Новости за 27.10.2019

АКШнын Ооганстан боюнча чабарманы Залмай Халилзад "Талибан" кыймылы менен сүйлөшүүлөр үзгүлтүккө учурагандан бери биринчи жолу Кабулга барды. Ал 27-октябрда Ооганстандын президенти Ашраф Гани жана башкы аткаруучу Абдулла Абдулла менен сүйлөшүүлөрдү өткөрдү. Анда "Ооганстанда тынчтыкты орнотуунун жолдору" талкууланганын Абдулланын кеңсеси кабарлады. Ооган саясатчысы Саид Хамед Гейлани да Халилзад менен жолукканын, АКШнын чабарманы талибдер менен тынчтык сүйлөшүүлөрүн улантуу мүмкүнчүлүгү бар экенин ишара кылганын "Твиттерге" жазды. Читать дальше...

НАТО Сербиянын Орусия менен чогуу аскердик машыгуу өткөрүү чечимин "сыйлайт". Бул тууралуу Түндүк атлантикалык альянстын басма сөз кызматы "Эркин Европа/Азаттык" радиосуна жолдогон катында билдирди. "Бул Сербия менен Орусиянын иши. НАТО менен Сербия өнөктөш жана биз Сербиянын өз аймагындагы машыгуулар боюнча өз алдынча чечим кабыл алуу укугун сыйлайбыз", - деп айтылат ал билдирүүдө. Сербия Европа Биримдигине кошулуу ниетин билдирсе да Орусия менен бекем саясий-экономикалык карым-катнашты улантып келет. Читать дальше...

Кытайдын 63 миллиард долларга курулган "Дасин" аттуу жаңы аэропорту эл аралык каттамдарга эшигин ачты. Эл аралык каттамдагы биринчи учак бул аба майдандан 27-октябрда Таиланддын баш калаасы Бангкокко учту. Ал эми "Британ аба жолдорунун" учагы Лондондон "Дасинге" учуп келип, континенттер аралык биринчи каттамды ишке ашырды.  Зымырык куш формасында курулган жаңы эл аралык аэропорттун төрт учуп-конуу тилкеси бар. 2025-жылга карата ал жылына 72 миллион жүргүнчүнү тейлеп калары болжолдонууда. Ирак архитектору... Читать дальше...

Ооганстанда 28-сентябрда өткөн президенттик шайлоонун жыйынтыгын жарыялоо мөөнөтү бир нече аптага жылдырылды. Өлкөнүн Көз карандысыз шайлоо комиссиясы жыйынтык 14-ноябрда гана белгилүү болорун билдирди. Планга ылайык, президенттик жарышта ким утканы 19-октябрда эле белгилүү болушу керек эле. Бирок комиссиянын төрайымы Хава Алам Нуристани "ылдамдык үчүн ачык-айкындуулукту курмандыкка чалбай турганын" 27-октябрда Кабулда журналисттерге айтты. Бул шайлоодо негизги атаандаштык президент Ашраф Гани... Читать дальше...

АКШнын президенти Дональд Трамп “Ислам мамлекети” экстремисттик тобунун лидери Абу Бакр ал-Багдади өлтүрүлгөнүн жарыялады.

АКШнын президенти Дональд Трамп “Ислам мамлекети” террорчул тобунун лидери Абу Бакр аль-Багдади өлтүрүлгөнүн ырастады. Анын айтымында, Багдади америкалык аскерлердин Сириянын түндүк-чыгышында жүргүзгөн операциясынын жыйынтыгында жок кылынган. Трамп бул тууралуу бүгүнкү билдирүүсүндө айтып чыкты. Ага чейин АКШдагы бир нече маалымат каражаты Багдадинин өлтүрүлгөнү тууралуу жазып чыгышкан. "Newsweek" басылмасы АКШ Коргоо министрлигиндеги булакка шилтеме берип, бул операцияны ишке ашырууга АКШ президенти Дональд Трамп буйрук бергенин жазган. Читать дальше...

Айша Изабекова орусиялык тренер Ирина Винер-Усманованын Москвадагы көркөм гимнастика боюнча борборунда машыгып келет.

Сириялык күрддөрдүн куралдуу топтору жана алардын өнөктөштөрүнөн турган Сириянын демократиялык күчтөрү Түркия менен чектешкен аймактан өз куралдуу кошуундарын чыгарып кетүүгө макул болду. Муну менен алар Түркиянын жана Орусиянын президенттери 22-октябрда макулдашкан келишимдин талабына көнүштү. Демократиялык күчтөр тараткан билдирүүдө мындай кадамга барар алдында орус тарап менен “узакка созулган талкууларды” жүргүзгөнү айтылат. Бирок кайрылууда Сириянын ичиндеги аймактарда өз топторун жайгаштырарын белгилешкен. Читать дальше...

