Новости за 30.06.2022

Чистай шәһәрендә һәм районында 98 күп фатирлы йортында яшәүчеләр быел якын-тирә территорияләрдә эшләүче төзелеш техникасы тавышын ишетәчәк, тулаем алганда, 64 ишегалдын ремонтларга җыеналар.

Татарстан Гидрометеорология һәм әйләнә-тирә мохитне күзәтү үзәге берничә көнгә һава торышын фаразлаган. Дүшәмбе һәм сишәмбе яңгыр көтелми, һава температурасы +27 градуска күтәреләчәк.

Врач-иммунолог Андрей Продеус «Беренче канал» эфирында нинди продуктлардан баш тарту гомерне озайтырга мөмкинлеген әйтте. Бу хакта РИА Новости хәбәр итә.

Казан федераль университеты быел алдынгы инженерлык мәктәпләре төзеләчәк Россия югары уку йортларын сайлап алу конкурсында җиңүчеләрнең берсе булды. Яңа бүлекчә КФУның Чаллы институтында ачылачак, проектның стратегик партнеры - «КАМАЗ» ГАҖ. Бу хакта югары уку йортының матбугат хезмәте хәбәр итә.

Россия халык хуҗалыгы һәм дәүләт хезмәте академиясенең ректоры Владимир Мау тоткарланды. Аңа академиянең акчасын урлауда гаепләү белдерелгән.

2022 елның I кварталында Татарстанда электр энергиясен куллану 7 187,5 млн кВт.сәг. тәшкил итте. 2021 елның гыйнвар-марты белән чагыштырганда бу күрсәткеч 5,5 процентка арткан. Бу хакта бүген «Челтәр компаниясе» АҖ директорлар советы утырышында хәбәр иттеләр. Аны Татарстан Премьер-министры Алексей Песошин үткәрде.

Татарстанда күп функцияле үзәк аша Россия паспортын рәсмиләштерү һәм яшәү урыны буенча теркәлү срогы 1 июльдән кимиячәк. 

Германиянең «Ганновер» клубының Россия гражданлыгына ия булган Камерун сакчычы Гаэль Ондуа Япония клубташы Сэй Мурояга рус телен өйрәтүен күрсәтте. Японияле Россия фигуралы шуучысы Алинә Заһитова ошавын әйтте. Камерун спортчысы видеоны социаль челтәрләргә куйган.

Татарстанда бер атнада, 17-24 июньдә, кайбер җиләк-җимешнең һәм яшелчәнең, шулай ук шикәр комының бәясе төшүе теркәлгән.

Күзәтчелек ведомствосы «Татагропромбанк»ның элеккеге җитәкчесе Алексей Федоровка аның гамәлләрен нигезсез яңадан квалификацияләү, шулай ук билгеләнгән җәзаның йомшаклыгы аркасында хөкемне шикаять итә. Бу хакта Татарстан прокурорының өлкән ярдәмчесе Руслан Галиев хәбәр итте.

Казанда Яшьләр көнендә чыгыш ясаучы хедлайнерларны федераль оештыручылар билгеләгән.

Мәскәүдә 100 сумлыкның яңартылган банкнотасы тәкъдим ителде, ул 200 сум һәм 2000 сум банкноталары стилендә тулысынча яңа дизайн белән ясалган. Бүгенге көннән әйләнешкә керә торган яңа купюраны Россия Банкы рәисе урынбасары Сергей Белов тәкъдим итте.

Корбан ае башлану уңаеннан, Татарстан мөфтиятенең «Зәкят» хәйрия фонды 30 мохтаҗ гаиләгә азык-төлек җыелмалары таратты. Хәйрия фондыннан әлеге ярдәмне бер ялгызы балалар үстерүче аналар, күп балалы гаиләләр, ялгыз пенсионерлар, авыру мохтаҗлар, инвалид бала тәрбияләүчеләр алды. Азык-төлек җыелмасында он, ярмалар, көнбагыш мае, шикәр, тушенка, макарон һәм чәй бар. Бу турыда Татарстан Диния нәзарәте хәбәр итте.

