Новости за 26.10.2019

“Манас” аэропорту орой мамиле кылып, кардарды колдон талашкан такси айдоочуларына чара көрүү үчүн жүргүнчүлөрдөн жардам сурады. Бул тууралуу маалымат аталган аэропорттун расмий сайтында жарыяланды. Анда аэропорт аймагындагы такси айдагандарга карата даттануу көп экенин, бул маселени чечүүгө жүргүнчүлөр жардам бере алары айтылган. Аэропорт жамааты мыйзам бузган же осол мамиле кылган айдоочулар болсо дароо милицияга кайрылууга чакырган. “Аэропорттун автоунаа токтоочу жайы коомдук болуп саналат. Читать дальше...

Калачы Жапаров кыска сатиралык аңгемелерди жазчу. Коомубуздагы ар кыл көрүнүштөр жазуучунун куйкум сөзүнө ширелип, көркөм өң-түс алып чыга келчү. Аны жазуучунун “Чыр айым” аңгемесинин мисалында карап көрөлү.

Орусиянын Забайкалье крайындагы сегиз адамдын өмүрүн алган кол салууга армиядагы өкүмзордук себеп болушу мүмкүн. Бул тууралуу орусиялык маалымат каражаттары окуя орун алган аскер бөлүгүндө кызмат өтөп кеткендердин бирине таянып жазып чыкты. Маалыматка ылайык, ок жеп каза болгон офицерлердин бири жоокерлерди кордоп, уйку бербей, ур-токмокко алып келген. "Mash телеграмм" каналынын жазышынча, аталган бөлүктөгү жоокерлер арасында ыдык көрсөткөн учурлар болуп келген. Кылмышка шектүү Рамил Шамсутдинов... Читать дальше...

Ички иштер министри Кашкар Жунушалиев коомчулукту дүрбөлөңгө салган кылмыш иштерин ачуунун жыйынтыктары боюнча суроолорго жооп кайтарды.

Орусияда "троллдор фабрикасы" кантип иштерин "фабриканын" мурдагы кызматкерлери баяндайт. Кыргызстанда да акыркы убакта кайсы бир саясий топко ыңгайлуу коомдук пикирди жаратууга аракет кылган фейк-аккаунттар жанданып, бул маселе Жогорку Кеңеште да көтөрүлө баштады. "Холивар: Рунеттин тарыхы" деп аталган тасмадан үзүндүнү сунуштайбыз.

Аба ырайы: 27-октябрда жаан-чачын жаабайт. Шамалдын багыты өзгөрүлүп турат, ылдамдыгы секундасына 1-6 метрге чейин жетет. Абанын температурасы: Чүйдө түнкүсүн 1…6, күндүз 15…20; Таласта түнкүсүн -3…+2, күндүз 16…21; Баткенде, Ошто, Жалал-Абадда түнкүсүн 3…8, күндүз 18…23; Ысык-Көлдө түнкүсүн 0…5, күндүз 11…16; Нарында түнкүсүн -2…-7, күндүз 11…16; Бийик тоолуу райондордо түнкүсүн -13…-18, күндүз -3…2 градус болот. Бишкекте жаан-чачын жаабайт. Абанын температурасы түнкүсүн 1…3, күндүз 17…19 градус болот.

Баткенде Жака-Өрүк аймагынын Орто-Боз айылынын тургундары Ош-Исфана жолун буушту. Баткен облустук милициясынын кабарлашынча, акцияга чыккандар 24-октябрда Тажикстандын Чорку айылына барган учурда тажик чек арачылары кармап кеткен адамды бошотууну талап кылышкан. Ал адам чек арадан мыйзамсыз өткөнү үчүн кармалган. Облустук милиция түшүндүрүү иштерин жүргүзгөн соң акцияга чыккандар тарап кетишти.(JsA)

Кыргызстандын футбол боюнча курама командасынын ноябрь айындагы Жапония жана Тажикстандын футболчулары менен беттештери күйөрманы жок өтүшү мүмкүн. Бул тууралуу Кыргызстандын футбол федерациясы билдирди. Маалыматка ылайык, федерация учурда ФИФАнын дисциплинардык комитетинин чечимин күтүп жатат. Буга чейин Кыргызстан жана Мьянма курама командаларынын Бишкекте өткөн беттешинде жергиликтүү күйөрмандардын бири оюн талаасына чуркап чыккан. Футбол федерациясы күйөрмандын бул кылыгы үчүн акчалай айып... Читать дальше...

