Новости за 07.04.2021

Paýtagtda Türkmen – Türk täjirçilik bankynyň Western Union şahamçasy daşary ýurtlarda bilim alýan talyplara pul geçirmelerine degişli resminamalary kabul etmeýär. Azatlyk Radiosynyň ýerli habarçysyna görä, bank resmileri 5-nji aprelde daşary ýurtlardaky türkmenistanly studentlere pul ibermek isleýän ene-atalaryň resminamalaryny gözden geçirmedi. Habarçynyň sözlerine görä, 1-nji aprelden bäri bank resmileri ene-atalaryň resminamalaryny iň bolmanda gözden geçirýärdi, ýöne kabul etmeýärdi. Western Union ene-atalardan garaşmagy soraýardy. Читать дальше...

Koronawirusyň ýokaşmagy bilen bagly ýekeje-de ýagdaýy hasaba almadyk Türkmenistanda ilata bu kesele garşy waksina etmek işi dowam etdirilýär. Häzirki wagtda paýtagt mugallymlaryna giň gerimde sanjym edilýär. Hytaý sanjymy mugt berilýär, rus waksinasyny satyn alyp bolýar.

Farap etrabynda häkimiýetler býujet işgärlerinden 7-nji aprel – Bütindünýä saglyk güni mynasybetli geçirilýän köpçülikleýin çäreleri üçin tigir we sport forma talap edýär.

Aleksandr Lukaşenkany, Žair Bolsonarony, Gurbanguly Berdimuhamedowy, Andres Manuel Lopes Obradory, Jon Magufulini, başga-da örän dürli ýurtlaryň ýolbaşçylaryny bir syýasat – owal başdan koronawirusyň bardygyny ykrar etmezlik hem onuň getirip biljek howpundan ätiýaç etmezlik birleşdirýär, olar şeýle zadyň bardygyny toslanyp tapylan hasapladylar. Öz halkyny koronawirusdan goramak üçin hiç bir iş ýa-da düýpli çäre görmediler. ABŞ-nyň ozalky prezidenti Donald Tramp Ak tamdan çykanda, ähli garşydaşlary... Читать дальше...

"Men öz inkubatorymy geçen ýyl, üç sany göleli sygyr berip, satyn aldym" diýip, inkubatordan zyýana galan ýaşaýjylaryň biri Azatlyga öz düşen ýagdaýyny gürrüň berdi. Ol indi inkubatoryny satyp, ýumurtga alan adamlaryny razy edip, bir sygyr alyp bilse razydygyny aýdýar.

Sebitiň Ermenistan, Azerbaýjan, Belarus, Bosniýa-Gersegowina, Fransiýa, Wengriýa, Gazagystan, Polşa, Rumyniýa, Russiýa, Serbiýa, Täjigistan, Türkiýe, Türkmenistan, Özbegistan ýaly ýurtlaryň hökümetleriniň, “söz azatlygyny jylawlamak üçin", bar bolan we täze kanunlary nädogry ulanandyklary aýdylýar.

Rus prezidenti Wladimir Putine 1997-nji ýylda doktorlyk derejesini beren komitete ýolbaşçylyk eden, Sankt-Peterburgyň Magdan uniwersitetiniň rektory Wladimir Litwinenko Forbesiň sanawyna girizilen täze dollar milliarderi boldy. Forbesiň dünýäniň iň baý adamlary boýunça 6-njy aprelde çap eden ýyllyk hasabatynda Litwinenkonyň serişdeleri 1,5 milliard dollar möçberinde çaklanylýar. Forbes 65 ýaşly Litwinenkonyň baýlygynyň düýbi Moskwadaky PhosArho himiki kärhanasynyň gymmatly kagyzlarynyň bahasynyň ýokarlanmagy bilen baglydygyny aýdýar. Читать дальше...

Eýranyň Yslam Respublikasynyň Goragçylary Korpusy tarapyndan ulanylýan bir gämä, Gyzyl deňizde Ýemeniň kenaryndan çykanyndan soň, partlama sebäpli zeper ýetdi. Goragçylaryň Korpusy bilen ilteşikli habar gullugynyň maglumatyna görä, 6-njy aprelde Iran Sawiz atly ýük gämisinde ýerleşdirilen partladyjy ýarylypdyr. 7-nji aprelde Eýranyň daşary işler ministrliginiň metbugat wekili hadysany tassyklady we ony "hüjüm" diýip atlandyrdy, şeýle-de bu waka boýunça "derňewiň dowam edýändigini" aýtdy. Ol hadysada... Читать дальше...

Birleşen Ştatlaryň döwlet sekretary Antoni Blinken ABŞ-nyň halkara mediasyna goldawyny mälim etdi. Bu Russiýada häkimiýetleriň dawaly “daşary ýurt agenti” baradaky kanuny bilen Azat Ýewropa/Azatlyk Radiosyny ýapmak we sesini sem etmek boýunça tagallalarynyň arasyna gabat geldi. Blinken “dünýäde demokratiki prinsipleri saklamak we ýaýratmak boýunça azat we garaşsyz medianyň möhüm roluny maslahat etmek üçin”, 6-njy aprelde Birleşen Ştatlaryň Media boýunça Global Agentliginiň (USAGM) ýerine ýetiriji başlygy Kelu Çao bilen duşuşdy diýip... Читать дальше...

Amnesty International topary Ýewropada we Merkezi Aziýada koronawirus pandemiýasyna garşy görülýän käbir çäreleriň bu sebitdäki bar bolan hukuk bozmalary we deňsizlikleri has hem ýitileşdirendigini aýdýar. Adam hukuklaryna gözegçilik edýän topar käbir hökümetleriň krizisi “häkimiýeti ele geçirmek üçin perde hökmünde ulanandygyny, azatlyklary basyp ýatyrandygyny, şeýle-de adam hukuklary babatynda öz üstüne alan borçnamalaryndan el çekmäge bahana hökmünde ulanandygyny” belleýär. Düýbi Londonda... Читать дальше...

Şu günler Maryda we Aşgabatda arassaçylyk işleri güýçlendirilýär. Arassaçylyga jemagat gullugynyň işgärleri bilen bir hatarda beýleki býujet edaralarynyň işgärleri hem çekilýär. Aşgabatda talyplar bir hepde töweregi wagt bäri şäheriň arassaçylyk işlerine çekilýär. Bu aralykda, Maryda bir at aýlawynyň golaýynda alabaý itleriniň arasynda ýaryş geçirmek üçin ýörite meýdança gurulýar. Meýdançanyň gurluşygyna käbir döwlet edara-kärhanalarynyň işgärleri öz işlerinden daşary mejbury gatnaşdyrylýar.

Türkmenistanda azyk ýetmezçiligi we azyk önümleriniň bahasynyň düýpgöter ýokarlanmagy has güýçlendi. Nyrhlaryň ýokarlanmagy hususy we döwlet dükanlaryndaky ähli azyk görnüşlere täsir etdi. Bu aralykda, hökümet azyk krizisiniň agyrlaşmagy barada dil ýarmaýar, ilatyň arasynda bolsa, barha howsala artýar.