د کرکټ د نړیوال جام سیالیو په ترڅ کې نن بنګله دېش سریلانکا ته د درې ویکټو په توپیرماتې ورکړه. بنګله دېش د اوو لوبغاړو په سوځیدو په ۴۲ اورکې ۲۸۲ منډې وکړې او د سریلانکا د ۲۸۰ منډو هدف یې پوره کړ. ټاکل شوې چې سبا سې شنبې افغانستان له استرالیا سره د سیالۍ ډګرته ووځي. دا به په دې جام کې د افغانستان اتمه لوبه وي. افغانستان څلورلوبې ګټلي او درې یې بایللي دي.
د امریکا د بهرنیو چارو وزیر انتوني بلېنکن د ترکیې په پلازمېنه انقره کې د ترکیې د بهرنیو چارو له وزیر سره له خبرو وروسته وویل چې دی ډاډه دی چې په ناټو کې د سویډن د غړیتوب په هڅو کې به پرمختګ وشي. د ترکیې ولسمشر رجب طیب اردوغان چې څو میاشتې یې په دې تړون کې د سویډن د غړیتوب مخه نیولې وه نن په دې اړه یوه مسوده پارلمان ته د تصویب لپاره وړاندې کړه. مخکې له دې دغه مسوده پارلمان ته د عمومي رایې اخیستو لپاره وړاندې شي، د پارلمان د بهرنیو اړیکو کمېټه یې باید تصویب کړي. بلېنکن له ترکیې له روانیدو مخکې... Читать дальше...
د کرکټ د نړیوال جام سیالیو په ترڅ کې د بنګله دېش او سریلانکا د ټیمونو ترمنځ لوبه روانه ده. بنګله دېش پچه وګټله، خو سریلانکا ټیم یې د توپوهنې بلنه ورکړې. سریلانکا د ټولو لوبغاړو په سوځیدو سره ۲۷۹ منډې کړې او بنګله دېش ته د ۲۸۰ منډو هدف ټاکلی. بنګله دېش اوس توپوهنه کوي او د ۲ لوبغاړو په سوځیدو په ۱۹ اورکې ۱۲۳ منډې کړي دي. د دغو سیالیو په ترڅ کې هند پرون جنوبي افریقا ته د ۲۴۳ منډو په توپیر ماتې ورکړه. په دې جام کې د افغانستان اتمه لوبه سبا سې شنبې له استرالیا سره ده. افغانستان څلورلوبې ګټلي او درې یې بایللي دي.
په غزه کې د روغتیا وزارت وایي چې د اسراییل د روانو بریدونو په نتیجه کې د وژل شویو فلسطینیانو شمېر له لس زره تنو واوښت. دې وزارت وویل چې په غزه کې لس زره او ۲۲ کسان وژل شوي خو دا یې نه دي ویلي چې د وژل شویو څومره یې وسله وال او څومره ملکیان دي. پرغزې اسراییل د اوکتوبر له اومې وروسته له هغې بریدونه پیل کړل چې حماس د اسراییل پرجنوبي ښارګوټو د پراخو بریدونو په ترڅ کې ۱۴۰۰ اسراییلیان ووژل او شاوخوا ۲۴۰ یې یرغمل او هغه یې له ځان سره غزې ته یووړل.
د پاکستان پوځ د خیبر پښتونخوا په تېرا کې له وسله والو سره په نښتو کې د څو سرتېرو د وژل کیدو خبر ورکوي. د پاکستان پوځ د عامه اړیکو څانګې نن په یوه اعلامیه کې وویل چې پرامنیتي ځواکونو هغه مهال برید وشو چې د خیبرپښتونخوا ایالت د خیبرولسوالۍ په تیرا سیمه کې یې عملیات کول. پوځ له وسله والو سره په نښتو کې د یوه ډګرمن په ګډون د څلورو سرتیرو د وژل کیدوه خبره کړې ده. د پوځ په وینا، په نښتو کې درې سخت دریځي هم وژل شوي دي. تراوسه د دغه برید مسوولیت چا یا کومې ډلې نه دی اخیستی، خو په دې سیمه کې د پاکستاني... Читать дальше...
