Новости за 30.10.2019

Кыргызстандык балбан Улукбек Жолдошбеков күрөш боюнча 23 жашка чейинки балбандар арасындагы дүйнө чемпионатында алтын медаль тагынды. Биргелешкен күрөш дүйнөсү уюмунун расмий сайтындагы маалыматка караганда, мелдеш ушул күндөрү Венгриянын Будапешт шаарында өтүп жатат. Жолдошбеков эркин күрөштөн 61 килограммга чейинки салмакта килемге чыгып, 31-октябрга караган түнү болгон финалдык беттеште индиялык Равиндер Равиндер менен күч сынашып, 5-3 эсебинде жеңип алды. Кыргыз балбаны дүйнө чемпионатында баш-аягы беш беттеш өткөрдү. Читать дальше...

НАТОнун баш катчысы Йенс Столтенберг Донбасстан Киевге баш ийген Бирдиктүү күчтөрдүн операциясы бөлүмүнүн аскерлери менен өз алдынчалык жарыялап алган Луганск Элдик Жумуриятынын элдик милициясынын өкүлдөрүнүн чыгарыла баштаганын кубаттады. Ал  Москваны да бул аймактан "жоокерлерин алып кетүүгө" чакырды. Столтенберг 30-октябрда Украинанын Одесса шаарында жүргөндө "Биз аймактагы чыңалууну азайтууга багытталган бардык аракеттерди колдойбуз", деп айтты. Украина 29-октябрда Луганск облусундагы Золотое... Читать дальше...

Бул тууралуу Жогорку Кеңештеги «Ата Мекен» фракциясынын лидери Алмамбет Шыкмаматов Жогорку сот Насирбек Алмаматовго карата Бишкек шаардык сотунун өкүмүн жокко чыгарган токтому боюнча комментарий берип жатып айтты. -Бул жерде журналисттерге, кайдыгер карабаган коомчулуктун бөлүгүнө рахмат айтыш керек. Анткени, демократиянын белгиси ушул - журналисттер айтып, бийлик ага көңүл бурду. Болбосо «жабылуу аяк жабылуу бойдон калышы» мүмкүн болчу. Бирок эми ал киши качып кетсе, ошол райондук соттун чечимин... Читать дальше...

"Кыргызстанда криминал башын көтөрдү" деген билдирүүлөр күчөдү. Буга соңку чуулгандуу адам өлүмү менен коштолгон кылмыштар, карапайым ишкерлердин даттануулары себеп болду. Кыргызстанда криминалга каршы күрөш эмне себептен солгун жүрүүдө? Кылмыштуу топтордун тизгинин тартып, жок кылуу үчүн эмне жетишпейт? Талкууга Жогорку Кеңештин депутаттары Мирлан Жээнчороев, Элвира Сурабалдиева, ички иштер министринин орун басары Мирлан Каниметов жана укук коргоочу Рита Карасартова катышты.

Даниянын Энергетика агенттиги "Түндүк агым-2" долбоорунун алкагында газ түтүктөрүн өз өлкөсүндөгү суу аркылуу алып өтүүгө макул болду. Долбоорго ылайык, Балтика деңизинин түбү менен газды Орусиядан Германияга жеткирүү каралган. "Түндүк агым-2" долбооруна Орусия менен Германиядан сырткары Финляндия жана Швеция да кошулган. Бул өлкөлөрдүн баары газ түтүктөрүн алып өтүүгө уруксат берип, макул боло элек жалгыз Дания калган. “Түндүк агым-2” долбоору 2020-жылы ишке кириши керек. Бул газ кууру аркылуу... Читать дальше...

Орусиянын Коргоо министрлиги Забайкалье крайындагы аскер бөлүктө 25-октябрда өзүнүн сегиз кызматташын атып салган жоокер Рамил Шамсутдинов ур-токмокко кабылган деген доомат такталбаганын билдирди. "РБК" басылмасы бул мекемедеги ишенимдүү булактарына таянып, ал жоокер аскер бөлүктөгү бир офицер менен чатакташып жүргөнүн, трагедияга ошол себеп болушу ыктымалдыгын жазды. Ага ылайык, сегиз адамдын өлүмү менен аяктаган окуяга байланыштуу аскер жетекчилеринин дагы жоопкерчилиги каралып, кызматтан алуу өңдүү чаралар көрүлөт. Читать дальше...

СССРдин Эл артисти, Кыргыз Эл сүрөтчүсү, атактуу актёр Сүймөнкул Чокморовдун сүрөтчүлүк өнөрү жеткиликтүү изилденбей келет. Чокморов жалпысынан төрт жүздөн ашык чыгарма жараткан. Учурда ал эмгектердин 70тен ашыгы көркөм сүрөт музейинин алтын фондунда сакталуу.

Кыргызстандык балбан Улукбек Жолдошбеков 23 жашка чейинки балбандар арасында өтүп жаткан дүйнө чемпионатынын финалына чыкты. Мелдеш ушу тапта Венгриянын борбору Будапештте өтүп жатат.  Биргелешкен күрөш дүйнөсү уюмунун расмий сайтындагы маалыматка ылайык Улукбек Жолдошбеков эркин күрөштөн 61 килограммга чейинки салмакта килемге чыгып, жалпы төрт беттеш өткөрдү.  Алгачкы беттешинде Жолдошбеков түркиялык Селефатин Сертти, 1/8 финалда украиналык Валентин Белицескийди, чейрек финалда казак балбаны Даулет Тажибайды жеңди. Читать дальше...

