Новости за 20.06.2022

Аксубайның Үзәк мәйданда универсаль технологияләр техникумыннан хәрби хезмәткә чакырылучыларны Россия Кораллы Көчләре сафларына озатуга багышланган тантаналы чара узды.

Татарстанның Гидрометеорология һәм әйләнә-тирә мохитне күзәтү идарәсе якын көннәргә атналык һава торышы фаразын әзерләде. Аннан күренгәнчә, эш көннәрендә республика территориясендә яңгырлар явачак, әмма алар ял көннәренә туктый.

Бөтендөнья татар конгрессы Башкарма комитеты җитәкчесе Данис Шакиров быел Татарстаннан читтә яшәүче татарлар максатчан юллама белән күп телле укытучы белгечлегенә Казанда укый алачагын әйтте.

Диссертация Инөнү университеты докторанты Фатма Җанполат-Җанал тарафыннан Рамилә Яруллина җитәкчелегендә язылган.

Россия Президенты Владимир Путин 1 сентябрьгә кадәр Хөкүмәткә ташламалы ипотеканы 2023 елның ахырына кадәр баласы туган күп балалы гаиләләр өчен җәелдерергә кушты. Бу хакта Кремль сайтында чыккан боерыкта хәбәр ителә.

Казан федераль университетының Филология һәм мәдәниятара багланышлар институты директоры Рәдиф Җамалетдинов күп телле мәктәпләрдә эшләр өчен быел укырга керүчеләр 15 мең сум стипендия алачагын әйтте.

Россия Президенты Владимир Путин күп балалы аталарга пенсияне вакытыннан иртәрәк билгеләү мөмкинлеген карарга, моның турында 1 октябрьгә кадәр хәбәр итәргә кушты, диелгән Кремль сайтында. РИА Новости шул турыда яза.

Россия Федерациясе Президенты Владимир Путин инвалид балаларны дәваларга очкычларда алып бару бәясенә ташламалар кертү буенча 2022 елның 1 ноябренә кадәр тәкъдимнәр тапшыруны йөкләде. Йөкләмәләр исемлеге Кремль сайтында урнаштырылган. Бу турыда РИА Новости яза.

Татарстан Президенты Рөстәм Миңнеханов дүшәмбе көнне Казан Кремлендә булды. Ул Кремль тарихы музееның сәнгать проекты белән танышты һәм кисәтмәләр бирде.

Өстәмә түләүләр ярдәмендә туучылар санын арттыруны 30 яшькә кадәр булган хатын-кызлар арасында гына түгел, ә бу яшьтән өлкәнрәк аналар арасында да стимуллаштырырга кирәк. Бу хакта Россия Президенты Владимир Путин Мурманск өлкәсе губернаторы Андрей Чибис белән очрашуда белдерде.

19 июньдә Самара өлкәсенең Похвистнево районының Мактаулы гражданнары исемлеге яңа исемнәр белән тулыланды. Район башлыгы Юрий Рябов, Вәкилләр җыелышының 27.05.2022 көнендә чыккан «Похвистнево муниципаль районының Мактаулы гражданины» исемен бирү турында карары нигезендә, Фәхретдин Канюкаевка таныклык тапшырды. Бу турыда Бөтендөнья татар конгрессы хәбәр итә.

Бүген Татарстан Республикасы Президенты Рөстәм Миңнеханов «Туризм.РФ корпорациясе» акционерлык җәмгыяте генераль директорының беренче урынбасары Денис Секачев белән туризм өлкәсендә хезмәттәшлек мәсьәләләре турында фикер алышты. Бу хакта республика җитәкчесенең матбугат хезмәте хәбәр итә.

КФУның «Татар теле, әдәбияты һәм рус теле» дигән яңа программасына 25 бюджет урыны бирелгән.

Санкт-Петербург Җәмигъ мәчетендә шәһәр халкы һәм Төньяк башкала кунаклары Изге Коръән аятьләрен тыңлады. Барлык теләүчеләр ислам традицияләре, шәһәр һәм Санкт-Петербург Җәмигъ мәчете тарихы белән таныша, Коръән уку үзенчәлеген тоя һәм бәяли алды, дип хәбәр ителә Россия мөселманнары Дини җыены сайтында.

Татарстанда яшәүче ир-атны исереп йөргән өчен анасы өйдән куып чыгара башлаган. Шуннан соң ул анасын чәнчеп үтергән, үзе эчүен дәвам иткән.

«Иң яхшы туган тел һәм туган әдәбият укытучысы» Бөтенроссия һөнәри конкурсының рәсми сайтында (https://teacher.natlang.ru) беренче катнашучыларны теркәү башланды. Бу хакта Татарстан Республикасы Мәгариф һәм фән министрлыгы матбугат хезмәте хәбәр итә.

Бүген иртәнге сәгать бишләр тирәсендә Мәскәү-Чиләбе трассасының 1571 километрында пассажирлар автобусы һәм йөк машинасы бәрелешкән.

Татар филологиясе һәм журналистикасы белгечлегенә яңа уку елына 25 бюджет урыны каралган.

«1920-1950 елларда чыккан бик күп сирәк басмалар таптык. Татар телендә иҗат иткән фронтовик язучыларының сирәк китапларын цифрлаштырырга ниятлибез», - диде акция оештыручысы.

29 июньдә «Казан утлары» журналы «Әдәби кафе»да Ринат Мөхәммәдиевнең «Кыргый атауга сәяхәт» китабын тәкъдим итә. “Кыргый атауга сәяхәт” - “Казан утлары” китапханәсе” сериясендә чыккан унөченче китап, дип хәбәр итте оештыручылар.

Рәдиф Кашапов концертын Истанбулда яшәүче татарлар һәм Аташәһир районы мәҗлесе әгъзалары тамаша кылды.

16 китапның 13е инде әзер. Алар Язучылар берлеге сайтының «Үлемсез әдәби полк» бүлегендә урнаштырылган.

Эстония башкортлары 18 июньдә башкорт халкының милли герое Салават Юлаевның туган көнен билгеләп үтте, дип хәбәр итә «Башинформ».

«Метроэлектротранс»ның элеккеге башлыгы Әсфән Галәвов аеруча зур күләмдә мошенниклыкта гаебен таныган. Бу хакта «Татар-информ» агентлыгы үз чыганагына сылтама белән хәбәр итте.

Кичә Самара өлкәсендә галим, башкорт теле гыйлеменә нигез салучы, әдәби башкорт телен булдыручыларның берсе Габбас Дәүләтшинга (1892-1937) һәйкәл ачтылар. Бу хакта «Башинформ» хәбәр итә.