Новости за 26.06.2022

Ютазы районының Урыссу бистәсендәге 3нче мәктәпнең 5 сыйныф укучылары өчен слет узды. Ул яшь армиячеләр өчен файдалы ял оештыру, патриотик тәрбия бирү һәм әлеге хәрәкәтнк үстерү максатыннан үткәрелде.

Актанышның яшь футболчылары «Күн туп» республикакүләм футбол турнирында өченче урынны алды. Ярышлар 21-23 июнь көннәрендә Казан шәһәрендә узды.

Әлки районының 105нче янгын сүндерү-коткару хезмәткәрләре «Яшь имәннәр» сәламәтләндерү лагерында өйрәнүләр үткәрде.

Бөгелмә шәһәренең үзәк мәчетендә имамнар җыелышы узды. Очрашуның төп темасы - якынлашып килүче Корбан бәйрәменә әзерлек.

Мәскәү, Казан һәм Санкт-Петербург бу җәйдә туристик сәфәрләр өчен иң арзан бәяле юнәлеш булып табылган. Татарстан башкаласы, Мәскәүдән генә калышып, икенче урынны алды, дип хәбәр итә РИА Новости.

Ел саен илебездә яшәүчеләр Россиянең яшьләр башкаласы өчен тавыш бирәчәк, дип белдерде Россия президенты администрациясенең беренче урынбасары Сергей Кириенко.

2021 елда Россия Федерациясе бюджетының сарыф ителмәгән өлеше Хөкүмәтнең резерв фондына күчереләчәк. Шулай итеп, ул 1,6 миллард сумга тулыланачак, дип хәбәр итә Россиянең Министрлар Кабинеты матбугат хезмәте.

Дүшәмбе, 27 июнь көнне, Татарстанда яшенле яңгыр, җил һәм боз явуы көтелә, дип кисәттеләр Татарстан Гидрометеорология һәм әйләнә-тирә мохитне күзәтү идарәсендә.

Бөтендөнья сәламәтлек саклау оешмасының (ВОЗ) гадәттән тыш хәлләр комитеты маймыллар арасында очрый торган чәчәк чиренең таралу характерын гадәттән тыш итеп таныды һәм йогышның таралуын контрольдә тотарга чакырды.

Узган тәүлектә Татарстанда коронавирус йоктыруның 52 очрагы рәсми рәвештә теркәлгән. Республикада пандемия башланганнан бирле барлыгы 152 366 очрак исәпләнә.

Юрист Иван Соловьев «Прайм» агентлыгына коммуналь хезмәтләр өчен түләүләр Россия буенча уртача 3,5-5 процентка артачак, дип сөйләде. РИА Новости шул турыда яза.

Казанда узган атнада бензинның барлык маркаларына һәм дизель ягулыгына бәяләр тотрыклыланды. 10-17 июнь көннәренә булган мәгълүматларны Татарстанстат чыгарды.

Пхенчханда узган Олимпиадада фигуралы шуу буенча чемпион булган Алинә Заһитова югары уку йортында сессия ябуы турында сөйләде. Бу хакта 20 яшьлек спортчы үзенең телеграмм-каналында язган.

Татарстан башкаласы Россиянең иң матур шәһәрләре рейтингында өченче урынны алды. Шундый сораштыруны Работа.ру сервисы Россия Федерациясе төбәкләрендә яшәүче 2 меңнән артык кеше арасында уздырган.

Бүген Казанның Габишев урамында төнге сәгать икеләр тирәсендә Toyota Camry машинасы зур тизлектә светофорга бәрелгән. Көчле бәрелүеннән соң, машинаның алгы өлеше сытылган.

«Монда горурланып «мин - татар кызы», дип әйтәм», - диде Алия Мәүлетова.

Якутиядә Татарстан фильмнары күрсәтелде

Югары Ослан районының Ключищи авылы янында Идел елгасы култыгында 13 яшьлек кыз батып үлгән. Бу хакта 25 июнь кичендә 112 – ашыгыч ярдәм хезмәтләрен чакыру номеры буенча хәбәр иткәннәр.

Кемерово өлкәсе Новокузнецк шәһәрендә узган икенче Шахтерлар Сабантуенда Муса Галләмов Баш батыр калды. Аңа Татарстан Президенты Рөстәм Миңнеханов призы - Лада Гранта автомобиле тапшырылды. Ул финал көрәштә Булат Мусинны чистага җиңде.

Мәскәү татарлары һәм төрки халыклары милли конгрессы президенты Рөстәм Ямалиев фикеренчә, Сабантуйның хәзерге вакытта әһәмияте «йөзләгән тапкыр» арта. Бу хакта ул Новокузнецкида узган икенче Шахтерлар Сабантуенда «Татар-информ» журналистына әйтте.

Якутиядә Татарстан көннәре программасына кергән Казан һөнәрчеләре үз эшләрен Якутия дәүләт Опера һәм балет театры бинасында – Татарстан сәнгать осталары концерты алдыннан тәкъдим итте.

Якутиядән Сабантуй батыры булып кайткан Руслан Рафиков көрәшче карьерасындагы иң зур бүләген – Татарстан Президенты призы булган квадроциклны откан.

Абсолют җиңүчегә бүләккә тәкә һәм акчалата бүләк бирелде.

Кемерово өлкәсе - Кузбассның зурлыгы буенча икенче урында булган шәһәре Новокузнецкида узган татар милли бәйрәме - халыкара Шахтерлар Сабантуенда Россия рекорды куелды. Шәһәрнең Театр мәйданында милли киемнәрдәге иң зур әйлән-бәйлән уены узды.

Июньдә Казахстан Республикасы Көнбатыш Казахстан өлкәсенең Уральск шәһәреннән Казанга һәм кире юнәлештә автобус сәфәрләре оештырыла.