له ېاکستانه د احتمالي وتلو په صورت کې د یو شمېر افغان ښځو او نجونو اندېښڼې چې دغه هېواد ته د زده کړو لپاره تللي. وروسته له هغې چې د پاکستان حکومت د نومبر د میاشتې له پیله په دغه هېواد کې د بې اسناده افغان کډوالو نیول او اېستل پیل کړل، اوس یو شمېر کورنۍ او نجونې چې د زدهکړو لپاره دغه هېواد ته تللي وايي، افغانستان ته د ستنېدو په صورت کې به د دوی تعلیمي راتلونکې له خطر سره مخامخ شي. کميلا چې په سوېلي ښار کوټه کې اوسيږي له ازادي راډیو سره يې په خبرو کې وويل، که طالبانو نجونو ته د زدهکړو اجازه ورکړي... Читать дальше...
په روغتیا او درملنه نن پر دې موضوع غږېدلي یو چې له پاکستان د بې اسناده افغانانو ستنول د هغوی پر رواني او نفسیاتي صحت څه اغېز لرلای شي؟ له دې پرته، په پاکستان کې مېشت هغه افغانان چې بهرنیو هېوادونو ته د تګ په انتظار دي او د بې یقینۍ له حالت سره مخامخ دي، د څه ډول رواني یا نفسیاتي ستونزو ښکار کېدای شي او په دې صورت کې څه کول په کار وي؟ د دې پوښتنو ځواب لپاره مو د نفسیاتي ناروغیو متخصص ډاکتر فضل الرحمان مېلمه کړی دی. بشپړه خپرونه واورئ.
په ټولنیزو شبکو کې ځینو فعالانو چې د طالبانو پلویان هم په کې دي، د کونړ سېند د اوبو مهارولو په خاطر کمپاین پیل کړی. دا کمپاین وروسته له هغه پیلېږي چې د پاکستان سرپرست حکومت له دې هېواده د بې اسنادو افغان کډوالو د اېستلو لړۍ پیل کړې ده. دا فعالان وايي، د دې پرېکړې په ځواب کې دې د کونړ سېند اوبه چې پاکستان ته روانې دي، را وګرځول شي. د دې انلاین کمپاین یوه ګډونوال عطاالله خوږياڼي ازادي راډيو ته وویل، خلک غواړي چې اوبه مهار شي او په دې خاطر مرستې ته هم تیار دي. خوږياڼی زیاتوي: "ولسونه لېواله... Читать дальше...
له پاکستانه خپل هېواد ته تازه ستانه شوي افغانان په موقتي کیمپونو کې ستونزو شکایتونه لري. پاکستان په هغه هېواد کې اسناد نه لرونکو کډوالو ته د اکتوبر تر ۳۱مې د وتلو مهلت پای ته رسیدلی دی. تر هغې وروسته لسګونه زره افغانان خپل هېواد ته ستانه شوي دي او ځینې یې هلته په موقتي کیمپونو کې اوسېږي. د طالبانو د حکومت اړوند چارواکي بیا تازه ستنو شویو ته د لومړنیو اړتیاوو د برابرولو خبر ورکوي. د تورخم تازه حال په دې راپور کې لیدلی شئ:
د غزه ۵۴ کلن ډاکټر وایي هلته تېل ختم شوي نو ځکه پر بايسکل بېلا بېلو کیمپونو او پناه ځایونو ته ځان رسوي او د ناروغانو، په ځانګړې توګه، د ماشومانو درملنه کوي. نوموړی وایي په روغتونونو کې هم ځای نه شته نو هڅه کوي چې بې کوره شویو فلسطینیانو ته اړين درمل ورسوي. د رویټرز اژانس ویډیویي راپور.
