Новости за 16.01.2023

Geçen hepde türmeden boşadylan eýranly aktiwist Leýla Hosseinzade günortadaky Şiraz şäherinde ýerleşýän Adelabad türmesiniň ýolbaşçylaryny, tussaglara gözegçilik etmek maksady bilen, neşe serişdelerini bikanun ulanmakda aýyplady. "Ýönekeý tussaglara garşy aýylganç jenaýat edilýär" diýip, Hosseinzade 15-nji ýanwarda twitterde paýlaşan ýazgysynda aýtdy. Eýranly aktiwist bir gezek iki tussagyň arasynda bolan ýakalaşmadan soň, "olaryň biriniň agzyna bir tabletka gysdyrdylar, onsoň olar birnäçe günläp düzüw gepläp bilmediler" diýip ýazdy. Читать дальше...

Türkmenistanda howanyň temperaturasy adaty klimat kadalaryndan pes bolmagynda galýar. Güýçli aýazly howanyň arasynda, ýaşaýyş jaýlaryndaky merkezleşdirilen ýyladyş ulgamlary kadaly işlemeýär. Ýurduň dürli sebitlerinde ýaşaýjylaryň elektrik, gaz we suw üpjünçiligi pes bolmagynda galýar. Käbir sebitleriň ýaşaýjylary bu hyzmatlaryň yzygiderli kesilmegi bilen ýüzbe-ýüz bolup, ilatyň ýylynmak meselesindäki kynçylyklary dowam edýär. Bular barada Azatlyk Radiosynyň habarçylary ýurduň dürli sebitlerinden maglumat berdiler. Читать дальше...

Türkmenistanda adatdan daşary sowuk howa dowam edýän mahaly, Balkan welaýatynyň dürli sebitlerinde ýyladyş ulgamlarynyň gaz üpjünçiligi bilen bagly aladalaryň fonunda hususy önüm öndürijileriň gazy kesilýär.

Türkmen howpsuzlyk gulluklary petiklenen VPN ulgamlaryndan peýdalanmaga mümkinçilik berýän hyzmatlary hödürleýän hünärmenleri sakladylar. Bu aralykda, metbugat azatlygyny berk çäklendirmekde tankytlanýan Türkmenistan 2022-nji ýylda interneti petiklemekde ýakasyny tanadan ýurtlaryň onlugyna girdi.

Türkmenistanda adatdan daşary sowuk howa dowam edýän mahaly, Balkan welaýatynyň dürli sebitlerinde ýyladyş ulgamlarynyň gaz üpjünçiligi bilen bagly aladalaryň fonunda hususy önüm öndürijileriň gazy kesilýär. Balkanabat şäherinde, Gyzylarbat, Bereket we Magtymguly etraplarynda howanyň aşa sowamagy bilen, ýyladyşhanalaryň we çörek söwdasy bilen meşgullanýan hususy telekeçileriň gaz üpjünçiligi kesilýär diýip, Azatlyk Radiosynyň habarçysy 15-nji ýanwarda sebitden habar berdi. Ýerli ýaşaýjylar hususy... Читать дальше...

Türkmen howpsuzlyk gulluklary petiklenen VPN ulgamlaryndan peýdalanmaga mümkinçilik berýän hyzmatlary hödürleýän hünärmenleri sakladylar. Bu aralykda, metbugat azatlygyny berk çäklendirmekde tankytlanýan Türkmenistan 2022-nji ýylda interneti petiklemekde ýakasyny tanadan ýurtlaryň onlugyna girdi. Türkmen häkimiýetleri ýyllarboýy ilat üçin garaşsyz maglumatlaryň elýeterliligini çäklendirip, şeýle-de petikli saýtlara we sosial torlara girmäge mümkinçilik berýän VPN hyzmatlarynyň hem öňüni alyp gelýär. Читать дальше...

Rus harby gullukçysy Belgorod sebitindäki Tonenkoýe fermasynyň golaýynda ýerleşýän harby bölümde granat ýardy, golaýdaky ok-däri ammarynda dörän partlamalar netijesinde ýangyn turmagyna sebäp boldy. "Interfaks" habar gullugynyň maglumatyna görä, esger RGD-5 el granatyny tötänlikde ýardy we netijede üç esger ölüp, 16 adam ýaralandy, ýene sekiz adam bolsa dereksiz ýitdi. Bu waka günäkär bolan harbynyň özüniň aman galandygy we keselhana ýerleşdirilendigi habar berildi. Ölenleriň mobilizlenen esgerlerdigi aýdylýar. Читать дальше...

Uçar heläkçiliginde azyndan 68 adam öldi diýip, Nepalyň raýat awiasiýasynyň resmileri aýtdy. Sebitara ýolagçy uçary 15-nji ýanwarda, Pokhara kurort şäherçesinde täze açylan howa menziline gonmakçy bolan wagty, bortundaky 72 adam bilen heläkçilige uçrady.  Bu ýurtda soňky otuz ýylda bolan iň ganly uçar heläkçiligi boldy. Onlarça halas ediji halas ediş işlerine girişdi, heläkçilik jülgesiniň golaýynda köp sanly halas ediş işgäri we görmäge gelen adam toplandy. Uçar heläkçiligine nämäniň sebäp bolandygy entek belli däl. Читать дальше...

Eýranda hökümete garşy dört aý bäri geçirilýän protestlerde azyndan 522 adam öldi diýip, düýbi ABŞ-da ýerleşýän toparyň, Adam hukuklary aktiwistleri habar agentliginiň (HRANA) 15-nji ýanwarda çap eden hasabatynda aýdylýar. Ölenleriň arasynda kämillik ýaşyna ýetmedik 70 adam, howpsuzlyk güýçlerinden bolsa 68 adam bar diýip, agentligiň maglumatyna aýdylýar. Şeýle-de habarda 20,000 töweregi adamyň tussag edilendigi, 110 adamyň ölüm jezasyna höküm edilip bilinjekdigi aýdylýar. Bu protestler bilen... Читать дальше...