Новости за 30.03.2020

Казак бийлиги Нур-Султан менен Алматыдан башка дагы алты калааны - Атырау, Караганды, Темиртау, Сарань, Шахтинск жана Абай шаарларын 30-марттан тартып карантинге жапты. Ошондой эле Акмоло облусуна кирип-чыккандарды чектеди. Карантин жарыяланган шаар-аймактарда азык-түлүк, дары-дармек сатып алыш үчүн, банкка баруу максатында гана сыртка чыгууга болот. Ошондой эле үйдөн иштөөгө мүмкүн болбогон кесип ээлерине гана жумушка барууга уруксат берилди. Жамбыл облусу менен Тараз шаарына карантин 31-марттан тартып жарыяланмакчы. Читать дальше...

2020-жылы Кыргызстанда экономикалык өсүш болорунан үмүт кылбай эле койгон оң. Эң ири үч шаарды карантин каптап, көчөлөрү жымжырт.

Биринчи вице-премьер-министр Кубатбек Бороновдун  30-мартта билдиргенине караганда коронавирусту жайылтпаш үчүн бардык аракеттер көрүлүүдө. Ал үчүн элдин колдоосу жана жоопкерчилиги маанилүү. Ошондой эле Боронов, эгер, илдетти жугузгандар азайбаса өзгөчө абал режимин узартуу маселеси каралашы мүмкүн экенин белгиледи. Коронавируска байланыштуу Бишкек, Ош жана Жалал-Абад шаарларынын, Ош облусунун Ноокат, Кара-Суу райондорунун, ошондой эле Жалал-Абад облусунун Сузак районунун аймактарына 25-марттан 15-апрелге чейин өзгөчө абал киргизилген. Читать дальше...

Кошмо Штаттардын президенти Дональд Трамп коронавирустун жайылышына каршы чараларды 30-апрелге чейин узартуу тууралуу чечим кабыл алды. Буга чейин Трамп мындай чаралар 12-апрелге чейин эле алынышы ыктымал экенин айтып жаткан. Ал жекшембиде журналисттердин суроолоруна жооп берип жатып, АКШда оору эң күчөгөн маал эки жумадан кийин башталышы мүмкүн экенин билдирди жана чектөө чаралары болбосо эки миллиондой адам ажал табышы ыктымал экенин эскертти. Ушул тапта АКШ вирус жуккандардын саны боюнча алдыга чыкты. Читать дальше...

Кыргызстанда коронавирус жугузган үч адам айыгып, ооруканадан чыгарылып жатат. Бул тууралуу Саламаттык сактоо министрлиги кабарлады. Айыккандар Жалал-Абад облусунун Сузак районунун 62, 44 жана 46 жаштагы тургундары, үчөө тең аял. Саламаттык сактоо министрлигинин маалыматына караганда, бул үч жарандын акыркы анализдеринен коронавирустун белгилери табылган жок, ошондуктан жакын арада үйлөрүнө жөнөтүлөт. Кыргызстанда 30-мартка карата коронавирус жугузуп алгандардын жалпы саны 94 кишиге жетти. (BkA)

Кыргызстан чет мамлекеттердеги жарандарын таштабайт. Бул тууралуу биринчи вице-премьер-министр Кубатбек Боронов 30-марттагы онлайн басма сөз жыйынында Орусиянын аэропортундагы кыргызстандык жарандар тууралуу суроолорго жооп берип жатып билдирди. Вице-премьер кыргыз өкмөтү каалагандардын баарын татыктуу тосуп аларын, медициналык тейлөөгө жана камкордукка аларын айтты: «Кимдин колунда учакка билети бар болсо, аларды ташып келип жатабыз. Андайлардын соңку 401ин бир рейс менен алып келип, обсервацияга жаткырдык». Читать дальше...

«Левада» борбору Орусиядагы президенттин жаш курагына байланыштуу сурамжылоосунун жыйынтыгын жарыялады. Ага ылайык, сурамжылоого катышкандардын үчтөн экиси (62%) жашы 70тен өткөн адамдын мамлекет башчы болушуна каршы чыккан. Респонденттердин 35% дегеле ардагер курагындагы киши президент болбосун деген оюн билдиришкен. Дагы 23% президенттин жашы 70ке жетпеши керек экенин билдирген.  Орусиялыктардын 31% гана президентке жаш курагына байланыштуу эч кандай чектөө болбошу керек деген пикирде болгон. Читать дальше...

Ысык-Көл районунун Сары-Ой айылындагы эс алуу борборлордун биринде республика боюнча жарыяланган карантинге карабастан элүүгө жакын киши курулуш иштерин жүргүзүп жатат. Көл жээгинде 358 батирлүү үйдү куруп жаткандардын арасында Өзбекстандын жарандары да бар. Куруучу компания бул жумушчулар карантин жарыялангандан кийин үйүнө кете албай калып калгандар деп түшүндүрүүдө.