د طالبانو د حکومت کورنیو چارو وزارت وایي، هغه کس یې نیولی چې ایران ته یې سلګونه زره ډالر او یورو په قاچاقي ډول لېږدول. دغه وزارت نن ( د لړم ۱۵مه) په یوه خبرپاڼه کې ویلي چې نیول شوي کس څلور نیم لکه یورو او یو لک او پنځوس زره ډالر په یوه ترانزیتي ټیکسي کې ځای پر ځای کړي وو. د اعلامیې له مخې، موټر کې یو نیم میلیون سعودي ریال هم و خو دا معلومات نشته چې قاچاق وړونکی څوک او دا پیسې یې څنګه ترلاسه کړې وې. تر دې وړاندې د افغانستان د صرافانو ټولنې ازادي راډیو ته تایید کړې وه چې ایران او پاکستان ته د... Читать дальше...
د اوکراین پر اودیسې بندري ښار د روسیې د توغندیو او بې پيلوټه الوتکو په بریدونو کې لږ تر لږه پنځه تنه ټپیان شوي دي. د اودیسې والي اولیح کیپر ویلي چې په دغو بریدونو کې د یوه موزیم ودانۍ، د بندر تاسیسات او د هستوګنې کورونه زیانمن شوي دي. په بریدونو کې د غلودانو ګدامونو ته هم زیان اوښتی دی. د اودیسې والي ویلي، د دوی د هوايي دفاع ځواکونو د روسیې له خوا توغول شوې ۱۵ بې پیلوټه الوتکې شنډې کړي هم دي.
قلم لارې ټولنې د طالبانو له حکومته غوښتي چې په زندانونو کې بې برخه لیکه بندیان په ځانګړې توګه ښځینه فعالانې، ژورناليستان او فعالان ژر تر ژره ازاد کړي. دغې ټولنې نن د لړم ۱۵مه په یوه اعلامیه کې د خپل مشر او د تعلیم د فعال مطیع الله ویسا د ۲۱۵ ورځې زنداني کېدو لاملونه غیر عادلانه بللي دي. ويسا د روان کال د مارچ په پای کې په کابل کې ونیول شو او طالبانو هغه د 'حکومت ضد فعالیتونو' په ترسره کولو تورن کړ، خو کورنۍ یې دا تور رد کړی و. مطیع الله ویسا د اکټوبر میاشتې په ۲۶مه د طالبانو له بنده ازاد شو. Читать дальше...
د وزارت ویاندې مهر خورشيد د مې پر نهمه رسنیو ته وویل چې په هغه ناروغۍ اخته یو بل تن د مې پر اتمه د کراچۍ په یو روغتون کې ساه ورکړه.
په کراچۍ کې د پاکستان قبايل موومنټ په نوم ډلې تور پورې کړی چې پوليس په سيند صوبه کې د افغان کډوالو په نوم پښتانه ځوروي. دوی د نومبر پر پنځمه د کراچۍ پریس کلب مخې ته مظاهره وکړه. دوی وویل چې په سيند صوبه کې پولیس د پاکستان شناختي کارډ لرونکي پښتانه د بې اسناده افغانانو په نوم نیسي. خو پولیس دا تور ردووي. په دې اړه نور تفصیل په ویډیو کې وګورئ
د طالبانو حکومت د بهرنیو چارو وزارت مرستیال شېرمحمد عباس ستانکزی پاکستان ته خبرداری ورکوي چې د افغان کډوالو پر وړاندې خپله رویه بدله کړي، ګنې دوی به یې پر وړاندې سخت غبرګون وښيي. ستانکزي چې نن یې په کابل کې 'د افغانستان راتلونکي اقتصادي پراختیا په تړاو نړیوال کنفرانس' تر عنوان لاندې جوړې شوې غونډې ته خبرې کولې، د پاکستان امنیتي ځواکونه ظالمان او رشوت خواره وبلل او ویې ویل چې له افغان کډوالو یې د هغوی پیسې او شتمنۍ لوټلي دي. هغه له پاکستانه د افغان کډوالو اخراج ظالمانه او یو طرفه پرېکړه وبلله... Читать дальше...
