Новости за 17.05.2023

Стигалкъекъа-баттахь Бельгехь ворхI стаг дIалаьцна. Уьш бехке лору террорхойн "Исламан Пачхьалкхан" агIончаш хиларна. Iедало церан цIерш ца йоху, амма дукхахберш нохчий бу аьлла билгалдаьккхина ду. Цу пачхьалкхехь дуьххьара лаьцна терроран бехкаца цу кепара дукха Нохчийчуьра схьабаьхкинарш. Кавказ.Реалии сайто хеттарш динчу эксперташна и тайпа бехкаш царна хенал хьалха тIедехкина. "ДаIишан догреза агIончаш" ДIалаьцначу нохчех биллина хаамаш бац. Deutsche Welle сайто бахарехь, буьйцурш 20 шо кхаьчна кегийнах бу. Читать дальше...

Охан-баттахь кхетамчуьра йаьлла дарбан цIийне кхаьчна хилла йолу ГIалгIайчоьнан Малгобекера 4 шо долу йоI йелла – шен доьзалехь къиза йетташ, хьийзош хилла и бер. ЙоIан кхалхарх лаьцна шен телеграмерчу каналехь дийцира регионан куьйгалхочо Калиматов Мохьмад-Iелас. "Цуьнан цIийца долчу чолхечу лазарна дуьхьал дан хIума доцуш биссира лоьраш", – дIахьедира цо, амма ца элира, дуьйцург хIун лазар ду. Стигалкъекъа-беттан 9-хь Калиматов дарбан цIийнахь йоIанна хьажа-хIотта вахара, тIаккха бохура, иза кхетамчу йеана, цуьнан хьал тоделла. Читать дальше...

Hохчийчоьнан куьйгалхочун Кадыров Рамзанан вешин кIантана Кадыров Хьамзатна Росгвардин республикерчу урхаллин "Накъосталла дарна" олу мидал йелла. Регионан куьйгалхочун 26-шо долу гергара стаг ницкъаллин блокехь цуьнан хьехамча-гIоьнча ву. Кадыров Хьамзатна совгIат дIаделира Росгвардин Нохчийчуьрчу урхаллин куьйгалхочо, инарла-майор волчу Делимханов Шарипа. Нохчийчоьнан куьйгалхочун "дика гIоьнча санна гайтина" Кадыровс ша, элира цо. СовгIат даларан кхиндолу бахьанаш цо ца дийцира. "Накъосталла... Читать дальше...