ТIаьхьарчу хенахь террорхой бу а бохуш, хIаллакбо кегийрхой. Къаьсттина Нохчийчохь а, ГIалгIйчохь а, Дагестанехь а цхьана кепехь бойуш бу: цо герз тоьхнера ницкъахошна, ткъа полисхоша цунна дуьхьал герз тоьхна вийна, олий. Оцу тIехула Маршо Радионо шун кхеле даьккхинера хаттар: Шу теший Iедалан версех? ЖамIаш ишта ду.
Дуьнеаюкъарчу FinExpertiza аудиторан-консалтинган машан аналитикаша Iорадаьккхинчу терахьашца, уггар а кIезиг къаьркъа молучу регионашлахь хьалхара ю Нохчийчоь. Талламаш бечу хенахь тидаме эцна 2018-чу шарахь доьхкинчу къаьркъан барам 2010-чу шарахь хиллачу суьртаца а дустуш. Долчу зерашца, юккъерчу барамехь оьрсийн бахархоша шарахь молу 26, 65 литар корта бахон малар. Ткъа Нохчийчохь молу 0, 1485 литар. 85 регионашлахь бинчу талламашца уггар а тоьлла гайтам бу иза. Нохчийчоьнна тIаьхьайогIу ГIалгIайчоь а (0,6223), Дагестан (2,331) а. Читать дальше...
Холмачалла лелон нах лецна, уьш таIзаре хIиттийна Соьлжа-ГIалахь юха а, Путинан а, Медведевн а суьрташ кешнашкахь жIараш тIехь латтор толлуш ду, Оьрсийчоьнан рекордийн Книги юкъахь ву Нурмагомедов Хьабибан да. (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
ОвхIанистанан къилберчу Гильменд провинцехь мел лахара а 35 маьрша вахархо вийна. 13 чевнаш йина овхIанхойн тIемалоша динчу тохаршкахь. Яхначу буьйсан юккъехь тIалибаша Iожалхой кечбечу гIишлонехь спецназо рейд дIахьочу заманчохь хилла ду и зулам, хьаькамаша дийцарехь. ТIелатар дечу хенахь тохарш дар нисделла кхара Iалашо лаьцначу меттиган гергахь хIоттийна ловзар хиларна. "35 маьрша вахархо вийна цигахь, 13 стагна кеп-кепара чевнаш йина. Хаксар кIоштарчу Муса-Калахь дIахьочу ловзаргахь дакъалоцуш хиллера и нах"... Читать дальше...
2002-чу шарахь вийначу иллиалархочун Круг Михаилан гIуллакхах йист яларх хаамбина Талламан комитето. Официалехь Круг вийначун цIе а йоккхуш, урхалло дуьххьара ма дарра дийцина оцу зуламах лаьцна. Хьалхо, велла дIаваллалц набахтехь яккха хан тоьхначу "Тверские волки" зуламан тобан декъашхочо Агеев Александра мукIарло динера Круг верах. Веселов Дмитрий цIе йолчу кхечу тобанхочо вийна иза аьлла, дIахьединера цо. Талламаш дIахьочу юкъанна Агеевс дийцинера, Круга цIа чохь къола дан Iалашо хиллера шайн, цул тIаьхьа цунна шантаж ян дагахь. Читать дальше...
Дуккхаъ а самбон чемпионаш кхиорна Оьрсийчоьнан рекордийн Книги юкъа вахийтина тренер Нурмагомедов Iабдулманап, яздо "Обзор" хьостано. Официалан терахьашца а догIуш, 18 дуьненан чемпион кхиийна Нурмагомедовс. Ву царлахь цуьнан кIант UFC-н чемпион Нурмагомедов Хьабиб а, спортхой Хабилов Рустам, Мамедов Ислам, Магомедов ИбрахIим, Магомедов Магомед, Завуров Шемал, Джабраилов Джабраил, Алхасов Магомед ишта кхи дIа болу самбон латархой а.
Смоленскан кешнашкахь жIараш тIехь латтийна шина сахьтехь Путинан а, Медведевн а, Песковн а, Собянинан а, Шойгун а, Бегловн а, кхиболчу баккхийчу хьаькамийн а суьрташ кху беттан 19-чу дийнахь. Шина дийнахь лехнера полисхоша бехкенаш, эххар а лецна "Агитроссиян" кхо жигархо – Жексимбаев Андрей а, Иванкин Павел а, Кудрявцев Григорий а. Кхааммо а бехкаш тIе ца лоцу, шайн алиби а, телефонаш дIасайиттина биллингаш а тоьшаллаш ду, шаьш кешнашна герга аьттехьа а дахна дац бохуш, дIахьедо цара. Василеостровскан... Читать дальше...
Санкт-Петербургехь иккхинчу конфликтехь лазийна Дагестанера схьаваьлла мел лахара а пхи вахархо. Лазийнарш дарбан цIийне кхачийна. Петербургерчу Фрунзенскан кIоштахь кеп-кепарчу къаьмнийн векалшна юкъахь дов даьлла хилла. Летарш хилла яхначу пIераскан буса. Оцу летаршкахь 16 стаг хилла. Цаьрга хьожуш Iийначара дийцарехь, герзаш дуьйлуш хезна царна, ткъа дарбан хIусаме балийначарлахь уьрсан чевнашца берш а бу. Лазартне кхачийначарех пхиъ Дагестанера ву, цхьаъ Азербайджанера ву яздо "Фонтанка" газетано, полицерчу шайн хьосташна тIе а тевжаш. Читать дальше...
Донецкаца доза къаьстачу Опытное олучу эвлахь ехаш ю 80 шо долу Горинич Мария. Саццаза деттачу герзаша цкъа цIийнда вийра цуьнан, юха кIант. Эхашарахь шен кIант дIаволла аьтто боцуш, шайн бешарчу лаьттах воьллина латтийнера цо. Цул тIаьхьа каяьллера цуьнан доьзалхо кешнашка дIа а ваьхьна, лаьтте кховдо.
ГIалгIайчоьнан премьер-министран гIовсан даржехь чIагIйина Амриева Марьям. Социалан блоках жоп дала хьакъ хир ю иза. Республикерчу Халкъан собранин 6-чу гуламан депутат яра Амриева 2016-чу шарера схьа дуьйна. Парламентехь цо урхалла дора дешаран, културан, динан организацешца йолчу уьйрийн комитетан.
Нохчийчуьрчу Хьалха-Мартанахь ши зуда а, цхьа стаг а лаьцна полисхоша, холмачалла лелош хилла аьлла, бехкебина. Шайн гергарчу нахаца цхьана пачхьалкхан "Грозный" телеканалахь эфирехь бехкаш даьхна цаьргара. Телехьожийлан корреспонденто дийцарехь, 30-х гергга шо а хилла Чакаева Зинас шарлатаналла лелон. Соьлжа-гIаларчу исламан медицинан центран коьртачу лоьро, Iеламчас Эльжуркаев Адама дIахьедина, ша хIинццалц схьа Iорабаьхначу "магашца" дуьстича, Чакаевас Iаламат шуьйрачу кепехь кхочушдеш хилла шен клиентийн хьашташ. Читать дальше...