د ملګرو ملتونو د کډوالو ادارې (یو اېن اېچ سي ار) ویلي دي چې په پاکستان کې مېشت هغه افغانان چې د مهاجرت او د افغان وګړیتوب یا شهریت کارډونه لري، په جبري ډول له هغه هېواده له ایستلو مستثنا دي.
د متحده عربي اماراتو په ابوظبۍ کې د انرژۍ او چاپېریال چارو دوه شرکتونه د اب و هوا بدلون پر وړاندې د مبارزې لپاره خاص ډول ونې کري. هغوی هڅه کوي چې تر ۲۰۳۰ز کال پورې په ابوظبۍ کې ۱۰ مېلیونه تخمونه وکري او د دې لپاره ډرون الوتکې کاروي. د رویټرز اژانس له ویډیو جوړ رپورټ.
تر اوسه د شویو سیالیو پر اساس د درجه بندۍ له مخې هند پر لومړي، جنوبي افریقا پر دویم، اسټرالیا پر درېیم او نیو زیلینډ پر څلورم مقام دی.
په خیبر پښتونخوا کې د جمعیت علمای اسلام (ف) د اطلاعاتو سېکرټر مولانا عبدالجلیل جان د نومبر پر پینځمه مشال راډیو ته وویل چې دوی لا له وړاندې د امنیت په اړه خپلې اندېښنې له نګران حکومت سره شریکې کړې دي.
د امریکا د متحدو ایالتونو د بهرنیو چارو وزیر انټوني بلېنکن پرون یکشنبه په ناڅاپي سفر عراق ته ورسېد. منځني ختیځ ته د بلېنکن د دې سفر هدف د اسراییل او د فلسطینۍ ډلې حماس ترمنځ د جګړې د شدت کمول ګڼل کېږي. د امریکا د بهرنیو چارو وزیر د عراق تر سفر مخکې لوېدیځې غاړې ته سفر کړی و. انټوني بلېنکن په بغداد کې د عراق له صدراعظم محمد شیاع السوداني سره خبرې وکړې. د بلېنکن الوتکه پرون د بغداد پر نړیوال هوايي ډګر کېناسته. هغه چې زغروال واسکټ په تن کړی و، وروسته په بلک هاوک څرخي الوتکه کې د بغداد زرغونې ساحې ته لاړ. Читать дальше...
د سوډان په پلازمېنه خرطوم کې څه باندې ۲۰ کسان پر یوه بازار د توغندیو لګېدو په پېښه کې ووژل شول. دا خبره د ډیموکراسۍ پلوه مدافع وکیلانو کمېټې په یوه اعلامیه کې کړې ده. په دغه هېواد کې دا د روانې ناکرارۍ وروستی مورد ګڼل کېږي. په سوډان کې په اپرېل میاشت کې د پوځ د مشر عبدالفتاح البرهان او د هغه د پخواني مرستیال محمد حمدان دقلو ترمنځ چې د چټک ملاتړ د ځواکونو مشري کوي، د قدرت پر سره جګړه روانه ده. په دې جګړه کې تر اوسه تر ۱۰زرو او ۴۰۰ ډېر کسان وژل شوي دي. ملګري ملتونه وايي، له دې کبله څه باندې... Читать дальше...
د ایران چارواکو پرون ناوخته تایید کړه چې د دغه هېواد رهبر ایت الله علي خامنهاي په وروستیو ورځو کې د ایران له ملاتړه د برخمنې حماس ډلې له سیاسي مشر اسماعیل هنیه په تهران کې کتلي دي. ایراني چارواکو د حماس ډلې وړمې ورځې هغه بیانونه چې د دې کتنې په باب وو، تایید کړل. دا کتنه داسې وخت کېږي چې د حماس تر ولکې لاندې غزې تړانګه کې ناکراري زیاته شوې ده. د خامنهاي دفتر وايي، هنیه په دې کتنه کې په غزه کې د وروستیو تحولاتو راپورونه وړاندې کړل. وروسته له هغې چې حماس ډلې د اکټوبر پر اوومه پر اسراییل په... Читать дальше...