Акција во Штрпце за отстранување нелегални српски безбедносни камери

По наредба на Основниот суд во Урошевац, косовската полиција денеска спроведува акција за одземање на безбедносни камери поставени од нелегални српски структури во општина Штрпце. Обвинителот на Основното обвинителство на Урошевац Расим Малоку за Радио Слободна Европа соопшти дека акцијата се одвивала на четири локации во оваа општина, вклучително и во објектот на општината на диви српски градби. „Спроведуваме судска наредба за контрола и одземање на предмети кои се наоѓаат во објектот на општината на дивоградби и на три други локации, каде што постои сомневање дека се наоѓаат уредите за следење на овие безбедносни камери кои се поставени во општината“, рече тој.

Во Косово уапсени поранешниот градоначалник на Штрпце и уште 9 лица

Овој случај, според Малок, не е поврзан со случајот „Брезовица“ кој се работи за злоупотреби при доделување градежни дозволи во туристичкиот центар на Брезовица. Единствената поврзаност, според него, е што координатор на дивоградбите во оваа општина бил и поранешниот градоначалник на општината Братислав Николиќ. Од српската Канцеларија за Косово и Метохија пак е соопштено дека повеќе од 30 членови на Росу рано утринава во полна опрема извршиле рација во Штрпце со цел, како што се оценува, ново заплашување и малтретирање на Србите во оваа општина.