Новгородера лаьцна валийначу шина вешин 20 гергара стаг вигна хилла Iедалхоша; Европан санкцешна буханисвеллачу Висмурадов Абузайдана "Даймехкана динчу гӀуллакхашна" аьлла, совгIат дина; коронавирусна дуьхьал маха тохийтина президенто Путин Владимира
Евробарто керла санкцеш дуьхьалъяьхна Оьрсийчоьнна, Нохчийчохь Iедална дуьхьал болчарна а, ЛГБТ-н векалшна а тIехь ницкъбарна. Тоьхна дозанаш хьакхаделла Устрада-ГIалин полицин хиллачу хьаькамах Катаев Аюбах а, мехкан вице-премьерах, СОБР "Терекан" командирах Висмурадов Абузайдах а.
"Новая газете" Нохчийчохь йина кхел а йоцуш нах байъарх дийцинчу, Кадыров Ахьмадан цIархчу полкан полисхо лаьттинчу Гезмахмаев Сулеймана психотропан молханаш дара лелош, Оьрсийчуьра ведда, вахна иза цIахь даккхий ахчанаш тIе а хьерчийна аьлла, дIахьедина "Грозный" телеканалан эфирехь цуьнан гергарчу наха. Иза даймахкахь волчу заманчохь шайн терго хиллера, тIех чIогIа цуьнан азваларх, тIаьхьо тIекхиира шаьш, наркотикаш цо лелош хиларна, боху девашас Гезмахмаев Салмана. "Грозный" телехьожийлан... Читать дальше...
Красно Андрей Федералан прессин а, экспертийн а тидаме доьжна дов ду Нохчийчоьнан Лакхарчу кхело Зазадоккху-беттан 25-чохь кхидIа хоттур долуш. Екатеринбургера URA.RU агенталла ю прокурор лаьттинчу Залзаев Муратна хааман информацица эшам барна ша Хьалха-Мартанарчу кхело 15 миллион сом компенсаци яла декхареяр къовсуш. Нагахь санна сацам низаме берзахь, Оьрсийчохь прессера сий эшорна яьхначу компенсацех уггаре дукхахниг хир ю иза, прецедент кхолла а тарло цо. 2017-чу шеран Марсхьокху-баттахь Хьалха-Мартанан... Читать дальше...
Къилбаседа Кавказера бахархой летта яхначу шинарин суьйранна Мурманскан кIоштарчу Белокаменкехь "НОВАТЭК" олучу гIишлошъяран Центрехь. Болчу хаамашца, оцу конфликтехь дакъалаьцна Къилбаседа Кавказан регионашкарчу а, Казахстанера а бахархоша. Верриг а, официалан зерашца, лазийна ялх стаг. Хедийна а, кегйина а меженаш ю церан. "Царна массарна а лоьрийн гIо кхачийна, дIахьош талламаш бу, жамIаш зийначул тIаьхьа процессуалан сацам бовзуьйтур бу", - аьлла, хааме даьккхина Мурманскан кIоштарчу чоьхьарчу... Читать дальше...
Муфтиятан а, ГIалгIайчуьрчу тайпанийн Кхеташонан а дехаршца, хьалхо кхайкхийна хилла мацалла хьегар сацийна экстремизмана бехкебинчу гIалгIайн жигархоша. Фейсбукерчу шен аккаунтехь бина цунах лаьцна хаам адвокато Кодзоев Бориса. "Оха, бухахь куьйгаш яздинчара, официалехь дIахоуьйту, Саутиева Зарифа юха а колони схьакхачорца доьзна, кху беттан 16-чохь лаьцна мацалла юхайоккхуш хиларх. Оха мацаллин бойкот сацош ю тхоьга муфтиято а, юкъаралло а, ГIалгIайчоьнан тайпанийн Кхеташоно а, кхинболчу, тхуна а... Читать дальше...
