Новости за 09.06.2022

Чаллының Үзәк район башлыгын сайлауга нәтиҗә ясалды. Башкарма комитетның конкурс комиссиясе кандидатларга бәя нәтиҗәләре буенча Эдуард Фәттахов Чаллы башкарма комитетының Үзәк районы башлыгы вазифасына тиешле квалификацион таләпләргә туры килә. Комиссия аның кандидатурасын бу урынга билгеләргә тәкъдим итте. Бу хакта «Шәһри Чаллы» газетасы яза. 

Татарлар бүгенге Үзбәкстан торгызылуына зур өлеш керткән. Үзбәкстанның Олы Мәҗлесе Закон чыгару палатасы парламентара төркеме җитәкчесе Илхом Абдуллаев Татарстан Дәүләт Советы Рәисе Фәрит Мөхәммәтшин белән очрашуда шул хакта әйтте.

Казанда яшәүче 39 яшьлек хатын-кыз аферистлар корбаны булган, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Татарстан Республикасының Санкт-Петербург шәһәре һәм Ленинград өлкәсендәге вәкиле Ренат Вәлиуллин Татарстанның күренекле иҗат әһелләре, рәссамнар – Ирик Мусин һәм Лана Мусина-Медвецкая белән очрашты. Бу хакта Татарстанның Санкт-Петербург шәһәре һәм Ленинград өлкәсендәге Даими вәкиллеге хәбәр итә.

Казаннан Мәскәүгә яңа авиарейслар башкарылачак. Очыш программасы 10 июньдә старт ала. Рейслар шимбә көннән кала көн саен гамәлгә ашырылачак.

Татарстан Президенты Рөстәм Миңнеханов Россия халкыннан иң күп шикаять килгән торак-коммуналь хуҗалык өлкәсендәге проблемаларны хәл итәргә чакырды. Аларны хәл итү өчен яңа инструментлар табарга кирәк, дип җиткерә аның сүзләрен Татарстан Президентының матбугат хезмәте.

«Татар-информ»га Сочи аэропортының матбугат хезмәтендә хәбәр итүләренчә, утырган вакытта шассие янган Казан самолеты – Nordwind авиакомпаниясе карамагында. Очкычның өлешчә сул як шассие яна башлаган.

Казанда «Аккош күле» урман-паркы территориясендә Сабантуй уздыру өчен волонтерлар җыю игълан ителде.

Казан-Сочи рейсы белән очкан самолетның җиргә төшеп утырган вакытта сул як шасси өлеше яна башлаган. Бу хакта ТАСС авиация тармагында эшләүче чыганагына сылтама белән хәбәр итә.

Россия Федерациясенең мәгариф министры Сергей Кравцов Россия мәктәпләрендә флаг күтәрү стандартын раслады. Бу хакта ул РИА Новости хәбәр итте.

Татарстан территориясендә 13 сәгатьтән 15 сәгатькә кадәр көндезге «тынлык сәгате»н (бу вакытта җәмәгать тынычлыгын бозу тыела) кертү мөмкинлеге турында фикер алышканда халык ихтыяҗына таянырга кирәк. Мондый фикерне брифинг барышында Татарстан Президентының матбугат хезмәте җитәкчесе Лилия Галимова белдерде.

Мәктәпләрне тәмамлаучылар дәүләт хезмәтләре порталындагы шәхси сәхифәләрендә бердәм дәүләт имтиханнары (БДИ) нәтиҗәләрен белә алачак. Бу хакта Россия Федерациясенең Цифрлы үсеш, элемтә һәм массакүләм коммуникацияләр министрлыгының «Вконтакт»дагы рәсми аккаунтында хәбәр ителгән. «Российская газета» шул турыда яза.

Пәнҗешәмбе көнне, 9 июньдә, Татарстан Президенты Рөстәм Миңнеханов Түбән Идел бассейны сулыклары идарәсе җитәкчесе Николай Пономарев белән очрашты.

Татарстанның Министрлар Кабинеты Пермь краенда Бөтенроссия авыл Сабан туена әзерлек һәм аны уздыру буенча оештыру комитеты төзергә кушты. Ул 2024 елда узачак.

Килешүләр төзү буенча конкурсларда катнашу өчен коммуналь оешмалар үз тәҗрибәләрен һәм компетентлыгын расларга тиеш булачак. Бу хакта Россия Премьер-министры Михаил Мишустин хәбәр итте, диелә Хөкүмәтнең Telegram- каналында.

Шагыйрь Габделҗаббар Кандалый турындагы фәнни мәкаләнең авторы - ИЯЛИ галимәсе Рузия Сафиуллина

Һәлакәткә очрап, депутат Айрат Хәйруллин һәлак булган вертолетның пилотына карата ачылган җинаять эшен Татарстанның Лаеш районы суды карауны дәвам итә. Хөкем ителүчеләр эскәмиясендә вертолет пилоты – Җәүдәт Сөләйманов. Аны һава транспорты хәрәкәте куркынычсызлыгы кагыйдәләрен бозып, саксызлык аркасында кеше үлеменә китергән гамәлләр кылуда гаеплиләр.

ТР Дәүләт Советы Рәисе Фәрит Мөхәммәтшин Татарстанның социаль-икътисади үсеше буенча Стратегия-2030 документы буенча фикерен әйтте.

16 июньдә Милли китапханәнең Җәйге террасасында очрашабыз.

Татарстанда Covid-19 чиренең 103 яңа очрагы ачыкланган, ә алдагы тәүлектә йогышлы чир 105 кешедә табылган булган. Стопкоронавирус.рф сайтында шундый мәгълүматлар урнаштырылган.

Татарстан Дәүләт Советы Рәисе Фәрит Мөхәммәтшин Казан халыкара Евразия интеграциясе конгрессы-2022 уздыру әһәмиятен билгеләп узды.

Иртәгә, 10 июньдә, Татарстанда җылытачак. Бу хакта ТР Гидрометеорология үзәге хәбәр итә.

Тинчурин театры каршында эшләп килүче мөмкинлекләре чикләнгән балаларның «Могҗиза» театр студиясе «Миһербанлык» спектакле белән үзенең дүртенче сезонын япты. Бу хакта Тинчурин театрының матбугат хезмәте хәбәр итә. 

Татарстанның Дәүләт Советы Рәисе Фәрит Мөхәммәтшин фикеренчә, креатив фикер булдыру механизмнарының берсе, республикада Евразия интеграциясе белән бәйле икътисади һәм финанс проблемалары, хокукый актлар буенча бердәм белешмәләр базасы белән Евразия фәнни-аналитик һәм мәгълүмат үзәген булдыру инициативасы була алыр иде.

Бөтендөнья татар конгрессының Чаллы бүлеге җитәкчесе сайланды. Ул – татар язучысы, филология фәннәре кандидаты, Габдулла Тукай исемендәге Дәүләт премиясе лауреаты 68 яшьлек Факил Сафин. Ул шулай ук  шәһәрдә Язучылар берлегенең иң зур региональ бүлекчәсен җитәкли. Чаллыда 1984 елдан бирле яши. «Челнинские известия» шул турыда хәбәр итте.