Чилинин борбору Сантьягодо жума күнү өткөн митингге миллиондон ашык адам катышты. Reuters агенттиги жазгандай, митингге чыккандар өлкөдө конституциялык жана социалдык реформаларды өткөрүүнү жана былтыр бийликке келген президент Себастьян Пиньердин отставкасын талап кылышты. Акциянын катышуучулары Чилинин желектерин жана саясий талаптар жазылган плакаттарды көтөрүп чыгышты. Алар калаа четиндеги аймактан борбордогу Бакедано аянтына чейин бир нече чакырымды басып өтүштү. Акция учурунда тиреш болгон жок... Читать дальше...

Тажикстанда президенттин мунапыс боюнча демилгеси парламентте колдоо тапты.

Казакстандын Алматы шаарындагы Астана аянтына чыккандарды кармоолор болду. “Азаттыктын” казак кызматынын кабарчылары онго жакын адамды полиция кармап кеткенине күбө болгон. Кармалгандардын бири Казакстандын аймагына биргелешкен ишкананын ачылышына каршылыгын билдирип, “Кытайдын экспансиясына” макул эместигин айткан. Дагы бир аял “саясий туткундарды бошотуу” талабын билдирген. Мындай кармоолор өлкө борбору Нур-Султан шаарында болду. Калаадагы “Астана” концерттик залынын алдынан ондон ашык адамды алып кетишти. Читать дальше...

Кыргызстандын күч органдарынын кызматкерлери ортосундагы мелдеш өттү. Анын ичинде тапанчадан ок атуу боюнча сынак болуп, анда ички иштер министринин орун басары Сүйүн Өмүрзаков биринчи орунду алды. Бул тууралуу Ички иштер министрлигинен кабарлашты. Маалыматка ылайык, мелдеште Өмүрзаков 87 упай топтогон. Экинчиликти Коргоо министрлигинин өкүлү, үчүнчү орунду Экономикалык кылмыштарга каршы күрөшүү кызматынын төрагасынын орун басары алды. Мелдештен соң Өмүрзаковго атайын кубок тапшырылды.

Парламенттик шайлоо жакындаган сайын саясатчыларды шайлоо босогосу санаага сала баштады. Эгер 2020-жылкы парламенттик шайлоо 9% чек менен өтсө эмне болот? Деги эле тогуз пайыз деген канча добуш? Дүйнө өлкөлөрүндө шайлоо чеги кандай чечилген? “Азаттыктын” түшүндүрмө видеосун көрүңүз.

Баткендин Кадамжай районунда Советтик Кыргызстандын алгачкы жетекчилеринин бири, сталиндик репрессияга туш болуп атылып кеткен Абдыкадыр Орозбековдун 130 жылдык мааракеси белгиленүүдө. Бул иш-чарага президент Сооронбай Жээнбеков катышып жатканын өлкө башчынын маалымат кызматынан кабарлашты. Мааракеде сүйлөгөн сөзүндө президент Абдыкадыр Орозбековдун кыргыз мамлекетин түптөөдөгү өзгөчө эмгегин белгилеп, анын өмүр жолу үлгү болушу керектигин билдирген. - Бүгүн Кыргызстаныбыздын ар бир жараны... Читать дальше...

Кыргызстанда соңку жылдары балык чарбалары көбөйүп, ишкерлер экспортко чыга баштады.

АКШда Орусиянын тыңчысы деп соттолгон Мария Бутина абактан бошотулду. Ал абактагы 18 айлык жаза мөөнөтүн өтөп бүткөн. Орусиялык маалымат каражаттарынын жазышынча, учурда абактан бошотулган Бутина мекенине жол тартты. АКШда магистратурада окуп жүргөн студент, Орусиядагы «Курал укугу» деп аталган уюмдун мүчөсү Бутина былтыр июль айынын ортосунда кармалган. Ал буга чейин чет элдик агенттер жөнүндө америкалык мыйзамды бузганын мойнуна алган. Калган айыптарды, анын ичинде «Орусиянын кызыкчылыгын мыйзамсыз сүрөгөн» деген дооматты четке каккан. Читать дальше...

Журналисттерди коргоо комитети (Committee to Protect Journalists, CPJ) Тажикстандын президенти Эмомали Рахмонго өлкөдөгү журналисттердин тоскоолдуксуз иштешин камсыздоого чакырды. Мындай кайрылуу “Эркин Европа/Азаттык” радиосунун тажик кызматынын журналисттери туш болгон тоскоолдуктан улам таратылды. Баш кеңсеси Нью-Йоркко жайгашкан укук коргоо уюму 25-октябрдагы кайрылуусунда Тажикстандагы маалымат каражаттарына цензура, журналисттерди коркутуулар жана аккредитация алуу учурундагы тоскоолдуктарга тынчсыздануусун билдирди. Читать дальше...

