Новости за 25.08.2021

Жалпыга маалымдоо каражаттары “Талибандын” ардагерлери Ооганстанда чечүүчү кызматтарга дайындалып жатканын жазышты. «Пажхвок» агенттигинин маалыматына караганда, 25-августта ардагер талибдер - Гүл Ага финансы министри болсо, Садр Ибрагим ички иштер министринин милдетин аткаруучу болуп дайындалды. «Аль-Жазира" телеканалы мурда Гуантанамодо түрмөдө отуруп чыккан молдо Абдул Кайюм Закир коргоо министри болгонун кабарлады. Reuters агенттиги “Талибандын”мүчөсү бул дайындоолорду тастыктаганын билдирди. Читать дальше...

Аукциондун катышуучусу сунуштаган негизги суммадан тышкары, форумдун катышуучулары спортчуга 19,5 миң доллар чогултуп берүүнү чечишти.

Мурдагы премьер-министр Темир Сариев камакта калды. Жактоочулары аны үй камагына чыгарууну талап кылып, эки күн сот алдына чыгышты. “Кумтөр иши” боюнча камакта жаткан парламент депутаты Төрөбай Зулпукаровду да сот үй камагына чыгаруудан баш тартты. Ушул эле иш боюнча камакка алынган мурдагы премьер-министр Мухаммедкалый Абылгазиев мамлекетке 50 млн. сом төлөп берип, үй камагына чыкканы белгилүү болду. Буга чейинки Кой-Таш жана кийинки октябрь окуяларга байланыштуу саясатчы, жарандык активисттердин камалышы да коомчулуктун талкуусунда турат. Читать дальше...

"Талибан" кыймылынын жогорку даражалуу өкүлдөрү министрликтерге дайындалышты. Ооганстандан чыгып кетүүнү көздөгөн түмөндөгөн адамдар Кабул аэропортунун тегерегинде топтолуп турат.

Ооганстанда талибдер бийликке келгенден кийинки кризистин кесепетинен калктын 14 миллионго чукулу ачарчылыкка учурашы ыктымал. Бул тууралуу БУУнун Азык-түлүк программасынын директору Дэвид Бизли Reuters агенттигине билдирди. Анын сөзүнө караганда, соңку бир нече жылдан берки кургакчылыктын, куралдуу чыр-чатактардын жана COVID-19 пандемиясынын айынан экономика алсырап, Ооганстанды катуу “бороон” күтүүдө. Гуманитардык кыйроонун алдын алуу үчүн БУУга сентябрга карата кеминде 200 миллион доллар керектелет. Читать дальше...

Би-Би-Си “Талибан” Ооганстандын аялдарына азырынча иштебей, көчөгө чыкпай турууну сунуштаганын кыймылдын өкүлү Забиулла Муджахидке шилтеме берип кабарлады. “Биздин коопсуздук күчтөрүбүз аялдарга карата кандай мамиле кылууну жана кантип сүйлөшкөндү үйрөнө элек. Алардын коопсуздугу толук камсыздалмайынча... Биз аялдарды үйүнөн чыкпоосун өтүнөбүз”, – дейт Забиулла Муджахид. “Бул абдан кыска мөөнөттүк процедура”, – деп кошумчалады ал. Буга чейинки маалымат жыйындарынын биринде Забиулла Мужахид “Талибан” кыймылы аялдар менен кыздарга окуп... Читать дальше...

АКШ жана анын өнөктөштөрү Ооганстандан өз жарандарын жана алар менен кызматташкан оогандыктарды 31-августка чейин чыгарып кетмей болду. Бишкек шаардык соту “Кумтөр иши” боюнча камалган экс-премьер-министр Темир Сариевдин бөгөт чарасын карап, абакта калтырды. Саясатчынын тарапташтары эки күн катары менен митингге чыгышты. Ички иштер министрлиги коронавирус боюнча ПЧР тесттин жасалма анализ кагазын cаткандар жөнүндө жарыяланган журналисттик иликтөөдөгү фактыларды текшерет.

"Танк биатлону" 22-августта башталган. Кыргызстандын командасы экинчи дивизионго кирип, сары түстөгү танкалар менен Лаостун, Малинин жана Мьянманын командаларына каршы чыкты.

Кыргызстандагы бардык билим берүү мекемелери 15-сентябрдан кадимки режимде иштеп баштайт. Мындай чечим Министрлер кабинетинин 25-августтагы жыйынында кабыл алынды. Жыйында билим берүү жана илим министри Болотбек Купешев 2021-2022-жаңы окуу жылында мектептер бардык санитардык-эпидемиологиялык талаптарды сактоо менен иштерин билдирди. Анын айтымында, окуу башталганга чейин билим берүү мекемелеринин кызматкерлеринин 70% эмдөө пландалып жатат. Учурда мугалимдердин 55,8% COVID-19га каршы эмделди. ... Читать дальше...