Нохчийчохь Магамадов Салехьан а, Исаев Исмаилан а 20 гергга цIийнах болу нах лецна хилла полисхоша, цу шиннан да-нана долу меттиг йицийта Iалашонца. "Оьрсийчоьнан ЛГБТ-машано" бина цунах лаьцна хаам. Дийцарехь, буьйса юккъе яхначу хенахь берриш а маьршабаьхна, цIа бахийтина. Хьалха-Мартанарчу СаIди-кIотарара Исаевн а, Магамадовн а гергарнаш лецнера аьлла, дуьйцу "Оьрсийчоьнан ЛГБТ-машанан" секретаро Бесцвет Тима. Цо чIагIдарца, 20 гергга стаг лаьцна вигина хиллера ницкъаллийн структурийн белхахоша. Читать дальше...
ТIаьххьарчу дийнахь-буса Къилбаседа Кавказехь 25 дархо кхелхина коронавирусан уьнах. Вирус кхаьстина кхин а 418 стагаца. Оперативан штабан зерашца, Краснодаран кIоштахь велла 11 стаг, Ставрополан махкхахь - пхиъ, Дагестанехь - виъ, ГIебарта-Балкхаройчохь - шиъ, ГIалмакхойчохь а, Адыгейхь а, Нохчийчохь а цхьацца велла тIечIагIдинчу лазарх. Верриг а Къилбаседа Кавказехь ун даьржичхьана велла COVID-19 вирусах 8 410 стаг. ТIаьххьарчу 24 сахьтехь гучудаларца, Ставрополан кIоштахь бу дукха цомнаш нах - 120 стаг. Читать дальше...
Кху деношкахь Европан санкцешна буханисвеллачу Нохчийчоьнан вице-премьерна Висмурадов Абузайдана 1-чу бараман орденца совгIат дина, "Даймехкана динчу гӀуллакхашна" аьлла. И хаам баржийна инстаграмерчу шен агIонехь туризман министро Байтазиев Муслима. Иштта совгIаташ дина республикерчу даржашкарчу кхечу нахана а. Вице-премьерна Усмаев Вахьидна елла "Даймахкана динчу гIуллакхашна аьлла IV-чу даржера орден, ткъа ГИБДД-н леринчу ротан командирна Магамадов Исламна а, Невран-кIоштарчу ГИБДД-н декъан... Читать дальше...
Коронавирусна дуьхьал маха тохийтина Оьрсийчоьнан президенто Путин Владимира, карарчу хенахь дикачу хьолехь ву иза. ТАСС агенталле шинарин дийнахь пресс-секретаро Песков Дмитрийс хаам барехь, кхаара дуьззина белхан де ду президентан. Хьалхо Песковс кхетийра, Кремло цхьана хIуманна цIе ца йоккху, муьлхачу вакцинех пайдаэца лерина ву Путин, "Оьрсийчоьнан кхуьй вакцина тешаме а, пайден а ю" аьлла, тIе а тухуш. Кхечу пачхьалкхийн политикаша санна, нахана а гойтуш, ца тохийтина шена маха президенто, билгалдоккху ТАСС агенталло. Читать дальше...
Соьлжа-ГIаларчу чоьхьарчу гIуллакхийн министраллан декъан куьйгалле хIоттийна капитан Айдамиров Дени - Нохчийчоьнан куьйгалхочун Кадыров Рамзанан стунвешин кIант ву. Хьалхо махкарчу Росгвардин хадархойн пунктан хьаькам вара иза. 2020-гIа шо доьрзуш Кадыровн орденца совгIат дира цунна. ХIинццалц Соьлж-ГIаларчу полицин коьртехь хилла Ирасханов Аслан республикан чоьхьарчу гIуллакхийн министран гIовс хIоттийна. Нохчийчохь кхел йоцуш нах байъарх лаьцначу "Новая газетан" материалашкахь вуьйцуш а ву Ирасханов. Читать дальше...