Юха кхаж тасар хир дац ГIалгIайчохь
ГIалгIайчоьнан Iедалан векалша харцдина кху беттан 8-чохь республикан парламентехь юха а кхоже дуьллур ду Нохчийчоьнца доза билгалдоккхуш бинчу бартана ратификаци яр бохург. Барт хийцийта гIерташ бу Магасехь митинге гулбелла меттигера бахархой. Шотан дийнахь ГIалгIайчоьнан парламенто юха а кхоже дуьллур ду Нохчийчоьнца доза билгалдоккхуш бина барт тIечIагIбеш ша тIеэцна низам аьлла, Магасерчу митингехь дIахьедар динарг вара гIалгIайн депутат Ахильгов Сет-Селим. Цунах лаьцна хаам бинера "Интерфакс" агенталло. Читать дальше...