Президент  Садыр Жапаров Кыргызстандын жарандыгына кабыл алуу жана чыгаруу жөнүндө жарлыктарга кол койду. Бул тууралуу президенттин басма сөз кызматы 25-августта кабарлады. Ага ылайык, 548 адам (анын 149у балдар) кыргыз жарандыгын алды. Алардын көпчүлүгү этникалык кыргыздар. Мамлекет башчы башка жарлыгы менен 102 адамды (19у  балдар) жарандыктан чыгарды. Учурда өлкө калкынын саны – 6 млн. 600 миң киши. Этникалык кыргыздар Казакстанда, Өзбекстанда, Тажикстанда, Ооганстан, Түркия сыяктуу мамлекеттерде жашашат. Читать дальше...

Тажикстандын президенти жаңы ооган өкмөтүнүн түзүлүшү тууралуу оюн билдирди. Ал Ооганстанда бардык элдер менен этникалык топтордун кызыкчылыгын камтыган инклюзивдүү өкмөт түзүлөрүнө үмүт артарын Дүйшөмбү шаарына расмий сапар менен келген Пакистандын тышкы иштер министри Шах Махмуд Курайшини кабыл алган учурда айтты. Тажик президентинин басма сөз кызматы кабарлагандай, Рахмон Ооганстандын жаңы өкмөтүн түзүүдө бардык элдердин, өзгөчө, өлкөн  калкынын 46% түзгөн ооган тажиктеринин кызыкчылыгын эске алуу зарыл деп эсептейт. Читать дальше...

Экономика жана финансы министрлиги ишкерлерди текшерүүгө укуктуу мамлекеттик органдардын жаңы тизмегин сунуштады. Ага сегиз мекеме кирди. Мындай укукту Ички иштер министрлигине берүү же бербөө маселеси али чечиле элек. Мурдараак бул демилге бизнес коомчулуктун нааразылыгын жараткан, президент да каршы пикирин билдирген. Текшерүүчүлөрдүн тизмеги “Ишкердик субъекттерге текшерүү жүргүзүүгө укугу бар ыйгарым укуктуу органдардын тизмегин жактыруу жөнүндө” токтом долбоору Министрлер кабинетинин (өкмөт) сайтына жарыяланды. Читать дальше...

Ушул жылдын жети айында Орусиянын Москва шаарында кыргызстандыктарга байланыштуу 916 кылмыш иши катталды. Алардын көбү өз мекендештерине карата жасалган кылмыштар болгон. Бул тууралуу Кыргызстандын Орусиядагы элчиси Гүлнара-Клара Самат менен Орусиянын Ички иштер министрлигинин (ИИМ) Москва шаардык башкармалыгынын ыкчам иштер боюнча башчысынын орун басары Александр Половинканын жолугушуусунда айтылды. Анда Москванын полициясы 2019-жылдан бери кыргыз жарандарынын Орусияда кылмыш кылган учурлары көбөйгөнүн белгилеп... Читать дальше...

Кыргызстанда бир мандаттуу округдардын аймагы такталып жатат. Бирок округдардын бөлүнүшү тууралуу акыркы чечим кабыл алына элек. Парламенттик шайлоонун эрежесин аныктаган мыйзам долбооруна президент кол кое элек. Документ 28-июлда Жогорку Кеңеште колдоо таап, 4-августта президенттин аппаратына келип түшкөн. Мамлекет башчы 4-сентябрга чейин аталган мыйзам долбооруна кол коюп, же кайра артка кайтарышы керек. Анын автору президент өзү экенин эске алганда мыйзам долбоорунун четке кагылышы күмөн. ... Читать дальше...

"Чек арасыз кабарчылар" эл аралык укук коргоо уюму Ооганстанда “Талибандын” сөз эркиндигин урматтайбыз деген убадасына карабай, олуттуу жана абдан катаал чектөөлөр киргизилгенин билдирди. Уюмдун кабарына караганда, өлкөдө жалпыга маалымдоо каражаттарына (ЖМК) көзөмөл күчөтүлдү. Штаб-кеңсеси Францияда жайгашкан "Чек арасыз кабарчылар" уюму Кабулда жана Жалалабад шаарында иштеген кеминде он журналист өзүнүн кесиптик милдетин аткаруу учурунда ар кандай коркутуп-үркүтүүгө дуушар болгонун мисал келтирди. Читать дальше...

