Вазорати адлияи Русия феҳрасти расонаҳои хабариеро нашр кард, ки ба онҳо мақоми «агенти хориҷӣ» насб шудааст. Ба ин феҳраст аз ҷумла Садои Амрико, Радиои Озодӣ ва барномаҳои вижаи Радиои Озодӣ шомил шуданд. Ин феҳраст дар асоси қонуне тартиб дода шуд, ки моҳи ноябр дар Русия қабул гардид.
Чаҳор муҳоҷири кории тоҷик дар як шаҳри Русия муҳтавои суханронии Владимир Путинро нафаҳмида, дар имтиҳони забони русӣ ноком шудаанд. Дониши забони русии ин муҳоҷирон ба хотири дарёфти осони шаҳрвандии Русия дар Донишгоҳи давлатии Череповетс санҷида шуд.
Михаил Саакашвилӣ, раиси ҷумҳури пешини Гурҷистон ва волии собиқи Одесса, дар як намоиши эътирозӣ дар назди порлумони Украина президент Петро Порошенкоро ба истеъфо даъват кард.