امنیت شورا: افغانستان کې د بشري حقونو وضعیت د (شدیدې اندیښنې) وړ دی، طالبان دې تګلارې بدلې کړي
د ملګرو ملتونو امنیت شورا د افغانستان د بشري حقونو وضعیت او بشري کړکیچ د شدېدې اندېښنې وړ وباله او د طالبانو د سیاستونو د بدلون غوښتنه یې وکړه.
په دې ځانګړې ناسته کې چې تېره شپه ترسره شوه، ټینګار وشو چې له طالبانو سره د نړېوالې ټولنې تعامل یوازې هغه وخت ممکن دی چې دوی خپلې نړېوالې ژمنې پوره کړي.