د بشار اسد د رژیم د پرځېدو یو کال پوره شو ډبلیو اف پي وايي یواځې دوو میلیونو افغانانو ته مرستې کولی شي طالبانو په هرات کې هغه ځوانان نیولي چې د پیکي بلاینډرز سریال د ستورو په څېر ګرځېدل دا خبرونه د صفي الله ستانکزي په کوربه توب کتلی شئ
د ملګرو ملتونو د بشري مېشتیدنې پروګرام یو این هبتات په افغانستان کې د ټرافیکي پېښو له امله د رامنځته شویو مرګ ژوبلو په اړه اندېښنه ښودلې ده. دغه پروګرام پرون یکشنبه د ډیسمبر ۷ مه په خپله اېکس پاڼه په یو بیان کې ټرافیکي پېښې د مخنیوي وړ بحران او په افغانستان کې د مرګونو مخکښ لامل بللی دی. یو این هبتات ټینګار کړې چې د خوندي سړکونو جوړول، موټر چلونکو ته مسلکي روزونه، د عامه پوهاوي زیاتول او د ترافیکي قوانینو پلي کول د ټرافیکي پېښو له امله د رامنځته کېدونکو تلفاتو د کمولو کلیدي سراتیژي ده. دا په داسې... Читать дальше...
په سوریه (شام) کې د احمد الشرع په مشرۍ د پخواني ولسمشر بشار الاسد د رژیم نسکورولو یو کال پوره شو.لنډمهالی ولسمشر الشرع د ډېسېمبر پر اتمه د دې ورځې په مناسبت په دمشق کې تاریخي اموي جومات ته ولاړ او خلکو ته یې په وینا کې پر یووالي ټینګار وکړ. "په اوسني پړاو کې د ټولو خلکو د هڅو یووالي ته اړتیا ده چې یوه پیاوړې سوریه جوړه، ثبات یې ټینګ او حاکمیت یې خوندي شي." د اسد رژیم ړنګېدو په مناسبت زرګونه کسان د دمشق لارو، کوڅو او سړکونو ته وروتلي ول او له سهار وختي څخه یې جشنونه او خوشالۍ کولې. په دې ترڅ کې په... Читать дальше...
ملګري ملتونه وایي، د افغان ښځو په مشرۍ سازمانونه او ادارې په افغانستان کې د ښځو او نجونو د ملاتړ د سیسټم د ملا تیرګنل کیږي او موږ نشي کولی چې د دوی مخکښ مشرتابه له لاسه ورکړو. د افغانستان لپاره د ملګروملتونو د ښځو څانګې پرون یکشنبې پرخپله ایکسپاڼه دغه څرګندونې د ښځو پروړاندې د تاوتریخوالي د له مینځه وړلو ۱۶ ورځني کمپاین ته په اشاره کړې چې د نومبرمیاشتې په ۲۵ پیل شوی دی. د ملګروملتونو د ښځو څانګې د نړیوالو مرستو کمیدو ته په اشاره لیکلي چې له ډیری دغو سازمانونواو بنسټونو سره مرستې زښتې زیاتې کمې شوي... Читать дальше...
د ملګرو ملتونو د خوړو نړیوال پروګرام وايي چې په افغانستان کې فقر او خوارځواکي زیاته شوې او تمه کېږي چې دا وضعیت به د ژمي په موسم کې لا نور هم خراب شي. د دغه پروګرام مرستیال اجراییوي رئیس کارل سکاو ویلي د دې ادارې نیمايي تمویل کم شوی چې له امله یې د افغانستان په څېر هېوادونو کې یې د دوی د فعالیت وړتیا سخته اغېزمنه کړې ده.
په سوریه کې د احمد شرع په مشرۍ د بشار اسد د رژیم د پرځولو یو کال پوره شو. د سوریې ولسمشر احمد شرع د دې ورځې په مناسبت په دمشق کې د اموي تاریخي جومات ته ولاړ او خلکو ته یې وینا وکړه. «په اوسني پړاو کې د ټولو خلکو د هڅو یووالي ته اړتیا ده ترڅو یوه پیاوړې سوریه جوړه، ثبات یې ټینګ، حاکمیت یې خوندي شي، او یوه داسې راتلونکې ترلاسه شي چې د خلکو د قربانیو وړ وي.» شرع کال مخکې هم دا ورځ د اسد د رژیم تر سقوط وروسته د لومړي وار لپاره په اموي جومات کې ښکاره او وینا یې وکړه. نن زرګونه کسان په دمشق کې سړکونو ته... Читать дальше...
پاکستان تحریک انصاف (پي ټي ای) د خپل بنسټګر او پخواني وزیراعظم عمران خان خوشې کولو لپاره د پیل کړي غورځنګ په لومړۍ جلسه کې له ریاسته غوښتنه کړې چې نه یوازې هغه بلکې ټول سیاسي بندیان دې ژر تر ژره خوشې کړي. د ډېسېمبر پر اوومه په پېښور کې شوې جلسې په ځانګړې توګه د خیبر پښتونخوا له حالاتو سره تړلي یوشمېر قراردادونه وړاندې او منظور کړل. د خیبر پښتونخوا اعلاوزیر سهېل اپرېدي جلسې ته په وینا کې وویل، خیبر پښتونخوا "لېبارټري نه ده" چې پکې به ازموینې کېږي، بلکې د چارو لپاره یې باید یوه منظمه تګلاره جوړه شي. Читать дальше...
