Бектеши- Мерки за домаќинствата и индустријата штом се прогласи кризна состојба

Со прогласување на кризна состојба во енергетскиот сектор веднаш почнуваме со мерки за стопанството и домаќинствата за излез од енергетската криза, изјави денеска министерот за економија Крешник Бектеши, кој имаше средба со претставници на енергетскиот сектор. Т


ој изјави дека секојдневно се во комуникација за да се креираат мерки со кои ќе се ублажи кризата како кај домаќинствата, така и во индустријата.

На состанокот се дискутираше за можните мерки и чекори кои ќе ги преземе Владата за излез од енергетската криза. Кризната состојба ќе се прогласи од почетокот на август и ќе бидат преземени мерки. Сега засегнатите страни предлагаат мерки, а потоа Владата треба да одлучи што ќе прифати.


Министерот Бектеши ја повика опозицијата да помогне да се надмине кризата.


Лидерот на ВМРО-ДПМНЕ, Христијан Мицкоски денеска изјави дека нè очекува тешка зима и дека Владата уште во мај требаше да обезбеди енергенси.



Нова цена на парното – се пресметува колкаво ќе биде поскапувањето


На средбата со Бектеши, присуствуваше и директорот на ЕСМ, Васко Ковачевски, кој изјави ЕСМ целосно ќе ги задоволи потребите на ЕВН Хоум, Електродистрибуција и МЕПСО во текот на грејната сезона. Тој вели дека сите неопходни набави се направени навремено и по поволни цени. За набавка на досега испорачаниот мазут, потврдува, се потрошени околу 25 милиони евра, а за јагленот околу 30 милиони евра.