"Hökümden soň meni kazyýetiň aýratyn kamerasyna ýerleşdirdiler. Şol ýerde sagadyna ýüz manat berseň, ejeň ýanyňda oturyp, çagaňy hem görüp bilýärsiň. Diýlen puly töledik, ejem meniň bilen oturdy. Konwoý gelýänçä dört sagat garaşdym" diýip, öňki tussag ýatlaýar.
Türkmenistanda ilatyň maska dakynmak talabyny ýerine ýetirmegine gözegçilik çäresi ýazmaça borçnamalaryň ýöredilmegini öz içine alýar. Edaralaryň we kärhanalaryň işgärleri maskalary ähli ýerde dakynmak barada ýazmaça dilhat bermeli boldular.
Lebabyň administratiw merkezi Türkmenabatda adamlar ýanwar aýynyň geçirilen aýlyk haklaryny nagtlaşdyryp bilmek üçin, bankomatlaryň öňünde gije sagat 3-de nobata durup başlaýarlar.
Mary welaýatynyň adybir etrabynyň käbir döwlet dükanlarynda noýabr we dekabr aýlary üçin raýatlaryň subsidirlenen un normalary berilmedi. Etrap ýaşaýjylarynyň sözlerine görä, geçen ýyldan galan un paýyny almak üçin ýerli ýaşaýjylar häkimlige arza ýazmaly. Ýogsa-da, paýok “köýýär”.
Moskwa saparyna başlan Ýewropa Bileleşiginiň baş diplomaty Alekseý Nawalnynyň tussag edilmeginiň hem-de hökümete garşy protestçileriň basylyp ýatyrylmagynyň Russiýa bilen gatnaşyklary “pes derejä” getirendigini aýtdy. ÝB-niň daşary syýasat başlygy Josep Borrell 2017-nji ýyldan bäri Moskwa sapar amala aşyrýan ýokary derejeli ilkinji ÝB wekilidir. 5-nji fewralda rus kärdeşi Sergeý Lawrow bilen duşuşan Borrell “biziň gatnaşyklarymyz agyr pursaty başdan geçirýär” diýdi. Ýewropa ýurtlary Nawalnynyň... Читать дальше...
Azat Ýewropa/Azatlyk Radiosynyň (AÝ/AR) Direktorlar Geňeşi Jeými Flaýy media korporasiýasynyň prezidenti we baş müdiri wezipesine belledi. Ol 16-njy fewralda işe başlar. 2020-nji ýylyň iýun aýynda wezipesinden boşadylan Flaý Azatlyk radiosyna gaýtadan ýolbaşçylyk edip başlaýar. "Häzirki çylşyrymly döwürde media korporasiýasyna ýolbaşçylyk etmek üçin Azatlyk radiosynyň prezidenti wezipesine gaýdyp gelmegime örän şat” diýip, Flaý aýtdy. Ol pandemiýa we beýleki kynçylyklara garamazdan, hemmelerden... Читать дальше...
Atyrau şäherinde dört ýyl dokuz aý gözenekden aňyrda oturan raýat aktiwisti Maks Bokaew türmeden boşadyldy. Azattyk radiosy (Azatlyk radiosynyň Gazak gullugy) onuň türmäniň daş işiginde dürli sebitlerden bolan onlarça adam tarapyndan garşy alnandygyny habar berýär. Bokaew 2016-njy ýylyň maý aýynda - Atyrauda öz-özlüginde dörän ýer mitinginden soň tussag edildi. Ol mitingde Gazagystandaky ýerleriň daşary ýurtlylara uzak möhletleýin kärendesine berilmegini göz öňünde tutýan kanun üýtgetmelerine garşy çykyş etdi. Читать дальше...
Omskiniň Alekseý Nawalnyny bejeren 1-nji “Tiz kömek” hassahanasynyň baş lukmanynyň orunbasary 55 ýaşynda aradan çykdy. Bu barada hassahananyň web sahypasynda habar berildi. Sergeý Maksimişin keselhanada anesteziologiýa we reanimasiýa boýunça orunbasar bolup işleýärdi. Orsýetiň “Open Media” habar gullugy sebitiň saglyk bölüminiň metbugat gullugyna salgylanyp, onuň öz işleýän bölüminde ýürek keselinden aradan çykandygyny habar berdi. Nawalny awgust aýynda zäherlenenden soň, Germaniýa alnyp gidilmezinden öň şol bölümde bejergi aldy. Читать дальше...
Özbegistanyň Daşary işler ministrligi polýak žurnalistinden ötünç sorady, ol bu edaranyň bir resmisini jynsy asylyşmada we iş ygtyýarmasynyň möhletiniň uzaldylmagynyň ýerine oňyn mazmunly makala ýazmagy üçin basyş görkezmekde aýyplapdy. Ministrlik 2-nji fewralda Agneşka Pikulitskaýa-Wilçewskaýanyň jynsy asylyşmada we basyş görkezmekde aýyplan resmisiniň işden boşadylandygyny habar berdi. “Guardian”, “Diplomat”, “Ýewrasianet” neşirleri we “Al Jazeera” telekanaly bilen hyzmatdaşlyk edýän garaşsyz... Читать дальше...
Täjigistanyň metjitleri dokuz aýlyk arakesmeden soň, dindarlar üçin gapylaryny açdy. Metjitler COVID-19 pandemiýasy sebäpli girizilen çäklendirme wagtynda ýapylypdy. 1-nji fewralda ýüzlerçe adam Duşenbäniň merkezi metjidine namaz okamaga geldi. Täjigistanyň Yslam merkeziniň Ulemalar geňeşiniň başlygy Saidmukarram Abdulkodirzoda namazdan öň metjide gelenleri sanitariýa düzgünlerini we çäklendirmeleri berk berjaý etmäge çagyrdy. Metjide her kim öz namazlygy bilen gelip, namaza durlanda sosial aralygy saklamagy duýdurdy. Читать дальше...