Татарстанда 17-24 июньдә дизель ягулыгына һәм АИ-98 маркалы бензинга бәяләр артуы теркәлгән.

Удмуртия татараларының «Яңарыш» сайтында «Ыруыңны бел, җыенына кил!» дигән язма чыкты.

Кабул шәһәрендә Бөтен әфган аксакаллар советы (Лойя-джирга) съезды узачак. Съезд эшендә Әфганстанның иң дәрәҗәле өлкәннәре һәм 12 ислам иле вәкилләре катнаша. Аксакаллар делегациясе составына Әфганстан татарлары мәҗлесе рәисе Әлхәд Әхмәд Бәй Татар да кертелгән. Бу турыда «Татар-информ» хәбәрчесе Дмитрий Киселев яза.

Дәүләт Думасы өченче укылышта яңа закон проектын кабул итте. Ул хакимият органнарын социаль челтәрләрдә рәсми сәхифәләр булдырырга һәм анда актуаль мәгълүмат куярга мәҗбүр итә. Түрәләр паблик алып барырга тиеш булган социаль челтәрләр исемлеге соңрак билгеләнәчәк. Бу турыда Дума сайтында хәбәр ителә.

3 июльдә Свердловск өлкәсенең Сысерть округында өлкә Сабантуе узачак. Көрәштә җиңгән абсолют батырга төп бүләк – машина бирелә. Бу турыда Татарстан Республикасының Свердловск өлкәсендәге Даими вәкиллеге  хәбәр итә.

Татарстанның Кече Бөгелмә авылында яшәүче 24 яшьлек егет кеше үтерүдә шикләнелә. Бу хакта Россия Тикшерү комитетының Татарстан Республикасы буенча Тикшерү идарәсенең матбугат хезмәте хәбәр итә.

Атна ахырында Татарстан Республикасы Президенты Рөстәм Миңнеханов Екатеринбургка барырга җыена. Анда Иннопром халыкара сәнәгать күргәзмәсе узачак. Мәйданчыкта Татарстан стенды тәкъдим ителә. Бу хакта журналистлар белән очрашуда Татарстан Республикасы Президентының матбугат хезмәте җитәкчесе Лилия Галимова сөйләде.

Узган тәүлектә Татарстанда коронавирус белән зарарлануның 46 очрагы теркәлгән. Авыручыларның барысын да хастаханәгә салганнар, дип хәбәр итә COVID-19 таралуга каршы көрәш буенча федераль оперштаб.

Бу атнада Татарстан Президенты Рөстәм Миңнеханов Мордовия Республикасына эш визиты белән барачак. Анда ике төбәкнең эшлекле даирәләре очрашулары, шулай ук Бөтенроссия авыл Сабантуе ачылышы була. Татарстан Президентының матбугат хезмәте җитәкчесе Лилия Галимова бу хакта журналистлар белән очрашуда сөйләде.

Төмән татарларының «Яңарыш» сайтында Рәүфә Кангазинаның «Лагерьдә «Татар милли киемнәре» фестивале үтте» дигән язмасы чыкты.

Татарстан Республикасы Президенты Рөстәм Миңнеханов иртәгә Чувашия Республикасына эш визиты белән бара. Анда ул Җәмигъ мәчетен һәм тыл хезмәтчәннәренә һәйкәл ачуда катнаша, шулай ук төбәктәге татар җәмәгатьчелеге вәкилләре белән аралаша. Бу хакта журналистлар белән очрашу вакытында Татарстан Республикасы Президентының матбугат хезмәте җитәкчесе Лилия Галимова хәбәр итте.

Төньяк башкалада 25 июнь көнне беренче тапкыр Санкт-Петербург мөселман мәдәнияте кичәсе узды. Бирегә Россиядә ислам динен тотучы төрле халыклар вәкилләре җыелды.