Новости за 06.12.2023

Саламаттык сактоо министрлиги сасык тумоо, пневмония менен ооруган балдар үчүн ооруканаларда кошумча керебеттер жайгаштырыларын билдирди. Мындай чечим 6-декабрда министр Алымкадыр Бейшеналиевдин катышуусунда өткөн кеңешмеде кабыл алынды. Маалыматта айтылгандай, сасык тумоо жана пневмонияга чалдыккан балдар үчүн шаардык медициналык тез жардам балдар клиникалык ооруканасынын базасында 30 койка, жугуштуу оорулар менен ооруган бейтаптар үчүн энени жана баланы коргоо Улуттук борборуна 30 койка коюлат. Читать дальше...

Президент Садыр Жапаров 6-декабрда “Кабар” улуттук маалымат агенттигине Көзөмөл-кассалык машинелерди (ККМ) колдонууга каршы чыккан соодагерлердин митинги тууралуу маек берди. Ал базардын ККМге өтүшүнө кызыкдар болгон салык кызматкерлери да бар экенин, ушундан улам 5-декабрда элге жаңы салык саясаты тууралуу маалымат берүү үчүн “Дордой” базарына барып ишкерлер менен жолукканын айтты. Базарларда контейнер ээлери ар бирин 3000 доллардан 13 миң долларга чейин ижара берерин, бирок бир тыйын да мамлекетке салык төкпөй турганын билдирди. Читать дальше...

6-декабрда израилдик аскерлер Газанын түштүгүндөгү Хан-Юнис шаарын курчоого алышты. АКШ жана Еврошаркетте террордук деп таанылган ХАМАС радикал тобуна каршы согуштун алкагында ЦАХАЛ палестиналык анклавдын түштүгүндөгү операциясын күчөткөн. Фран-Пресс (АФП) агенттиги аскерлер хамасчылар менен шаардын көчөлөрүндө, имараттарда кармашып жатканын жазып, израилдик кол башчыга шилтеме менен бул азыркы уруштагы эң курч салгылаш болуп калганын кошумчалады. Газанын түндүгүндөгү дээрлик бардык райондордо турак жайлар... Читать дальше...

Президенттин Ош облусундагы өкүлү Элчибек Жантаев Матраимовдорго байланышы бар деп иштен алынган кызматкерлер боюнча пикирин билдирди. Ал «Азаттыктын» суроолоруна жооп берип жатып мамлекеттик денгээлде жүргүзүлүп жаткан саясатты колдой турганын айтты. "Уюшкан кылмыштуу топтор, коррупция менен болгон күрөш өлкөнүн ар кайсы жерлеринде жүрүп жатат. Анын ичинде биздин Ош облусунда дагы жүрүүдө. Мен ачыгын айтайын, буга чейин айрым кызматкерлердин байланыштары тууралуу атайын кызматтардан учкай маалыматтар келип түшкөн. Читать дальше...

Кыргызгидромет борбору кабарлагандай, 7-декабрда түнкүсүн Чүй облусунун айрым жерлеринде жаан, тоо этектеринде жана тоолуу райондорунда кар жаайт. Калган аймактарда жаан-чачын болбойт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн -2…+3, күндүз 1…6, Талас жергесинде түнкүсүн 0…-5, күндүз 3…8, Баткен, Ош, Жалал-Абад аймактарында түнкүсүн 0…5, күндүз 10…15, Ысык-Көл дубанында түнкүсүн -2…+3, күндүз 6…11, Нарын облусунда түнкүсүн -5…-10... Читать дальше...

Бажы кызматынын төрагасы Самат Исабеков Кыргызстанда бажы тармагында буга чейин түзүлгөн коррупциялык схема толугу менен жоюлганын, бирок анын элементтери дагы деле бар экенин билдирди. Бул тууралуу ал 6-декабрда Бишкекте Бажы кызматынын 2023-жылдын 11 айындагы ишинин жыйынтыгы боюнча басма сөз жыйынында журналисттердин суроолоруна жооп берип жатып айтты. “Мурункудай бир үй-бүлөгө байланган кландык схема жок. Бирок элементтери бар. Аларга каршы күрөш жүрүп жатат. Себеби, биз алардын жанында дайыма эле жүрө албайт экенбиз. Читать дальше...

Кримчөйрөгө тиешеси бар делген "Салимбай байбача" деген каймана ат менен таанымал өзбекстандык ишкер Салим Абдувалиев кармалып, тергөө жүрүп жатканы кабарланды. Буга чейин "Салимбай байбачанын” кыргыз саясатындагы байланыштары дагы талкуу жараткан учурлар болгон.  "Салимбай байбачанын” таасири жана Кыргызстандагы байланышы Борбор Азия эле эмес, КМШда “Салимбай” жана "Салимбай байбача" деген каймана ат менен таанымал өзбекстандык ишкер Салим Абдувалиевдин кармалганы расмий ырастала элек. Бир... Читать дальше...

