Нохчийчохь шех "паччахь" олучу Кадыров Рамзана паччахьо санна ерзайо шена критика йинчуьнца юкъаметтиг. Юхьанца даьржа критика ечу стеган я зудчун майра аз, видео, йоза. Цунна тIаьххье мехкан телевизионо иза гойту, воьлхучу я йоьлхучу хьолехь хьийзаш, "шайтIа бахьана долуш" ша динчу къамелна Рамзан къинтIера воккхуш.
«Аэрофлот» авиакомпанино рожехь долу шен кеманаш лелийтар долийна Къилбаседа Кавказерчу 5 регионе, хаам бо ТАСС агенталло. КIирандийнахь дуьйна цу компанин кеманаша рейсаш йийр ю Москохара Владикавказе а, Наличике а, Соьлж-ГIала а, Магасе а. Ткъа Дагестанан коьртачу гIала ХIинжа-ГIала кхузза кема гIоттур ду Москохара. Цу Iалашонна лелош ду цу компанино Airbus-320 кеманаш. Изза кема лелар ду Соьлж-ГIала кIиранах 7-зза. Магасе лела кема сарахь хиларна чIогIа реза бу ГIалгIачура бахархой. Хууш ма хиллара... Читать дальше...
Шаьш Путинан "гIашсалти" бу боху хьаькамаш стенна кхийда ШарIе Нохчийчоьнан парламентан спикер Даудов Мохьмад ШарIан кхелехула юкъаметтиг къасто гIерта Магасерчу митингехь шена а, Кадыровна а дуьхьал къамел динчу жигархочуьнца Барахоев Ахьмадца. Пачхьалкхо, дин юьстах а дуьтуш, деккъа шен цIарх арахоьцучу низамашца еха Оьрсийчоь цецъялла оцу суьртах. Барахоев а санна, шина мехкан доза далхош, митингехь "эвхьазваларна" Даудовс ша а вуйла лоьхуш ма-хиъи, ШарIан кхеле нийсо яр ша дехна ГIалгIайчуьрчу кхечу цхьана протестхочо ... Читать дальше...
15 шо долу дешархо Суярко Ангелина лоьхуш бу Владикавказехь Къилбаседа ХIирийчоьнан полицин ницкъаш. Иза цIера яьлла кху беттан 25-чохь Заводской олучу эвлахь. Кавказ.Реалиино дийцарехь, йоIа дуьххьара деш дац иза. Цкъачунна цуьнан лорах кхиъна бац полисхой.
"ТIемашкахь дакъалаьцна Оьрсийчоьнан ветеранаш" олучу юкъараллин декъашхоша машенаш хахкар дIадаьхьна ГIалгIайчоьнан а, Нохчийчоьнан а вежараллина хьажина. Цунах лаьцна хаам бина ТАСС агенталло. 15 машенах лаьтта ковра чекхъяьлла шина республикан дозанца Iохкучу ярташкахула. Цу акцин декъашхоша хаийтина Нохчийчоьнна а, ГIалгIайчоьнна а юкъахь машар а, къепе хиларехьа шаьш хилар а, къаьмнашна юкъахь дов даккха гIертарна дуьхьал хилар а. Бумматан маьждигехь цара ламаз дина меттигерчу бахархошца цхьаьна.
Росстат олучу Оьрсийчоьнан урхалло бинчу хаамца, пачхьалкхехь лахделла болх боцучу нехан терахь, хаам бо РИА Новости агенталло. Цуьнца а догIуш, карарчу хенахь бан болх боцуш бу 4,6 къахьегалучу бахархойх. Росстато хIоттийначу таблицо гайтарехь, болх боцучу нехан дакъа цхьатера дац регионашкахь. Иштта 39 регионехь и гайтам лахара бу пачхьалкхехь юккъера болчул а. Уггаре кIезиг нах бу бан болх боцуш Москох - 1,2 процент. Болх каро уггаре хала ду ГIалгIайчохь. Цигахь къахьегалучу нахах бан болх боцуш бу 26,5 процент бахархой. Читать дальше...
«Чеченнефтехимпром» компани Нохчийчоьнан Iедалан дола яларо республикан аьтто бийр бу шен мехкадаьтта даккха а, иза чекхдоккху завод йилла а. Цунах лаьцна дIахьедар дина Кадыров Рамзана, хаам бо ТАСС агенталло. Нохчийчоьнан Iедалан сайта тIехь болчу хаамца, «Чеченнефтехимпром» компанин ду 2 эзар лаьттан дакъа а, (7740 га),1100 мехкадаьттанан буру тоьхна меттиг а. Амма царах дукхаха ерш белхан хьелашкахь яц.
«Чеченнефтехимпром» компани Нохчийчоьнан Iедалан дола яларо республикан аьтто бийр бу шен мехкадаьтта даккха а, иза чекхдоккху завод йилла а. Цунах лаьцна дIахьедар дина Кадыров Рамзана, хаам бо ТАСС агенталло. Нохчийчоьнан Iедалан сайта тIехь болчу хаамца, «Чеченнефтехимпром» компанин ду 2 эзар лаьттан дакъа а, (7740 га),1100 мехкадаьттанан буру тоьхна меттиг а. Амма царах дукхаха ерш белхан хьелашкахь яц.
Президентан харамашкахь 100% гергга бюллетенаш дагардинчул тIаьхьа гучудаьлларг ду цхьана а кандидато гулдина ца хилар хьаллхарчу муьрехь толам бакка оьшуш долу кхаьжнаш. ББС-но бинчу хаамца, 98,25% меттигерчу харжаман каппашкара кхаьчначу хаамашца, Iедалехь йолчу "Гуьржийн сатийсам" партин кандидато Зурабишвили Саломес гулдина 38,6% кхаьжнаш. Оьшуш дара ах сов кхаьжнаш гулдар. ШолгIачу меттехь ву оппозицин кандидат Вашадзе Григол - 37,75%. И шиъ шолгIачу муьре даьлла. Верриг а Гуьржийчоьнан президентан дарж къовсуш вара 25 кандидат.
Панкалкинанг гIала доьду Индонезин Lion Air компанин некъахойн кема чудоьжна Джакартера гIаьттина дукха хан ялале. Цунах лаьцна хаам бина Рейтерс агенталло. Boeing 737 MAX 8 хIордана чудоьжна тIемадаьлла 13 минот яьлча. Цу тIехь хилла 180 некъахо. Дийна висина стаг вац.