Сузак районунда 18-марттан тартып жарыяланган өзгөчө кырдаалдан кийин бир топ үй-бүлөлөрдө азык-түлүккө муктаждык жаралды. Райондун Лавдан-Кара айылындагы көп балалуу Каримовдордун турмушу кыйын кырдаалга туш келди. Пенсия, жөлөк пул да албаган үй-бүлөнү ашканада иштеген келини бакчу.

Ошону менен республикада коронавирусту жуктургандардын саны 94 кишиге жетти.

Бишкектин көчөлөрүнө кошумча 400 патрулдук кызматкер чыга баштайт.

Эпидемиологиялык абалга байланыштуу Баткен, Жалал-Абад жана Ош облустарына барып иштөө ниетин билдирген дарыгерлердин экинчи тобу Бишкектен жөнөп кетти. Бул тууралуу 30-мартта Саламаттыкты сактоо министрлиги кабарлады. Мекеменин маалыматына караганда, алар аталган облустардагы эпидемияга каршы жана дарылоо иш-чараларына катышат. “Жогорку квалификациядагы медицина кызматкерлери бир айга жөнөп кетишти. Алар облустук клиникалык ооруканаларга жардам берет” деп айтылат министрликтин маалыматында.... Читать дальше...

Кыргызстанда доллардын расмий курсу 28-мартка карата 80 сом 20 тыйынды түздү. Бул тууралуу Улуттук банктын расмий сайтында кабарланды. Ал эми бир евро 88 сом 30 тыйынды түзүүдө. 26-мартта доллардын сомго карата расмий курсу 79 сом 74 тыйын, ал эми евронуку 86 сом 37 тыйын болчу. Учурда коммерциялык банктар жана акча алмаштыруучу жайлар долларды 81 сомдон сатууда. Кыргызстанда акыркы үч жылдан бери 69 сомдун тегерегинде туруктуу кармалып келген доллар акыркы бир айда кымбаттады. Алгач 10-мартта үч сомго кымбаттаса... Читать дальше...

Кыргызстан Беларустан коронавирусту аныктай турган 25 миң тест алдырганы жатат. Бул тууралуу өкмөттүн басма сөз кызматы кабарлады. Буга чейин Кытайдан 112 500 долларга (ташып келүү баасын кошпогондо) 30 миң экспресс-тест сатып алуу маселеси чечилгени кабарланган. Андан мурдараак 5 миң экспресс-тест сатылып алынып, анын көбү Жалал-Абад облусуна жөнөтүлгөн. 29-мартта Кыргызстанда коронавирус жуккан адамдардын саны 84 болгон. Коронавируска байланыштуу Бишкек, Ош жана Жалал-Абад шаарларынын, Ош облусунун Ноокат... Читать дальше...

Чүй облусунда коронавирус аныкталган эки адам - Аламүдүн районунун Көк-Жар айылынын тургундары. Бул тууралуу Коронавируска каршы республикалык штаб кабарлады. Маалыматка ылайык, оору аныкталган ата-бала 12-мартта Дубайдан учуп келген. Алар үй карантинге алынып, дарыгерлердин көзөмөлүндө болгон. 28-мартта текшерүү учурунда бул адамдар коронавирус жугузуп алганы аныкталган. Учурда алар ооруканага жаткырылып, үй-бүлө мүчөлөрү жана айылда байланышта болгондор карантинге алынды. 30-мартка карата Кыргызстанда... Читать дальше...

Бул тууралуу саламаттык сактоо министри Космосбек Чолпонбаев Ош, Жалал-Абад облусунда коронавирус аныкталган адамдарды дарылаш үчүн Бишкектен кошумча медициналык бригада жөнөтүү учурунда билдирди. Жалал-Абадда коронавирустан айыккан адамдар бар экенин белгилеп, ал жөнүндө кийинчерээк маалымат берилерин кошумчалады. Саламаттык сактоо министрлигинин маалыматы боюнча инфекционист, пульмонолог, анестезиолог–реаниматологдордон турган тогуз дарыгер коронавирус жуктуруп алган бейтаптарды дарылоого бир ай бою көмөктөшөт. Читать дальше...

Кыргызстанда коронавируска байланыштуу ишин убактылуу токтоткон сот органдарында отурумдар кайсы күнгө белгиленгенин телефондон билип турса болот. Бул тууралуу 30-мартта Жогорку соттун басма сөз кызматы кабарлады. Мекеменин маалыматына караганда, сот жараянынын катышуучулары үйдөн чыкпастан, төмөнкү телефондор аркылуу канцелярияга чалса болот: 0 312 66-35-01 (жазык иштери), 0 312 66-34-29 (административдик жана экономикалык иштер)  жана 0312 66-30-40 же 62-19-29 (жарандык иштер). 30-марттан 3-апрелге чейин Ош... Читать дальше...

