ДУИ: Денес триумфираше рационалноста, се зачуваа европските корени на земјата

Демократската унија за интеграција ја поздрави одлука за прифаќање на францускиот предлог донесена од страна на Собранието на Република Северна Македонија, која ја нарече историска и со која се запечатила „идеолошката ориентација на земјата без друга алтернатива, онаа за интеграција во Европската унија“.

„Денес, триумфираше рационалноста, се зачуваа европските корени на земјата и беа поразени деструктивните обиди на регресивните проруски сили. Граѓаните на оваа држава не подпадна на измамите, провокациите, конфузијата и не ги поддржаа протестите кои имаа за цел да ја вратат  државата наназад, по сите заеднички достигнувања. Нашето патување кон Европа ќе го направиме заедно, со достоинство и целосен демократски капацитет. Ја имаме поддршката на сите земји од Европа и на Соединетите Американски Држави, со кои успешно ги поминавме сите предизвици за демократизација на земјата“, порачаа од ДУИ.

Ковачевски: Вака се сака државата, со мудри и државнички одлуки

Со 68 гласа „За“ пратениците во Собранието денеска ги усвоија заклучоците за таканаречниот француски предлог со кој треба да се откочат македонските евроинтеграции. Немаше против и воздржани пратеници. Усвојувањето на предлогот беше дочекан со аплауз од пратениците од владејачкото мнозинство.

Пратениците на опозицската ВМРО-ДПМНЕ по завршувањето на дебатата и пред гласањето ја напуштија собраниската сала. Три дена пратениците расправаа за содржината на Предлог преговарачката рамка за пристапните преговори на Македонија со ЕУ предложена од Франција.