ګوتېرېش وویل له ترهګرۍ سره مبارزه، د ټولشموله حکومت جوړېدل، د بشري حقونو او په ځانګړي ډول د افغان نجونو او ښځو د حقونو خوندیتوب او یو سوله ییز او نړۍ سره تړلی افغانستان هغه موضوعات دي چې نړیواله ټولنه پرې توافق لري.
د پښتو ژبې نومیالی شاعر رحمت شاه سایل وايي د کتابونو لوست او د سندو اورېدو شعر ویلو ته وهڅاوه. نوموړي له مشال راډیو سره په مرکه کې وویل چې په لومړیو کلونو کې یې چې شعر وایه نو خپل نوم یې ورسره نه لیکه، خو چې انقلابي شاعري یې پیل کړه او تر جلسو او سیاسي غونډو ورسېد نو نور ګمنامه پاتې نه شو. رحمت شاه سایل د انقلابي او مزاحتمي تر څنګ رومانوي شاعري هم کوي. له نوموړي سره بشپړه ویډیويي مرکه وګورئ.
تمبل (چمبه، داریال یا داریا) د عراق د فولکوري موسیقۍ يو مهمه برخه ده، خو په ۲۰۱۴ز کال کې چې اسلامي دولت (داعش) ډلې موصل ښار ونیوه نو پر موسیقۍ یې بندیز ولګاوه. البته څو کاله وروسته چې حکومتي ځواکونو هغې وسلوالې ډلې ته ماتې ورکړه نو اوس یو ځل بیا تمبل په دیني او ټولنیزو غونډو کې غږول کېږي. د فرانس پرېس اژانس له ویډیو جوړ رپورټ.