Новости за 13.06.2022

Пермь шәһәрендә 2012 елда туган һәм аннан кечерәк кызлар арасында чирәмдәге хоккей буенча «Смена» Бөтенроссия ярышлары тәмамланды. Анда 6 команда катнашты.

17 – 18 июнь көннәрендә Казанда Бөтенроссия масштабындагы иң зур спорт стартларының берсе – триатлон буенча Россия чемпионаты узачак, аның кысаларында Ironstar Timerman Cup ярышлары оештырыла. «Ярымтимер» һәм Олимпия дистанцияләрендә ярышларда катнашучыларга өч этапны үтәргә туры киләчәк: йөзү, велоузыш һәм йөгерү. Казан мэриясе шул турыда хәбәр итә.

Рөстәм Миңнехановның Сабан туе котлавын Татарстанның Төркиядәге вәкиле урынбасары Альберт Ялышев җиткерде.

Дүшәмбе көнне иртәнге якта биткоинның бәясе 10,8 процентка кимеп, 24,65 мең доллар күрсәткеченә кадәр төште, дип күрсәтә сәүдә мәгълүматлары. РИА Новости шул турыда яза.

Искешәһәр төбәгендәге Османия (Куруһөюк) татар авылында үткән Сабан туена меңгә якын кеше җыелды.

Татарстан башкаласында яшәүчеләрнең чиреге – 25 проценты дүрт атна дәвам иткән ялны идеаль дип саный. SuperJob сервисы үткәргән сораштыру нәтиҗәләре шуны күрсәтә.

Татарстанда 2022 елның гыйнвар – апрель айларында туучылар саны узган елның шул ук чоры белән чагыштырганда 8,5 процентка кимегән. Росстат шундый мәгълүматлар чыгарды.

Иртәгә, 14 июньдә, Татарстанда әкренләп һава температурасының күтәрелүе дәвам итәчәк. Бу хакта Татарстанның Гидрометеорология үзәге хәбәр итә.

Россия Федерациясендә хәзерге югары белем бирү системасы үзгәрешләргә мохтаҗ, бу өлкәдә көнбатыш моделен уйламыйча күчереп булмый. Бу хакта Дәүләт Думасы рәисе Вячеслав Володин үзенең Telegram-каналында сораштыру нәтиҗәләре турында хәбәр иткәндә белдерде. «Российская газета» шул турыда яза.

Татарстанда Covid-19 коронавирусын йоктыруның яңа 95 очрагы ачыкланган, моңа кадәр ике көн рәттән 98 авыру теркәлгән булган. Стопкоронавирус.рф сайтында шундый мәгълүматлар урнаштырылган.

Чаллыда беренче чыгарылыш кичәләре 28 июньдә узачак. Мәктәпләр тантаналы чаралар үткәрү даталарын үзләре сайлый, аларның соңгылары 3 июльдә узачак, дип яза «Челнинские известия» газетасы.

Мәскәү – Түбән Новгород – Казан трассасы, барлык кыенлыкларга карамастан, башка шундый объектлар белән чагыштырганда күпкә тизрәк төзеләчәк. Бу хакта РФ вице-премьеры Марат Хөснуллин Telegram-каналында белдерде.

Казан Россиянең иң кунакчыл шәһәрләре рейтингында бишенче урынны алды. Әлеге исемлекне SuperJob Россиядә яшәүчеләрнең фикерләре буенча төзелгән. Компания тикшеренүләренең шундый нәтиҗәләрен бастырып чыгарды.

Төнлә Татарстанның Әгерҗе районында Яңавыл авылында йорт янган. Бу турыда «Татар-информ» агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Венесуэла хакимияте маймыл чәчәге авыруын йоктыруның беренче очрагын теркәгән. Бу хакта илнең Сәламәтлек саклау министрлыгы хәбәр итте, авыру Испаниядән килгән ир-атта ачыкланган.

Кичә Чувашиядә төн уртасында Идел елгасында фаҗига булган. 1147 чакрым билгесе чиге янында «Волжанка Voyager 67» катеры һәм «Коломенский 803» теплоходы бәрелешкән. Бу хакта Чувашиянең транспорт прокуратурасы хәбәр итә.

ТР Гидрометеорология һәм әйләнә-тирә мохитне күзәтү идарәсе 2022 елның 11 июненнән 20 июненә кадәр һава температурасы климатик нормадан 1,0 процентка түбәнрәк булыр дип көтелә (Татарстан буенча норма +18 градус, Казан буенча +18,4 градус).

Сарман районы Сабан туенда районыбызның быелгы Почетлы гражданнары игълан ителде. Бу хакта «Сарман» газетасы сайты хәбәр итә.

Мәскәү Җәмигъ мәчетенең конференц-залында хаҗ кылуга әзерлек буенча беренче лекция узды, дип хәбәр ителә Россия Мөфтиләр шурасы сайтында.

Бүген, 12 июньдә, Түбән Кама шәһәренең «Гаилә» паркында ачык һавада «Счастье в конверте» дигән Россия фильмы күрсәтелде. Киносеанс Россия көнен бәйрәм итүгә багышланган, дип хәбәр ителә Түбән Кама районы хакимияте Telegram-каналында.