Кыргызстандын Салык кызматы кыргыз-казак чек арасындагы “Ак-Тилек” бекетинен 1266 мал, 40 тоннадай дан, 20 тоннадай товар кармалганын кабарлады. Бул импорт жүктөрдүн тийиштүү документтери жок болгон. Бул тууралуу мекеменин басма сөз кызматы билдирди. Маалыматка ылайык, "Ак-Тилектен" 272 баш бодо мал, 910 кой-эчки, 22 тонна улпак, 22 тонна арпа жана 30 тоннадай чарба товарлары кармалган. Ал эми кыргыз-казак чек арасындагы “Чалдыбар” бекетинен 69 жылкы, 15 бодо мал, 15 тонна тоок жумурткасын мыйзамсыз алып өтүп бараткандар аныкталган. Читать дальше...

“Азаттыктын” 2х1 форматындагы маегинин кезектеги коногу - Жогорку Кенештин депутаты, күрөш федерациясынын вице-президенти, кыз-келиндер күрөшү боюнча Кыргызстандын улуттук курама командасынын улук машыктыруучусу Байгазы Кенжебаев. Спортчу -депутат Токио олимпиадасынын жыйынтыктары, кыргыз спортунун күңгөй-тескейи, кыздардын күрөштөгү салмагы, саясий ишмердиги тууралуу суроолорго жооп берди.

"Неман" клубу өткөн аптада "Минск" клубун 4:0 эсебинде уткан. Командага жеңиш алып келген голдордун бирин кыргызстандык футболчу киргизген.

Кыргызстандын Тышкы иштер министрлиги (ТИМ) Пакистандан келгендерди чектөөгө алуу тууралуу айтылып жаткан талаптарга жооп берди. Мекеменин басма сөз кызматы 25-августта билдирүү таратып, алардын баары мекенинен вакцина алып келгенин, бул тууралуу Пакистан элчилигинин расмий тастыктамасы бар экенин, өлкө аймагына кирген бардык чет өлкөлүктөр соңку 72 саат ичинде жасалган ПЧР тестинин жыйынтыгын көрсөтөрүн, шектүүлөрү ооруканага жөнөтүлөрүн белгиледи. ТИМдин маалыматына караганда, Кыргызстанда коронавирус... Читать дальше...

Жугуштуу ооруларга, анын ичинде коронавируска каршы күрөшүүнүн натыйжалуу жолдорунун бири эмдөө экенин 25-августта кыргызстандыктарга Коронавируска каршы республикалык ыкчам штаб эскертти. Штабда өткөн маалымат жыйынына Бишкек шаарынын Мамлекеттик санэпидкөзөмөл борборунун иммунопрофилактика бөлүмүнүн башчысы Бурул Асыкбекова катышып, 300 миллион адамдын өмүрүн алган, адамзат тарыхындагы эң коркунучтуу деп таанылган чечек оорусун дарыгерлер эмдөө жолу менен жеңгенин айтты. Ал шал, кептөөр, кызылча... Читать дальше...

Кыргыз элине зор кубаныч тартуулаган спортчу Sputnik Кыргызстан агенттигине маек уруп, бала чагы, спортко аралашуусу, анан, албетте, Олимпиада тууралуу айтып берди.

АКШ жана анын союздаштары чет элдиктерди жана айрым оогандыктарды эвакуациялап, аскерлерин 31-августка чейин чыгарып кетерин угары менен Кабул аэропортуна кирүүнү көздөгөндөрдүн агымы күч алды. АКШ президенти Жо Байден эвакуацияга жетишүү үчүн мурда бекитилген мөөнөттү узартуу америкалык аскерлер үчүн кооптуу болорун айткан болчу. “Талибан” кыймылы мурда бекитилген мөөнөттү узартууга болбостугун айтып, чет элдик аскерлердин чыгып кетишинин акыркы күнү - 31-август экенин эскерткен. Ошондой эле... Читать дальше...

АКШ Ооганстандагы аскерлеринин бардык операцияларын, анын ичинде чет элдиктер менен кээ бир оогандыктарды эвакуациялоону 31-августка чейин толук аяктоону көздөйт. Бирок бул мөөнөттө операцияларды аяктоого жетишип, үлгүрүү талибдерден көз каранды экенин АКШ президенти Жо Байден шейшемби күнү Ак үйдө билдирди. Андан мурун Байден “Чоң жетинин” лидерлери менен бул маселени талкуулаган. АКШ президенти америкалык аскерлердин Ооганстандан кетишине байланыштуу күтүүсүз жагдайлардын алдын алуу планын иштеп чыгууну тапшырганын айтты. Читать дальше...

Буга чейин айрым фанаттар Нурмагомедовду Афганистанга карата өзүнүн позициясын билдирбегени үчүн катуу сынга алышкан.