Бажы кызматынын мурдагы төрага орун басары Райымбек Матраимов менен байланышы бар 58 бажы кызматкери иштен алынды. Бул тууралуу Бажы кызматынын төрагасы Самат Исабеков 6-декабрда маалымат жыйында билдирди. Ал бул жаатта 2022-жылдан бери териштирүү жүрүп келгенин, иштен алынган кызматкерлер арасында чечүүчү кызматта тургандар, атап айтканда, орун басарлар, башкы инспекторлор да болгон. Бул багыттагы иликтөө иштери уланып жатканын, жыйынтыгы боюнча кошумча маалымат берилерин билдирди. Ал кирешинин... Читать дальше...

Президент Садыр Жапаров Кыргызстандын жарандыгына кабыл алуу жана жарандыгынан чыгаруу жөнүндө жарлыктарга кол койду. Президенттин сайтына 6-декабрда жарыяланган маалыматка ылайык, Кыргызстандын жарандыгын кабыл алгандардын басымдуу бөлүгүн түпкү теги кыргыздар түзөт. Жарлыкта да, маалыматта да канча адам кыргыз жарандыгынан чыгарылып, канча адам Кыргызстандын букаралыгына кабыл алынганы тууралуу ачык жазылган эмес. Президенттин жарлыгындагы маалыматтар августтан бери жабык боло баштады.... Читать дальше...

Министрлер кабинетинин төрагасынын орун басары Эдил Байсалов президент Садыр Жапаровдун соодагерлердин нааразылыгын пайдаланып, башаламандык уюштургусу келген "күчтөр" тууралуу айтканына түшүндүрмө берди. Бул тууралуу ал 6-декабрда маалымат брифингинде "Азаттыктын" суроосуна жооп берип жатып айтты. “Алар жеңилген мафия. Сиздер алар жөн жатат деп ойлойсуздарбы? Алардын 100 миллиондогон акчасы бар. Ошондуктан буга кызыкдар адамдар көп. Ушул бийлик чабылып калса, туңгуюктан чыкпай калса дешет. Ушул... Читать дальше...

Улуттук коопсуздук боюнча мамлекеттик комитетинин (УКМК) төрагасы Камчыбек Ташиев Көзөмөл-кассалык машинелерди (ККМ) колдонууга каршы базарларда болгон нааразылык акциялары тууралуу пикирин айтып, элди чагымчыларга алданбоого чакырды. Бул тууралуу ал 6-декабрда атайын кызматтын Аламүдүн райондук башкармалыгынын жаңы имаратын ачып жатып билдиргенин УКМКнын басма сөз кызматы кабарлады. “Өлкөдөгү базарлардын ээлери соода комплекстеринен эбегейсиз киреше алып жаткан бай адамдар. Бирок соодагерлер чоң... Читать дальше...

Кемпир-Абад иши боюнча Бишкектеги №1 тергөө абагында жаткан саясатчы, активисттер бул иш боюнча соттук териштирүүнүн создугушу тууралуу Жогорку Соттун төрагасы Замирбек Базарбековдун сөздөрүнө жооп берди. Алардын катында “шектүүлөр камерадан чыкпай коюуда” деген калп экени, мындай окуя бир да жолу болбогону жазылган. “Кемпирабадчылар камерадан чыкпай койсо”, “сотко келбей койсо” №1 тергөө абагынын, Конвой департаментинин кызматкерлери акт түзөт, тергөө абагында да, сот залында да видео жазууга жазылат. Читать дальше...

Министрлер кабинетинин төрагасынын орун басары Эдил Байсалов Жогорку Кеңеште ага чара көрүү тууралуу көтөрүлгөн демилге тууралуу комментарий берди. 6-декабрда “Азаттыктын” суроолоруна жооп берип жатып 4-декабрда парламенттин Социалдык саясат боюнча комитетинин жыйынында ал айткан сөздөрдү контексттен алып сындоого болбой турганын айтты. “Бийлик бутактары ынтымакта иштеши керек. Сый мамиле эки тараптуу болушу зарыл. “Биз депутатпыз өкмөт өкүлдөрү унчукпай отурсун” дегендей мамиле жасалбашы керек”, - деди Байсалов. Читать дальше...

