориалан" офисна цIетасарна а, церан бахам хIаллакбарна а. ГIуллакх долийчхьана шозза кхин дIа ца талла сацамбира, делахь а тIаьхьо юха а листа доладора. "Карарчу хенахь... Читать дальше...

Полисхоша Шавадзе Руслан дIалаьцна аьлла, хаамбина Гуьржийчоьнан Пачхьалкхан Кхерамзаллан Урхалло (СГБ). Хьалхо 13 шо хан кхайкхийнера Шавадзена, цуьнан Чатаев Ахьмадан тобанца юкъарлонаш хилла аьлла. Маршо Радионо яздарца, байначу беттан 27-чохь Тбилисин кхело оццу тобанца зIенаш латтийна аьлла, кхеле хIоттийначу 6 стагна 10 шарера 13 шаре кхаччалц хенаш туьйхира. Царех цхьаъ, Шавадзе Руслан лехамашка веллера. Кхечу шиннан - Горнакашвили Зурабан а, Чапанашвили Бадуран а гIуллакх леринчу  кепехь толлур долуш ду. Читать дальше...

Хазбиев Мохьмадан кхел йоьдучу юкъанна, ГIалгIайчуьрчу шина тобано Оьрсийчоьнан президенте кхайкхамбина, оппозиционер регионан урхалле хIоттавар доьхуш. Социлан машанашкахь шеконашца тIеэцна и хаам. Маршо Радионо хаамбарца, кху шеран Дечкен-баттахь дуьйна лаьцна ву Хазбиев Мохьмад, бакъо йоцуш герз лелорна а, Iедалхойн сийсазбарна а аьлла, бехке вина. ТIаьхьо социалан тобанашкахь гамо, цабезам гIаттийна цо аьлла, кхин цхьа бехк а хьарчийра цунах. Адвокаташа дийцарехь, Хазбиевс бехкаш тIе ца дитина... Читать дальше...