Баш калаадагы Жылуулук электр борборун (ЖЭБ) оңдоп-түзөөдөгү коррупцияга байланыштуу сот ишинде Бишкектин Свердлов райондук сотунда күбөлөр суралып бүтүп, айыпталуучулар көрсөтмө бере баштады. Бул тууралуу аталган иште шек саналып жаткан мурдагы премьер-министр Сапар Исаковдун адвокаты Замир Жоошев билдирди. Анын маалыматына караганда, айыптоо корутундусундагы тартип боюнча 30-октябрда Исаков биринчилерден болуп суралды. - Сапар Исаков сотто «ЖЭБди 150 миллион долларга модернизация кылса болот деген бир да документ жок» деп айтты. Читать дальше...

Саламаттык сактоо министрлигинин Баткен облусу боюнча координатору Арзыбек Бөрүбеков жана облустук оорукананын жетекчилиги жумуштан кетүү тууралуу арыз жазган Баткен облустук ооруканасынын дарыгерлерине түшүндүрүү иштерин жүргүздү.   Министрликтин басма сөз кызматы тараткан маалыматка караганда, 30-октябрда дарыгерлер өкмөттүн Баткен облусундагы ыйгарым укуктуу өкүлүнүн жана облус башчысынын социалдык маселелер боюнча иш алып барган орун басарынын да кабыл алуусунда болду. Анда жумуштан кетерин... Читать дальше...

Орусиянын Астрахань облусунда 25 өзбекстандык кулчулуктан куткарылды. Орусия күрд кошуундары Сириянын түндүк-чыгышындагы "коопсуз тилке" түзүлө турган аймактан чыгып кеткенин жарыялады. Киевде Донбасстагы согуш тилкесинен аскерлердин чыгарылышына каршы митинг өттү.

29-октябрда АКШ Конгрессинин Өкүлдөр палатасы Осмон империясы учурунда 1915-жылы армяндардын массалык өлтүрүлүшүн геноцид деп сыпаттаган резолюцияны кабыл алды.

Быйылкы күздүн көркү өзгөчө. Айланадагы алтын түс суктандырып, ошол эле учурда кусалантат дагы.

Орусия күрд кошуундары Сириянын түндүк-чыгышындагы "коопсуз тилке" түзүлө турган аймактан чыгып кеткенин жарыялады. Аны улай Анкара орус-түрк күчтөрү аймакты биргелешип күзөтүү ишин жума күнү баштай турганын билдирди.

Бул тууралуу Түркиянын президенти Режеп Тайып Эрдоган бүгүн, 30-октябрда парламентте кайрылуу жасаганда билдирди. Ал эки өлкөнүн куралдуу күчтөрү Сириянын Түркияга жакын жеринин жети чакырымын чогуу кайтара турганын айтты. Орусиянын Сочи шаарында 22-октябрда Режеп Тайып Эрдоган менен орус лидери Владимир Путин Анкаранын Сириядагы жортуулуна байланыштуу меморандумга кол коюшкан. Анда Түркия өзү "коопсуз аймак" деп атап алган Сириянын жеринен күрд кошуундарынын чыгып кетишине 150 саат берилген. Бул убакыт ичинде ок атууну токтотуу... Читать дальше...

Нарын шаарында “Дени сак улут - күз деми” деп аталган марафон эл арасына спортту жайылтуу жана ага ар бир адамдын көңүлүн буруу үчүн уюштурулду. Ага 200дөй адам катышып, жөө күлүктөр жети чакырым чуркашты. Шаардыктар мындай марафонду жыл сайын өткөрүү керек деген демилге көтөрүштү. Демөөрчүлөр колдосо кийинки жылы жаз мезгилинде уюштуруу ниети да айтылды.

Жогорку Кеңеш бүгүн экономика тармактарын жана калкты күз-кыш мезгилине даярдоо боюнча өкмөттүн иши жөнүндө маалыматты угуп жатат. Жыйын учурунда Токтогул суу сактагычында суунун көлөмү быйыл азыраак болгондуктан электр энергиясы менен камсыздоо маселеси көйгөй жаратпайбы деген суроо коюлду. Улуттук энергохолдингдин жетекчиси Айтмамат Назаров суу жетерлик көлөмдө экенин билдирди: - Кооптонууга негиз жок. Суу быйылкы кышка жетет. Былтыр 2 миллиарддай ашык болчу. Андан, өзүңүздөр жакшы билесиздер... Читать дальше...

