Новости за 12.06.2022

Бүген, Россия көнендә, Питрәч районының Карповка авылында модульле фельдшер-акушерлык пункты ачылды. «Татар-информ»га хакимияттә хәбәр итүләренчә, яңа дәвалау учреждениесе район территориясендә исәп буенча уникенче.

«Казан» гаилә үзәге янында зур концерт узды.

Арча Сабантуеның абсолют батыры исеменә көрәшче Альберт Ситдиков лаек булды.

Казансу яр буенда «Казан» гаилә үзәге янында Россия көненә багышланган концерт башланды.

7 июньдә 30 ел элек Гали мәдрәсәсен тәмамлаган чыгарылыш сыйныф укучылары белән очрашу булып узган. Бу хакта Самара татарлары сайтында хәбәр ителә.

17 июньдә көндезге сәгать икедә Ислам мәдәнияте музеенда Мәскәү коллекционеры Низам Ибраһимов коллекциясеннән «Ислам - почта открыткаларында» күргәзмәсе ачыла, дип хәбәр итә ТР Мәдәният министрлыгы  матбугат хезмәте.

Бүген Яшел Үзәндә Сабантуй бәйрәме узды. Кунаклар һәм шәһәр халкы өчен «Каенлык» паркында күп кенә күңел ачу мәйданчыклары оештырылды. Чараның хөрмәтле кунагы Татарстан премьер-министрының беренче урынбасары Рөстәм Нигъмәтуллин булды.

Узган тәүлектә Татарстан Республикасында коронавирус белән зарарлануның 98 очрагы расланган. Мондый мәгълүматлар стопкоронавирус.рф порталында китерелә.

12 июньдә Алабуга дәүләт тарих-архитектура һәм сәнгать музей-тыюлыгы директоры Гөлзада Руденко Россия Президенты Владимир Путин кулыннан Дәүләт бүләген алды.

Россия көне хөрмәтенә бүген кич Түбән Кама телевидение манарасы Россия триколоры төсләрендә балкыячак. Бу хакта «Татар-информ» агентлыгына Түбән Кама вице-мэры Марина Камелина сөйләде.

«Интертат» электрон газетасы «Шагыйрьләр урамы» - яңа рухтагы шигърият бәйрәменә чакыра.

Быел Арча районы Сабантуенда ат чабышында Арча, Балтач, Кукмара, Мари республикасы, Малмыж, Питрәч атлары ярышты.

Хәзерге вакытта Россиядә югары уку йортына керү өчен Бердәм дәүләт имтиханына альтернатива юк. Бу хакта «Татарстан 24» телеканалында Эрнест Хәйруллин белән «Галстуксыз интервью» программасында КФУ укыту-методик үзәге директоры, доцент Сергей Ионенко белдерде.

Арча районы башлыгы Илшат Нуриев район халкын, кайткан кунакларны язгы кыр эшләренең уңышлы төгәлләнүе һәм халкыбызның милли бәйрәме Сабантуй белән тәбрикләде. Дәүләт бүләкләрен Илшат Нуриев Татарстан Республикасы Мәгариф һәм фән министры Илсур Һадиуллин белән бергә тапшырды.

Салмачыда Үзәк урамдагы 198нче йортта янгын чыккан. Анда коттедж түбәсенә ут капкан, бу хакта 101нче янгын сагына хәбәр алынган.

Россия Болонья процессыннан чыгарылуга карамастан, бакалавриат һәм магистратура илебезнең югары уку йортларында калачак. «Татарстан 24» телеканалында Эрнест Хәйруллин белән «Галстуксыз интервью» программасында КФУның укыту-методик үзәге директоры, доцент Сергей Ионенко әнә шундый фикер әйтте.

19 июнь көнне Сургутта «Сабантуй» милли бәйрәме узачак. Кунакларны бай күңел ачу программасы көтә, дип хәбәр итә Бөтендөнья татар конгрессы матбугат хезмәте.

Путин очучылар һәм шахтерлар өчен пенсиягә өстәмә түләүләр билгеләүне аныклаучы законны имзалады, дип хәбәр итә РИА Новости.

Татарстан Президенты Рөстәм Миңнеханов абунәчеләрен Россия көне белән котлады. Социаль челтәрләрдә ул бәйрәмгә багышланган видеоролик урнаштырды.

Арча Сабантуеның тантаналы өлешендә район башлыгы Илшат Нуриев хезмәт алдынгыларына акчалата бүләкләр тапшырды. Язгы кыр эшләрен үткәрүдә тырышып эшләгән механизаторларны, терлекчелек продукциясе җитештерүдә иң яхшы күрсәткечләргә ирешкән сыер савучыларны мәйдан уртасына чакырып бүләкләделәр. 

Арчаның Сабантуй мәйданында бәйрәм Россиядә Мәдәни мирас, Татарстанда Цифрлаштыру елына, Идел буе Болгар илендә Ислам дине кабул ителүнең 1100 еллыгына багышланган тамаша белән башланып китте. 

Россия дәүләте башлыгы Владимир Путин Татарстан Президенты Рөстәм Миңнехановка телеграмма юллады, ул аны Россия көне белән котлады.

Саха Республикасында Татарстан көннәре кысаларында, Якутск АССР оешуга 100 ел тулу уңаеннан, Рөстәм Миңнеханов җитәкчелегендәге зур делегация составында республика кино әһелләре Якутскига юл тотачак.

Россиядә беренче тапкыр «омикрон»ның ВА.4 вариантын ачыклаганнар. Журналистларга Роспотребнадзор идарәсенең эпидемиология фәнни-тикшеренү институтының геном тикшеренүләре лабораториясе мөдире Камил Хафизов хәбәр итүенчә, шулай да ВА.2 штаммы өстенлекле булып кала. Бу хакта РИА Новости хәбәр итә.

Татарстанның Югары Ослан районында Савино авылыннан ерак түгел М7 трассасында җиңел машина Мәскәү өлкәсе номерлары белән булган фурага барып бәрелә. «Татар-информ»га авария турында шаһитлар хәбәр итте.