6-декабрда басма сөз жыйынында Министрлер кабинетинин төрагасынын орун басары Эдил Байсалов Кыргызстанда административдик-аймактык реформанын алкагында өлкөдө бир топ өзгөрүүлөр болорун билдирди. Анын сөзүнө караганда, Бишкек шаарынын аянты үч эсеге кеңейет. Бирок бул кандай шартта ишке ашарын тактап айткан жок. Бишкек – Кыргызстандын баш калаасы жана өлкөнүн саясий, экономикалык, илимий, маданий борбору. Калаада Ленин, Октябрь, Биринчи Май жана Свердлов деп аталган төрт район бар. Борбордо мамлекеттик бийликтин жогорку органдары... Читать дальше...

Кыргызстандын 1418 жараны чет мамлекеттерде сот жообуна тартылып, жазасын өтөөдө. Алардын ичинен 1167 адам Орусияда, 83 киши Казакстанда, Иракта 41, Түркияда 30, Өзбекстанда 22 киши абакта жатат. Калгандары Кытайда, Бириккен Араб Эмиратында, Беларуста, Литвада, Италияда, Германияда жана Грузияда кармалууда. Бул тууралуу башкы прокурордун орун басары Үмүткан Коңкубаева 6-декабрда Жогорку Кеңештин жыйынында билдирди. Ал Кыргызстанга которулуп жазасын мекениндеги түрмөлөрдө өтөөнү каалагандар өзү... Читать дальше...

Футбол боюнча Кыргызстандын улуттук курама командасынын башкы машыктыруучусу Штефан Таркович Катарда өтө турган Азия Кубогунда ойной турган футболчулардын кеңейтилген тизмесин жарыялады. Тизмеге отуз эки оюнчу кирген. Көпчүлүгүн жаштар түзөт. Ал эми чабуулчулар Мирлан Мурзаев, Виктор Майер өңдүү бир катар футболчулар улуттук курама командага кирбей калган. Кыргызстандын футбол уюму муну курамада муун алмашуу болуп жатканы менен байланыштырды. "Кыргыз футбол союзунун жетекчилиги жана кураманын... Читать дальше...

"Эркиндик үнү" подкастында жасалма интеллекттин келечегин, коркунучун жана пайдасын, демократияга тийгизген таасирин талкуулайбыз. Жакында эле жасалма интеллект айдыңында ChatGPT чат-ботун негиздеген OpenAI компаниясындагы чуу жогорку технологиялар дүйнөсүн ары-бери кылып койду. 17-ноябрда аталган компаниянын директорлор кеңеши ишкананын негиздөөчүлөрүнүн бири Сэм Альтманды күтүүсүз иштен алып, бир күндөн кийин кызматкерлердин нааразылыгынан улам кайра ордуна койду. Адистер белгилегендей, бул окуя компанияга эле эмес... Читать дальше...

АКШнын Каржы министрлиги Орусиядан жана Беларустан 13 киши менен 20 компанияны санкциялык тизмеге киргизди. “Кара тизмеге” киргендер катарында Швециянын жараны жана Пермде туулган Сергей Скворцов бар. Ал Швецияда Орусиянын кызыкчылыгы үчүн тыңчылык кылып жүргөн деп айыпталып, кийин акталган. АКШнын санкциясына беларустук ишкерлер Александр Шакутин, Павел Топузидис жана Виктор Петрович да кирген. Вашингтон аларды “Александр Лукашенконун капчыгы” деп атайт. Чектөө Беларустагы Кызыл Чырым уюмунун башка катчысы Дмитрий Шевцовго да тиешелүү. Читать дальше...

Тышкы иштер министрлиги Газа секторунан дагы эки кыргызстандык эвакуацияланганын билдирди. Маалыматка караганда, мекеме аларды алып чыгууну Орусия жана Египеттин дипломатиялык мекемелеринин көмөгү менен ишке ашырган. 4-декабрда жарандарды Газа тилкесинен Каир аркылуу чыгып, Москвага чартердик каттам менен алып келишкен. Буга чейин 24-ноябрда да эки кыргызстандык Газадан ушул каттам аркылуу алып келинген. Тышкы иштер министрлиги Газадан кетүүнү каалаган мекендештерди эвакуациялоо иштери уланарын билдирген. Читать дальше...

6-декабрда Жогорку Кеңештин жыйынында Министрлер кабинетинин төрагасынын орун басары Эдил Байсаловго чара көрүү маселеси кайра көтөрүлдү. “Ынтымак” фракциясынын мүчөсү Аида Исатбек кызы Эдил Байсалов мамлекеттик кызматкерлердин этикасын сактабай депутаттар менен айтышып, Жогорку Кеңештин абройуна шек келтирип жатканын билдирди. Спикер Нурланбек Шакиев Эдил Байсалов менен болгон акыркы окуя териштирилип, чара көрүлөрүн айтты. Жогорку Кеңештин Социалдык саясат боюнча комитетинин 4-декабрдагы... Читать дальше...