Жогорку соттун 30-октябрдагы токтому менен Насирбек Алмаматовго карата Бишкек шаардык сотунун 2019-жылдын 9-июлундагы өкүмү жокко чыгарылып, Октябрь райондук сотунун 25-марттагы өкүмү күчүндө калтырылды. Бул тууралуу "Азаттыкка" Жогорку соттун басма сөз кызматы билдирди.  Автотранспортту каттоо жана айдоочулук күбөлүк берүү департаментинин Бишкек шаардык бөлүмүнүн мурдагы башчысы Насирбек Алмаматов 2018-жылдын 2-ноябрында кармалган. Улуттук коопсуздук боюнча мамлекеттик комитет (УКМК) ал автоунааларды каттоо жана кайра каттоо иштеринде... Читать дальше...

Бишкектин Октябрь райондук соту мурдагы президент Алмазбек Атамбаевдин кеңешчиси Икрамжан Илмияновду жети жылга кесип, 1600 эсептик көрсөткүчтө (160 миң сомдун тегереги) айып пул салуу менен үй-мүлкү конфискацияланды. Өкүмдү 30-октябрда ишти караган судья Дамирбек Назаров чыгарды. Икрамжан Илмиянов Жазык кодексинин 204-беренесинин 3-бөлүмү («Өзгөчө ири өлчөмдө жасалган алдамчылык») менен күнөөлүү деп табылды. Өкүмгө ылайык сот бир гана Икрамжан Илмияновдун мүлкүн эмес, анын туугандарына таандык мүлктөрдү дагы конфискациялады. Читать дальше...

Орусиянын Мамлекеттик Думасындагы "Адилет Орусия" фракциясы интернет аркылуу маңзат колдонууга үгүттөп, жарнамалагандарга жазаны күчөтүү тууралуу мыйзам долбоорун даярдады. Документ парламенттин төмөнкү паласытынын сайтына жайгаштырылды. Анда мындай кылмыш жасаган адамдарга бир миллион рублга чейин айып салуу, же жети жылган эркинен ажыратуу каралган. Мыйзам долбоорунун түшүндүрмөсүндө азыркы мыйзамдардагы чаралар "маңзаттын жайылышын алдын алууга, аны колдонгондорду азайтууга жетишсиз" деп жазылган. Читать дальше...

Украинанын борбору Киев шаарында 30-октябрда президенттин кеңсесинин алдында, Донбасстагы согуш тилкесинен аскерлердин чыгарылып жатканына байланыштуу нааразылык акциясы өттү. Митингге чыккандар бул кадамды "Кремлге баш ийүү" катары баалашты.  Мындан бир күн мурда, Луганск облусунун Золотое районундагы тилкесинен Киевге баш ийген Бирдиктүү күчтөрдүн операциясы бөлүмүнүн аскерлери жана өз алдынчалык жарыялап алган Луганск Элдик Жумуриятынын элдик милициясынын өкүлдөрү чыгарыла баштаган.   Бул... Читать дальше...

29-октябрда хакердик чабуулга кабылган kloop.kg сайты 30-октябрда ишмердигин улантууда. Интернет-басылма "Твиттердеги" баракчасына "Кечээки DDoS-чабуулга карабай, биз баары бир Ататүрк паркындагы жер бөлүштүрүүгө байланыштуу материалдарыбызды чыгара беребиз", - деп жазды.  Бир күн мурунку чабуулдун чоо-жайы анык эмес.  Kloop.kg - жаңылыктарды чыгарган веб-сайт. Авторлорунун көбү «Клооп Медиа» коомдук фондунун журналистика мектебинин бүтүрүүчүлөрү. Макала-баяндары кыргыз, орус, өзбек тилдеринде чыгат. Читать дальше...

«Адилет» укуктук клиникасынын башчысы Чолпон Жакупова өткөн аптада жемкорлукка каршы күрөшүү убадасына эмне үчүн эл ишенбестигин белгилеп президентке кайрылуу жолдоду.

Швециялык 16 жаштагы активист Грета Тунберг "Инстаграмдагы" баракчасына "Түндүк кеңешинин" айлана-чөйрөнү коргоо жаатындагы сыйлыгын албай турганын жазды. Окуучу кыз бул уюмга түйшүк мээнетин эске алганына ыраазычылык билдирип, бирок климаттын өзгөрүшүнө жол бербөөгө чакырган кыймыл сыйлыкка муктаж эмес экенин айтты жана саясатчыларды илимге кулак салууга чакырды.  Өткөн айда Грета Тунберг Нью-Йоркто БУУнун Башкы Ассамблеясынын климаттын өзгөрүшүнө арналган жыйынында дүйнө лидерлерин жетиштүү чара көрбөй жатканы үчүн уяткарган болчу. Читать дальше...

Болгариянын Тышкы иштер министрлиги Орусиянын элчилигиндеги тыңчылыкка шектелген кызматкер 24 сааттын ичинде өлкөдөн чыгып кетиши керектигин айтты. Буга чейин София элчиликтеги тогуз катчынын бири өлкөдөн 28-октябрда чыгып кеткенин билдирген, бирок Москва тыңчы деп айыпталган бул дипломатты чакыртып албаганы белгилүү болгон. Орусиянын Болгариядагы элчилиги да, Тышкы иштер министрлиги да бул кызматкердин аты-жөнүн ачыкка чыгара элек. Маалыматтарга караганда, орусиялык дипломат Болгариянын НАТОдогу... Читать дальше...