Окумуштуу-химик, профессор Бейшен Иманакунов 90 жаш курагында дүйнө салды. Бул тууралуу Иманакуновдун жакындары кабарлашты. Бейшен Иманакунов өлкөдөгү белгилүү окумуштуулардын бири болчу. Ал туздар менен аминдердин өз ара аракеттенүү реакцияларын изилдеп, бир нече илимий эмгек жазган. Бейшен Иманакунов Кыргызстандын Улуттук Илимдер академиясынын Органикалык эмес жана физикалык химия институтунда узак жылдар бою эмгектенген. Акыркы жылдары академиядагы Асыл металлдар химиясы жана технологиясы лабораториясынын башчысы болуп иштеген. Читать дальше...

Канткенде коомдо “эненин милдети баланы багуу менен гана чектелбейт” деген түшүнүктү жайылта алабыз? “Эже-сиңдилер” телеберүүсүндө “Билимдүү эне – билимдүү бала” деген теманын тегерегинде сөз кылдык.

Кочкор-Атанын “Нефтчи” командасы Кыргызстандын футбол боюнча кубогун утту. Жалал-Абад шаарындагы “Курманбек” стадионунда кубок үчүн өткөн беттеште “Нефтчинин” футболчулары “Дордой” командасынын дарбазасына бир гол киргизди. Азамат Өмүралиевдин жалгыз тобу кочкораталык команданы алдыга чыгарды. Эми “Нефтчи” Азия футбол конфедерациясынын кубогу үчүн квалификациялык оюндарга катыша алат. (BkA)

Түркмөнстанда 24 жаштагы дарыгер кумса экенин ачык билдирип чыкты.

28-октябрда Ош, Жалал-Абад, Баткен облустарынын тоо этектеринде жаан, тоолуу райондорунда кар жаашы мүмкүн. Калган аймактарда күн ачык болот. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүйдө түнкүсүн 1…6, күндүз 16…21; Таласта түнкүсүн 0…5 , күндүз 15…20; Баткенде, Ошто, Жалал-Абадда түнкүсүн 4…9, күндүз 16…21; Ысык-Көлдө түнкүсүн 0…5, күндүз 12…17; Нарында түнкүсүн -1…-6, күндүз 10…15; Бийик тоолуу райондордо түнкүсүн -13…-18, күндүз -3…2 градус болот. Читать дальше...

Иракта үч күн мурун башталган массалык башалмандыктар уланууда. Коопсуздук күчтөрү менен кагылышта укук коргоочулардын эсеби боюнча 63 адам каза болду. Алардын ондон ашыгы өлкө борбору Багдадда көз жумган. Жаракат алгандардын саны миңге жетет. Ишемби күнү Ирактын премьер-министри Адил Абдул Махди Багдаддын көчөлөрүнө жогорку адискөй саналган контртеррористтик аскер бөлүктүн жоокерлерин чыгарууга буйрук берди. Ага чейин абалды жөнгө салууга полициянын күчү жетпей жаткан. Ондогон адамдар кармалганы кабарланды. Читать дальше...

Дүйнөлүк басма сөзгө баяндама (21-28-октябрь).

Орусиядан которулган акчага чектөөнү алуу боюнча маселе Евразия өкмөт аралык кеңешинин кийинки жыйынында каралат. Бул тууралуу кыргыз өкмөтүнүн Евразия Экономикалык Биримдигиндеги атайын өкүлү Алмаз Сазбаков билдирди. Анын айтымында, Москвада өткөн кеңештин жыйынында кыргыз тарап бул маселени көтөргөн. - Акча которууга 100 миң рублдик чектөөнү алуу боюнча маселе кыргыз тараптын демилгеси менен көтөрүлдү. Маселени кароонун жыйынтыгында "ЕАЭБге мүчө өлкөлөрдүн борбордук банктары талкуулап, бир пикирге келиши керек" деген чечим кабыл алынды. Читать дальше...

Айдай Аманкулова буга чейин Америка өкмөтү толугу менен каржылаган ACCELS, FLEX, GLOBAL UGRAD жана GLOBAL VILLAGE программаларын ийгиликтүү бүтүргөн. Учурда каарманыбыз аймактардагы жигердүү мектеп окуучуларын FLEX программасы аркылуу Америкага жөнөтүүгө көмөктөшүп келет.

“Ислам мамлекети” террордук тобунун лидери Абу Бакр ал-Багдади АКШ жүргүзгөн аскердик операция маалында өлтүрүлүшү мүмкүн. Бул тууралуу америкалык бир нече маалымат каражаттары жазып чыгышты. "Reuters" агенттигинин жазышынча, жекшембиге караган түнү ишке ашкан операция Сириянын Идлиб провинциясында болгон. Бул аймакты ар кандай жихадчыл топтор, куралдуу оппозиция көзөмөлдөйт. Бирок бул аймакта “Ислам мамлекети” тобунун мүчөлөрү жашырынып жүргөнү айтылып келген. АКШнын аскерлери Түркиянын чек... Читать дальше...

