Новости за 30.03.2020

Эл аралык Валюта Фондунун (ЭВФ) башчысы Кристалина Георгиева коронавирус пандемиясынан улам дүйнөлүк экономика солгундай баштаганын (рецессия) билдирди. Ал эл аралык коомчулукту тышкы карызы көп өлкөлөргө көңүл бурууга чакырды. Георгиева журналисттер үчүн өткөрүлгөн видеобрифинг учурунда каатчылыктан чыгыш үчүн өнүгүп келе жаткан өлкөлөргө кеминде 2,5 триллион доллар керек экенин белгиледи. Ал видео конференциянын алдында 24 өлкөнүн расмий өкүлдөрү менен сүйлөшкөн. «Ушул тапта биз 2009-жылдагыдай же андан да жаман рецессияга кирдик. Читать дальше...

29-мартта Москванын «Шереметьево» аэропортунан «Аэрофлот» компаниясынын чартердик каттамы менен 402 кыргызстандык жаран учуп келди. Бул тууралуу коронавирустун алдын алуу штабы маалымдады. Айрым маалыматтарга ылайык, Москвадан учуп келгендердин арасында башка үчүнчү өлкөлөрдөн келгендер да бар. «Мигранттарды колдоо» борборунун жетекчиси Тимур Саралаев транзит аркылуу 47 адам учуп келгенин «Фейсбуктагы» баракчасына жазды. Кыргызстандын Орусиядагы элчилиги өткөн аптада «Шереметьеводо» 40ка жакын кыргызстандык жалпы зонада... Читать дальше...

Кытайда акыркы суткада COVID-19 илдетинен төрт киши каза болду, 30 адам жаңыдан жугузуп алды. Кытайдын Саламаттык сактоо министрлиги жаңы вирус жуктургандардын бирөө жергиликтүү, калганы чет өлкөлөрдөн келген жарандар экенин 30-мартта кабарлады. Маалыматка ылайык, жугуштуу илдет тарагандан бери ага кабылгандардын 93% айыгып чыккан. Акыркы күндөрү 322 адам бул ооруну жеңгени маалымдалды. Коронавирустан Кытайда 81,4 миң киши жабыркап, 3 300дөн ашуун киши өлдү. 28-марттан тартып Кытай чет өлкөлүктөргө эшигин жапкан. Читать дальше...

30-мартта пульмонолог, эпидемиолог жана реаниматолог дарыгерлер Ош жана Жалал-Абад облустарына жиберилет. Бул тууралуу коронавирустун алдын алуу штабынын жетекчисинин орун басары Касымбек Мамбетов 29-мартта брифингде билдирди: «Түштүктө абал оор болгондуктан, биз 15 чакты пульмонолог жана реаниматолог дарыгерлерди ошол жакка жиберип жатабыз. Адистер даяр». 25-мартта Бишкектен Жалал-Абаддагы ооруканаларга ыктыярчы сегиз дарыгер барган. Алар алдыдагы күндөрү коронавируска чалдыккандарды дарылап жаткан адистер менен орун алмашары кабарланган. Читать дальше...

Коронавирустун алдын алуу штабынын маалыматына караганда, 30-мартта, саат 8:00гө карата өлкөдө коронавируска чалдыккан жаңы учур катталган жок.  Учурда өлкөдө жугуштуу илдетке чалдыккандардын саны 84кө жетти. 26 киши 29-март күнү аныкталган. Саламаттык сактоо министрлигине караштуу штабдын жетекчисинин орун басары Касымбек Мамбетов жаңы вирус аныкталгандардын баары обсервацияга алынып, дарыгерлердин көзөмөлүндө экенин маалымдады. Ошондой эле алар менен байланышта болгондорду аныктоо иштери жүрүп жатат. Читать дальше...

"Эл үнү" программасына бул жолу тамак-аш тартыш болуп жатканына, насыяны төлөөгө байланыштуу суроолор менен кайрылышты. Ошондой эле Италиянын Бергамо шаарындагы мекендештин кеп-кеңешине орун бердик.

Пакистандын президенти Ариф Алвинин момундарга жамы мечиттерге жума намазга чогулбай туруу чакырыгы майнапсыз болуп, өлкөдөгү чоң мечиттер коронавирус жайылтуучу тозок жайына айланды. Анын эпкини Кыргызстанга да тийди.