Бишкек шаары 30-марттан тартып күчөтүлгөн көзөмөлгө өтуп жатат. Бул тууралуу борбор калаанын коменданты Алмазбек Орозалиев билдирди. Орозалиевдин айтымында, борбор калаанын көчөлөрүнө кошумча 400дөй патрулдук кызматкер чыгат: "Алар санитардык-карантин эрежелерин бузгандарга карата чара көрүшөт". 30-мартка караган түнү Кыргызстандын аймагында коменданттык саат талабын бузган 148 адам кармалып, милиция бөлүмүнө жеткирилди. Жалпысынан өзгөчө абал жарыяланган беш күндүн ичинде өлкө аймагында түнкүсүн көчөдө жүргөнү үчүн 1087 адам кармалды. Читать дальше...

30-мартка караган түнү Кыргызстандын аймагында коменданттык сааттын талабын бузган 148 адам кармалып, милиция бөлүмүнө жеткирилди. Бул тууралуу Ички иштер министрлигинин басма сөз кызматы кабарлады. Мекеменин маалыматына караганда, кармалгандардын арасынан 122 адам Бишкекте. Ош шаарында сегиз, Жалал-Абад шаарында тогуз, Сузакта төрт, Ноокатта бир жана Кара-Суу районунда төрт адам. Жалпысынан өзгөчө абал жарыяланган беш күндүн ичинде өлкө аймагында түнкүсүн көчөдө жүргөнү үчүн 1087 адам кармалды. Читать дальше...

Бишкекте 31-марттан тартып өзгөчө абал учурунда колдонулуучу өткөрмөлөр электрондук ыкма менен бериле баштайт. Бул тууралуу шаардын коменданты Алмазбек Орозалиев билдирди. Анын айтымында, документтерди кабыл алуу, иштеп чыгуу жана берүү Бишкектеги төрт райондук ички иштер башкармалыктарында жүргүзүлөт. «Санариптештирүүнүн алкагында өткөрмө берүү боюнча электрондук тутум ишке киргизилип жатат. Эми үйдөн чыкпай эле өткөрмө алууга болот. Ошондой эле, 1312 ыкчам байланыш телефон номуру иштеп жатат», - деди ал. Читать дальше...

Дүйнөнүн улам бир өлкөсү коронавирустун жайылышын кармап туруу үчүн катаал чараларды көрүп, карантин же өзгөчө абал киргизип жаткан кезде Швеция европалык мамлекеттердин арасынан жалгыз болуп жарандарынын күнүмдүк турмушун дээрлик өзгөртүүсүз калтырды.

Кыргызстандын аймагында бир суткада эки жолу жер титиреди. Сейсмология институтунун маалыматына караганда, 29-мартта саат 10:51де жердин титиреши Жалал-Абад облусунун Базар-Коргон районуна караштуу Беш-Бадам, Кызыл-Гава айылдарында беш балл, Базар-Коргон, Масы, Үч-Булак, Кызыл-Октябрь айылдарында 4,5 балл, Жалал-Абад, Көк-Жаңгак шаарларында 3,5 балл болду. Ушул эле күнү 16:04тө Баткен облусунун Кадамжай районуна караштуу Шахимардан айылында 2,5 баллга чейин сезилди. Баштапкы маалымат боюнча,... Читать дальше...

Кыргызстанда коронавируска байланыштуу киргизилген өзгөчө абал убагында журналисттердин көчөгө чыгып иштешине уруксат берилбейт. Бул тууралуу 30-мартта ички иштер министринин орун басары, Бишкектин коменданты Алмазбек Орозалиев билдирди. Анын айтымында, мындай чектөөгө соңку абал боюнча жүргүзүлгөн талдоо себеп болду. Комендант журналисттерге кайрылып: «Биз кырдаалды талдап чыктык. Журналисттердин өздөрүнүн саламаттыгынын коопсуздугу үчүн аларга аккредитация бере албайбыз. Бул, биринчи кезекте... Читать дальше...

Бишкекте 30-мартка караган түнү коменданттык саат эрежелерин бузган 122 адам кармалды. Бул тууралуу баш калаанын коменданты Алмазбек Орозалиев билдирди. Анын айтымында, кармалгандардын 23ү аял, 97си эркек, экөө чет элдик жаран жана экөө өспүрүм. Коронавируска байланыштуу Бишкек, Ош жана Жалал-Абад шаарларынын, Ош облусунун Ноокат, Кара-Суу райондорунун, ошондой эле Жалал-Абад облусунун Сузак районунун аймактарына 25-марттан 15-апрелге чейин өзгөчө абал киргизилген. Бул аралыкта аталган аймактарда... Читать дальше...

Өзбекстанда 30-марттан тартып 20-апрелге чейин бардык аэропорттор өз ишин токтотту. Мындай чечимди Коронавирустун жайылышынын алдын алуу боюнча атайын республикалык комиссия кабыл алды. Буга чейин Өзбекстандын Тышкы иштер министрлиги чет өлкөлөрдөн келе албай жаткан жарандар үчүн чартердик авиакаттамдарды уюштуруу иштери жүрүп жатканын билдирген. Күн мурун 100дөн ашуун өзбекстандык Москвадагы «Внуково» аэропортунда күн кечирип, чартердик каттамды күтүп жатканы кабарланган. Стамбулдагы аэропортто да ушундай эле кырдаал түзүлгөн. Читать дальше...