УКМКнын Тергөө абагындагы камактагы мурдагы премьер-министр Сапар Исаков сотко келүүдөн баш тартса күч менен алып келинет. Мындай чечимди Бишкек ЖЭБин жаңылоодогу коррупция боюнча ишти карап жаткан Свердлов райондук сотунун судьясы Инара Гилязеддинова кабыл алганын аталган соттон кабарлашты. 25-октябрда Исаков убактылуу кармоочу жайдын камерасынан чыгуудан жана сот отурумуна катышуудан баш тарткан. Муну мурдагы премьер-министр ЖЭБ боюнча иштеги айрым күбөлөрдүн суралбай жатканына нааразылык деп түшүндүргөн. Читать дальше...

Бишкектеги Москва көчөсүн оңдоо иштери 1-ноябрда бүтүп, жол ачылат. Бул тууралуу Бишкек мэриясынан кабарлашты. Маалыматка ылайык, учурда жолду оңдоп жаткан "China Road" компаниясы жолго асфальттын биринчи катмарын төшөдү. Учурда жолдун кесилишиндеги люктар иретке келтирилип жатат. Мындан соң асфальттын экинчи катмары төшөлүп, жол белгиленген мөөнөттө ачылат.  Москва көчөсү Бишкек шаарындагы жолдорду ремонттоо үчүн бөлүнгөн  Кытай грантынын эсебинен оңдолуп жатат. Бул көчөнүн жабылышы шаардын борбордук бөлүгүндө тыгынды пайда кылып... Читать дальше...

Бул тууралуу Жогорку Кеңештеги Кыргызстан Социал-демократиялык фракциясынын 25-октябрдагы жыйынында өкмөткө караштуу Монополияны жөнгө салуу агенттигинин төрагасы Шухрат Сабиров билдирди. Анын айтымында, өкмөт тарабынан социалдык мааниге ээ болгон 14 позициядагы азык-түлүктөрдүн тизмеси бекитилген. Аларга мамлекеттик жөнгө салуу тартиби киргизилген. «Бирок мамлекет товардын наркы 30 күндүн ичинде 20 пайыздан ашуун көтөрүлүп кеткен учурда гана кийлигише алат. Акыркы айда ун орто эсеп менен 3,5 пайызга... Читать дальше...

Кооз эркек чымчыктар тукуму соолубашы үчүн өлөрчө кам көрөт. Купуя сырды көрсөтпөй сактачу сыя. Бала-чаканын саны эрендиктин сапатына көз каранды. Арак ичпей мас болгон америкалык же арак бөлгөн организм.

Кой-Таш айылында 7-8-август күндөрү түзүлгөн кырдаалды иликтөө боюнча мамлекеттик комиссия түшкөн материалдарды иликтеп, бүтүмдүн үстүнөн иштеп жатышат. Бул тууралуу аталган комиссиядан кабарлашты. Маалыматка ылайык, комиссия мүчөлөрү окуяга байланышы бар тараптар менен жолугуп, бардык материалдарды топтоду. Буга чейин комиссия өз ишин 1-ноябрга чейин жыйынтыктай турганы кабарланган болчу. Кой-Таш окуясын иликтеген мамлекеттик комиссия 29-августта түзүлгөн. Комиссияны вице-премьер-министр Жеңиш Разаков жетектейт. Читать дальше...

Кыргызстандык спортчу Авазбек Аманбеков кикбоксинг боюнча дүйнө чемпиону болду. Бул тууралуу эл аралык мелдештин сайтында жарыяланды. Маалыматка ылайык, мелдеш 17-27-октябрда Босния жана Герцеговинанын борбору Сараево шаарында өткөн. Аманбеков 57 килограмм салмакка чейин беттешке чыгып, финалда түркиялык мушкер Мухаммед Саит Онсулду утуп алган. Аманбеков буга чейин 2013-жылы чемпион аталса, 2015-жылы мелдеште күмүш медалды алган.

Орусияда Кыргызстандан мыйзамсыз жол менен сыр ташыгандар аныкталды. Бул тууралуу Орусиянын “Россельхознадзор” мекемесинин расмий сайтында кабарланды. Маалыматка ылайык, Польшада жасалган сыр Кыргызстандын продукциясы катары Орусияга ташылып жүргөн. Мындай продукциянын алгачкы партиясы өткөн айда аныкталса, ушул айда да Орусияга мыйзамсыз ташылган сыр кармалган. "Россельхознадзор” бул схема аркылуу Орусияга сыр ташыган ишканалар боюнча Кыргызстандын Ветеринардык жана фитосанитардык коопсуздук инспекциясы... Читать дальше...