Борбордук Африка Республикасында киши колдуу болгон үч орусиялык журналисттин өлүмүн иликтеген тергөө бул кылмыш уюштурулган деген жыйынтыкка келген. Бирок бул маалымат тергөөнүн расмий жыйынтыгында ачык жарыяланган эмес. “Досье” борборунун жазганына караганда, аталган борборго Орхан Жемал, Александр Расторгуев жана Кирилл Радченконун өлүмү боюнча Борбордук Африка Республикасынын Улуттук жандармериясынын материалдары келип түшкөн. Бул маалыматты “Досье” мурдагы жарыяланган иликтөөсүнө кошумча ирети чыгарды. Читать дальше...

Бишкектеги Киев көчөсүнүн Манас проспектисинен Ибраимов көчөсүнө чейинки бөлүгүн автоунаалар үчүн жаап, жөө жүргүнчүлөр гана жүргөндөй кылуу пландалууда. Бул тууралуу Бишкектин вице-мэри Мирлан Амантур уулу билдирген. Ага ылайык, борбор калаадагы Линейный көчөсүн толук оңдогон соң бул планды ишке ашыруу каралууда. Бишкек мэриясынан планды алдыңкы бир-эки жыл ичинде жүзөгө ашырууну болжоп жатышканын билдиришти. Анын алкагында шаардыктар үчүн Киев көчөсү жөө сейилдөөчү көчөгө айланып, атайын велотилке да каралган. Читать дальше...

Бишкек-Нарын-Торугарт жолунун Чүй облусундагы Ивановка айылынын тушундагы жол кырсыгынан беш адам каза болду. Бул тууралуу Жол-кайгуул кызматынын Чүй облустук башкармалыгынан кабарлашты. Маалыматка ылайык, кырсык 25-октябрда түштөн кийин болгон. Батыштан чыгышты көздөй бара жаткан “Тойота-Камри” үлгүсүндөгү автоунаа жол четине коюлган парапетти жүзгөн. Анын жыйынтыгында үч адам мүрт кетип, экөө ооруканага жаткырылган. Бирок алар ооруканадан үзүлгөн. Каза тапкандардын арасында балдар да бар. ... Читать дальше...

Москвада өткөн Евразия өкмөттөр аралык кеңешинин жыйынында премьер-министр Мухаммедкалый Абылгазиев Орусиядан Кыргызстанга акча которууга кирген чектөө боюнча маселе көтөрдү. Кыргыз өкмөтүнүн маалымат кызматынан кабарлашынча, өкмөт башчы бул маселе көптөгөн кыргызстандыктарга тиешелүү экенин белгилеп, аны биримдиктин аянтчасында чечүүгө чакырган. Жыйынтыгында бул маселени ЕАЭБке мүчө өлкөлөрдүн Борбордук банктары карап чыгып, жообун кийинки жыйындарга даярдоо чечими кабыл алынды.  Буга чейин апрелде Орусиядан Казакстанга... Читать дальше...

Кыргызстанда дартты аныктоого же диагностикага нааразы болгон бейтаптар көбөйүүдө.

Жапония алдыдагы беш жыл ичинде 345 миңден ашык адамга жумушчу визасын берүүнү пландап жатат. Бул тууралуу Кыргызстандын тышкы иштер министри Чыңгыз Айдарбеков менен жолугушууда Жапониянын юстиция министри Кацуюки Каваи билдирген. Бул виза курулуш, автомобилди тейлөө сыяктуу тармактардагы жумушчуларга берилет. Жапония быйыл миграциялык мыйзамдарын өзгөртүп, “атайын жөндөм 1” жана “атайын жөндөм 2” деп аталган визалардын түрүн киргизген. Мунун алкагында алдыңкы беш жылда 345 миң 150 жумушчуга виза берүү пландалууда. Читать дальше...

Мурдагы президент Алмазбек Атамбаевдин тергөө абагындагы мөөнөтү дагы эки айга узартылды. Бул тууралуу анын адвокаты Сергей Слесарев “Азаттыкка” билдирди. Буга чейин мурдагы президенттин абактагы мөөнөтү 26-октябрга чейин деп аныкталган болчу. Адвокат Слесаревдин айтымында, мурдагы президенттин бөгөт чарасы кримтөбөл Азиз Батукаевдин өлкөдөн мыйзамсыз чыгышы боюнча баштапкы соттук процессте эле кабыл алынган экен “Соттук процессте судья бул жөнүндө айткан эмес. Биз токтомду колубузга алганда гана билдик. Читать дальше...