د ملګرو ملتونو د خوړو د نړیوال پروګرام یا ډبلیو اف پي مرستیال اجرایوي رییس کارل سکاو وايي په افغانستان کې بیوزلي او خوارځواکي زیاته شوې، او وضعیت به د ژمي په میاشتو کې نور هم خراب شي. هغه په دوحه کې له الجزیرې ټلویزیون سره په مرکه کې دا خبره کړې. د ښاغلپ سکاو په خبره د خوړو نړیوال پروګرام نږدې نیمایي مرستې کمې شوي، چې ورسره د افغانستان په څیر هیوادونو کې د دوی فعالیتونه سخت اغېزمن شوي. پخوا به ډبیلو اف پي افغانستان کې لسو میلیونو کسانو سره مرستې کولې خو د بودیجې د کمېدو په سبب دمګړۍ یواځې دوو میلیونو خلکو ته مرستې رسولی شي.
د انډونیزیا (انډونیشیا) د سوماترا اچې تامیانګ ولسوالۍ اوسېدونکي وايي، تر سېلاب وروسته یې څه باندې یوه اونۍ پاکې اوبه نه لرلې او په خړو او خټینو اوبو کې د خوړو پخولو ته اړ ول. هغې ګوښه او لیرې پرتې ولسوالۍ ته اوس پاکې اوبه رسېدلې. په انډونیزیا کې په وروستیو سېلابونو او ورسره په تړلیو پېښو کې سلګونو کسانو ته مرګژوبله اوښتې او ګڼ ورک دي. د رویټرز اژانس له ویډیو جوړ رپورټ.
ټاکل شوې د اوکراین ولسمشر ولودمیر زلنسکي نن دوشنبه لندن ته ولاړ شي او هلته د بریتانیا په ګډون له خپلو اروپایي متحدانو فرانسې، جرمني او ایټالیا سره وګوري. دغه بحثونه به له روسیې سره د سولې پر پلان او دغه راز اوکراین سره د پوځي مرستو پر دوام متمرکز وي. د لندن بحثونه د امریکا په فلوریدا کې د اوکرایني او امریکایي چارواکو تر درې ورځنیو خبرو وروسته پلان شوي دي. که څه هم دواړو لورو دا خبرې مثبتې بللي، خو د پام وړ کوم پرمختګ په کې ونه شو. د ولسمشر ډونالډ ټرمپ اداره وایي، خپله وروستۍ هڅه کوي چې د روسیې او اکراین ترمنځ جګړه ودروي.
د اسراییل صدر اعظم بنیامین نتنیاهو وایي، هوډ لري چې ځواکونه یې د سوریې د جنوب په حایل زون کې پاته شي. نوموړي پرون یکشنبه له خپلو سفیرانو سره یوه غونډه کې ویلي، هیله من دی چې د سوریې د جنوب د غیر پوځي کېدو په اړه هوکړې ته ورسیږي، خو په وینا یې بیا به هم هلته خپل ځواکونه ساتي. دا په داسې حال کې ده چې د شنبې په ورځ د سوریې لنډمهالي ولسمشر احمد الشرع اسراییل نورو هېوادونو ته د کړکېچ په غځولو تورن کړ. د جرمني خبري اژانس د راپور له مخې، د الشرع اشاره د سوریې په جنوب کې د اسراییل دوامداره هوایي بریدونو او بمباریو ته وه. Читать дальше...
د قطر د بهرنیو چارو وزارت وایي، ځانګړي استازي یې د دوحې فورم په څنډه کې په افغانستان، سوریه او افریقا کې له اسلامي دولت ډلې/داعش سره پر روانې مبارزې خبرې کړي. دغه وزارت پرون یکشنبه یوه خبرپاڼه کې ویلي چې فیصل بن عبدالله ال حنزاب دا خبرې د همدغو هېوادونو له استازو سره په جلا جلا کتنو کې کړې دي. خبرپاڼه کې د داعش د اوسني ګواښ او دا چې له دغې ډلې سره مبارزه څه ډول روانه ده، معلومات نه دي ورکړل شوي. فرانسوي څیړونکو او چارواکو د تیرې نومبر میاشتې په دیارلسمه وویل، داعش اوسمهال په افغانستان، منځني ختیځ... Читать дальше...
د جرمني په فرانکفورت ښار کې لسګونه افغان فعالانو او ځوانانو په افغانستان کې د روان وضعیت په اړه غونډه وکړه او ملي ډیالوګ یې یوه جدي اړتیا وبلله. د افغان ښځو د کار، زده کړو او ټولنیز ګډون له حق څخه دفاع د دوی د بحثونو د سر موضوع وه. د " ملي مرکې " تر عنوان لاندې دغه غونډه د دسمبر په شپږمه جوړه شوې وه، خو خبرپاڼه یې پرون ماښام ازادي راډیو ته رسېدلې ده. د دوی د خبرپاڼې له مخې " تر هغو چې د افغانانو بېلابیل نظرونه او غږونه وانه وریدل شي " افغانستان ثبات او ښې راتلونکې ته نه شي رسیدلی. طالبانو واک ته... Читать дальше...
په افغانستان کې د ملګرو ملتونو ځایي ښځینه کارکوونکې وایي، د دوی نه کارکولو د اړمنو ښځو پر ژوند ناوړه اغیز کړی دی. د ملګرو ملتونو افغان ښځینه کارکوونکې درې میاشتې وړاندې کارځایونو ته له تګه منع شوي او همدا پرون د دغه سازمان د ښځو څانګې یو ځل بیا د یاد بندیز د لرې کېدو غوښتنه وکړه.