Türkmenistanyň prezidenti Serdar Berdimuhamedow 17-nji ýanwarda rus kärdeşi Wladimir Putin bilen telefon söhbetdeşligini geçirdi. Russiýanyň premýer-ministri Mihail Mişustin 19-20-nji ýanwarda ilkinji gezek Aşgabada sapar edýär. Galyberse-de, Russiýanyň Döwlet dumasynyň wekiliýeti üstümizdäki aýyň dowamynda Türkmenistana barýar.
Internet elýeterliligini berk çäklendirýän Türkmenistanda geçen hepdeden bäri ICQ messenjerini indirip bolmaýar. Bu barada habar berýän garaşsyz turkmen.news neşiri häkimiýetleriň muny VPN-açarlarynyň paýlaşylmagynyň öňüni almak maksady bilen edýän bolmagynyň mümkindigini belleýär.
Soňky günlerde Mary welaýatynda ýaşaýjylar gaz üpjünçiliginiň ýaramazlygyna nägilelik bildirip, ýerli gaz edaralaryna yzygiderli arz-şikaýat bilen ýüzlenýärler. Şikaýatlary kanagatlandyrylmaýan ýaşaýjylar bu meseläniň çözülmegi üçin ýaşululardan haraý gözleýärler.
Türkmenistanda temmäki we alkogol önümleri, şeýle-de daşary ýurtlardan getirilýän awtoulaglar üçin salynýan gümrük tölegleriniň möçberi tas iki esse ýokarlandy. Bu, temmäki we alkogol önümleriniň bazarlardaky bahalarynyň dessine gymmatlamagyna getirdi. Mundan başga-da, ulaglaryň eýeçiligini atdan ada geçirmäge, tehniki guratlyk hatyny almaga degişli tölegleriň möçberi hem iki esse ýokarlandy. Lebap welaýatynyň gümrük işgärleriniň birnäçesiniň anonimlik şertinde Azatlyk Radiosynyň habarçysyna aýtmagyna görä... Читать дальше...
Türkmenistanda diplomlary ykrar ediljek daşary ýurt uniwersitetleriniň täze sanawy tassyklandy, oňa dünýäniň 1500-den gowrak ýokary okuw jaýy girýär diýip, “Türkmenportal” ýurduň Bilim ministrligine salgylanyp habar berýär. Türkmenistanda diplomlary ykrar ediljek okuw jaýlarynyň doly sanawy Bilim ministrliginiň web sahypasynda çap edilipdir, onuň başyny Angliýada, ABŞ-da ýerleşýän abraýly ÝOJ-lar çekýär. 2023-nji ýyl üçin saýlanan uniwersitetleriň sanawy dünýädäki iň abraýly üç uniwersitetiň... Читать дальше...
Aşgabat Merkezi Aziýa ýurtlary üçin Howa tehnologiýasy boýunça sebit merkeziniň döredilmegini teklip edýär. Türkmen DIM-i bu başlangyjyň daşary işler ministri Raşid Meredowyň 16-njy iýulda BMG-niň Daşky gurşaw maksatnamasynyň (UNEP) ýerine ýetiriji direktory Inger Andersen bilen geçiren wideo duşuşygynda yglan edilendigini aýdýar. Türkmen paýtagtynda döredilmegi teklip edilýän merkeziň esasy maksady Merkezi Aziýa ýurtlarynda howa tehnologiýalaryny ornaşdyrmak we ulanmak, şeýle-de howanyň üýtgemegi... Читать дальше...
2021-nji ýylda geçirilen ilat ýazuwynyň netijelerine görä, Russiýada (milletini görkezen) 41,338 türkmen ýaşaýar diýip, "Meteožurnal” Rosstatyň maglumatlaryna salgylanyp habar berýär. Sorag anketalarynda olar özlerini “türkmen” diýip atlandyrmakdan başga "aşgabatly”, “teke”, “truhmen” (rus imperiýasy döwründe türkmenler köplenç şeýle atlandyrylypdyr), şeýle-de “türkmen dilli türk” diýip atlandyrypdyrlar. 2010-njy ýylyň ilat ýazuwynyň netijeleri Russiýada 36,885 türkmeniň ýaşaýandygyny görkezipdi. Читать дальше...