Раисони КДАМ-и Тоҷикистон ва Қирғизистон баъд аз изҳороти баҳсбарангези Қамчибек Тошиев дар бораи сарҳад гуфтугӯ ва бино ба баъзе аз хабарҳо ба як санади ниҳоии ҳалли мушкилоти марзӣ имзо кардаанд. Мулоқот рӯзи 2-юми октябр дар ҳудуди вилояти Бодканд гузашт.
Як гурӯҳ аз муҳоҷирони тоҷик аз шаҳри Перми Русия гуфтанд, маъмурони пулис рӯзи 29-уми сентябр онҳоро дар бозори мева латукӯб ва таҳқир кардаанд. Шикоятҳои ба ин монанд аз Маскав ҳам расид. Мақомот вазъиятро шарҳ надодаанд.
“Мавҷи муҳоҷирони иҷборӣ аз Қаробоғи Куҳӣ ба Арманистон дар рӯзҳои гузашта коҳиш ёфта, ин раванд ба интиҳои мантиқӣ расидааст", -- гуфт Назел Багдасарян, сухангӯи сарвазири Арманистон рӯзи якуми октябр.
Мухолифин мегӯянд, баъд аз эътирози онҳо дар Берлин, наздиконашон дар Тоҷикистон мавриди таъқиб қарор гирифтаанд; идомаи азияти муҳоҷирони тоҷик дар Русия; назари донишманди ирландӣ дар бораи низоми таҳсилии олии Тоҷикистон ва медали биринҷии паҳлавони тоҷик дар Бозиҳои Осиё.
Ба ҳайати мунтахаби Тоҷикистон дар Бозиҳои 19-уми тобистонаи осиёӣ дар Чин беш аз 100 варзишгар шомил аст. Онҳо то ин дам 5 медал (1 тилло, 1 нуқра ва 3 биринҷӣ) гирифтанд. Хабарнигори мо аз сокинон пурсид, ки аз натиҷаи ҳунарнамоии онҳо то куҷо розӣ ҳастанд.
Расонаҳои Туркия навиштанд, Ҳизби Коргарии Курдистон масъулияти таркиши 1-уми октябрро дар назди бинои Вазорати корҳои дохилии Туркия ба уҳда гирифтааст.
Гурӯҳе аз муҳоҷирони тоҷик дар шаҳри Перми Русия мегӯянд, кормандони пулис дар бозори фурӯши мева онҳоро латукӯб ва таҳқир кардаанд. Айни чунин шикоятҳо аз Маскав ҳам расид.
Эътирози тоҷикони паноҳҷӯ дар Олмон пойи хешовандони онҳоро дар Тоҷикистон ба шуъбаҳои корҳои дохиливу идораи амният ва боздоштгоҳҳо кашондааст.
Эътирози тоҷикони паноҳҷӯ дар Олмон пойи хешовандони онҳоро дар Тоҷикистон ба шуъбаҳои корҳои дохиливу идораи амният ва боздоштгоҳҳо кашондааст.
Дар пайи сӯхтор дар бозори масолеҳи сохтмонии шаҳри Хуҷанд 4 дӯкон ба коми оташ рафтааст.
Аз 1-уми октябр дар Қирғизистон нафақа 38 дарсад боло рафт.
Паҳлавони тоҷик Ҳақназар Назаров дар Бозиҳои 19-уми осиёии Ҳангжоу-2023 дар риштаи кураш медали биринҷӣ ба даст овард. Шумори медалҳои Тоҷикистон дар Бозиҳои осиёӣ ба панҷ расид.
Мақомоти тиббии Узбекистон шаҳрвандонеро, ки ба Ҳинд рафтанӣ ҳастанд, дар бораи хуруҷи вируси Нипах дар он кишвар огоҳ кардаанд.
Бомбгузории маргталабона дар шаҳри Анкара. Ҳодиса якуми октябр дар назди Вазорати корҳои дохилии Туркия рӯй дод. Дар натиҷаи он ду нафар кушта шуданд. Расонаҳои Туркия навиштанд, ки Ҳизби Коргарии Курдистон масъулияти таркишро ба уҳда гирифт.
Дар натиҷаи суқути як чархбол дар вилояти Қарағандаи Қазоқистон ду кас ҷон бохтааст. Ҳодиса рӯзи 30-юми сентябр дар маркази омӯзиши ҳавопаймоии "Балапан" рух додааст.
Аз 1-уми октябр арзиши газ барои нақлиёт дар Узбекистон боло рафтааст. Дар ин бора корбарони шабакаҳои иҷтимоӣ хабар доданд.
Дастаи «Истиқлол»-и Душанбе бозии даври дувуми марҳалаи гурӯҳии Лигаи қаҳрамонҳои AFC (Конфедератсияи футболи Осиё)-2023/24-ро бо бошгоҳи «Ал-Наср»-и Арабистони Саудӣ анҷом медиҳад. Бозии даври дувуми мусобиқот дар гурӯҳи “Е” миёни бошгоҳҳои «Истиқлол» ва «Ал-Наср» 2-юми октябр дар варзишгоҳи «Ал-Аввал»-и шаҳри Риёз соати 21:00 ба вақти маҳаллӣ (соати 23:00 – ба вақти Душанбе) оғоз меёбад. Сарвони дастаи «Истиқлол» Алишер Ҷалилов дар нишасти матбуотии пеш аз бозӣ бо тими «Ал-Наср» ба хабарнигорон гуфт... Читать дальше...
Мақомоти Қазоқистон консерти ҳунарманди рус Максим Галкинро бекор карданд. Расонаҳо менависанд, дар толорҳое, ки Галкин мебоист, ҳунарнамоӣ кунад, ғайриинтизор мушкилии техникӣ пеш омадааст.
Варзишгарони тоҷик Миҷгона Самадова ва Давлат Болтаев, ки дар Бозиҳои 19-уми тобистонаи олимпӣ дар шаҳри Ҳангжоуи Чин дар риштаи бокс бомуваффақият ҳунарнамоӣ доранд, соҳиби роҳхат ба Олимпиадаи Порис-2024 гардиданд.