Оьрсийчу депорт йина Садуев Илес карош вац гергарчарна
Зазадоккху-беттан 12-чу дийнахь Францино депортацин лагерера араваьккхина, кемана а хаийна, Европан хенаца 9 сахьт 20 минот йолуш, Москва доьдучу кеманца дIахьажийна шайн пачхьалкхехь шераш даьхна волу нохчийн мухIажар Садуев Илес.
Оцу хенахь дуьйна зIе хаьдда цуьнца цуьнан Францехь бисинчу доьзалан а, накъостийн а, Нохчийчуьрчу гергарчарна а дац Садуевх Москва дIакхаьчча хилларг хууш. Цунах саготта ю Маршо Радиоца зIенехь йолу Садуевн зуда а, цуьнан уллера доттагI а.
2015-чу шарахь Нохчийчуьра Iедал иза лаца гIоьртира, цо Малхбалерчу тIаме баха нах вовшахбетта аьлла. Оцу хьолера ведда, Франце дIавахнера Садуев, цигахь цунна а, доьзална а тховкIело елира, дуьйцу Садуевн цIийннанас а, гоно а.
2018-чу шарахь Францерчу урхаллаша тховкIело кхайкхор юха а даьккхина, лаьцна, депортацин лагере кхачийна хилла Садуев– цхьаболчу хаамашца, бехке диллина цо Францерчу Оьрсийчоьнан векалтехь шена паспорт даккхийтар.
ВорхI бер ду Садуевн - доккхахдолчун 10 шо, жимахчун ворхI бутт.