МВР: Приведен осомничен за палењето на автомобилот на пратеникот Ристески

Во Прилеп во текот на изминатата ноќ беше опожарен автомобилот на пратеникот од ВМРО-ДПМНЕ Петар Ристески во Прилеп, при што огнот го зафатил и автомобилот на неговиот татко, соопшти МВР, наведувајќи дека било приведено едно лице, кое е осомничено во врска со овој случај. Според соопштението на полицијата пожарот бил изгаснат од екипа на Територијалната противпожарна единица Прилеп, а повредени лица нема. Увид извршила екипа на ОВР Прилеп и во координација со Јавен обвинител се преземаат мерки за расчистување на случајот.


Ковачки: Запален автомобилот на пратеникот на ВМРО ДПМНЕ Ристески, СДСМ со осуда на овој чин


За случајот најпрвин на Фејсбук информираше пратеникот од ВМРО-ДПМНЕ Драган Ковачки кој вели дека станува збор за, како што наведе, „кукавички чин зад кој стојат платеници инспирирани од предавничкото раководство на СДСМ“. Владејачката СДСМ го осуди палењето на автомобилот на пратеникот од ВМРО-ДПМНЕ, Петар Ристески и го повика МВР да го расчистат случајот.