Новости за 15.11.2023

د کرکټ نړیوال جام په لومړنۍ نیمه پایلوبه کې هندوستان د ۷۰ منډو په توپیر نیوزیلینډ ته ماتې ورکړه او پایلوبې ته ورسېدل. دغه سیالي د نومبر په ۱۵مه نېټه د کابل پر وخت تر غرمې وروسته یوه بجه د هندوستان د ممبي ښار په وانکيډي لوبغالي کې پیل شوې وه چې د هند په بري سره پای ته ورسېده. دوهمه نیمه پایلوبه د نومبر په ۱۶مه نېټه د پنجشنبې په ورځ د اسټرالیا او سویلي افریقا ترمنځ په کلکته کې ترسره کېږي. په نننۍ سیالۍ کې هندوستان پچه ګټلې وه او توپوهنه یې وکړه چې په ټاکلو پنځوس اورونو کې یې د ۴ لوبغاړو په سوځېدو سره ۳۹۷ منډې وکړې. Читать дальше...

پیانو غږونکی افغان امریکایی عمر اکرم د ۲۰۲۴م کال د ګرامي په نوم مهمې جایزې ته نوماند شوی دی. د ښایست شېبې په نوم د ده د موسیقي البوم دې جایزې ته غوره شوی دی. عمر اکرم په نولس سوه څلروشپیتم کال کې په نیویارک کې له افغان پلار او موره زېږېدلی دی. دی لومړی امریکایي الاصله افغان دی چې په ۲۰۱۳م کال کې یې د ګرامي جایزه ګټلې وه. ګرامي د موسیقي په ډګر کې تر ټولو معتبره جایزه ده.

د ایران امنیتي مامورینو د سمنان ولایت په مرکز کې درې سوه تنه په یوې مېلمستیا کې نیولي دي. دوی وایي چې په دې مېلمستیا کې نارینه او ښځې سره یوځای وې. د سمنان یوه امنیتي مسوول علي میر احمدي وویل، دا کسان پرون د پټو اطلاعاتو تر ترلاسه کېدو وروسته ونیول شول. هغه د دې نیونې علت د ښځو او نارینه‌وو ګډ مختلط مجلس بللی دی.

د پاکستان کرکټ بورډ ادارې په یوه تازه اعلان کې ویلي چې تر دې وروسته به بابراعظم په ټېسټ او شل اوریزو سیالیو کې لوبډلمشر نه وي. د یاد بورډ اعلامیه چې د نومبر په ۱۵مه نېټه خپره شوې پکې لیکل شوي په شل اوریزو سیالیو کې به شاهین شاه اپریدی او په ټېسټ لوبو کې به شان مسعود د پاکستان لوبډلمشري وکړي. وروسته له هغې چې پاکستانۍ لوبډلې په روان نړیوال جام کې ښې لوبې ونه کړې، پاکستاني کرکټ بورډ له لوبډلمشر رانیولې، تر روزونکي او ټاکونکي ډلګیو پورې بدل کړل. په یاده اعلامیه کې د پاکستان کرکټ بورډ عمومي رییس... Читать дальше...

د ملګرو ملتونو د سرمنشي ځانګړې استازې روزا اوتنبایوا او د دې مرستیال ډانیال اینډرېس نن تورخم ته ولاړل او هلته یې له راستنېدونکو افغانانو سره وکتل چې په پاکستانه ایستل شوي دي. یوناما په خپل فېسبوک کې څرګندوي چې راستنېدونکي کډوال د سرپناه او روغتیا په برخو کې بېړنیو مرستو ته ضرورت لري او ملګري ملتونه له خپلو همکارانو سره په ګډه خپلې ټولې هڅې کوي چې له افغانانو سره مرستې وکړي. له دې مخکې اوچا ویلي وو، له پاکستانه په بې‌سارې ډول د کډوالو راستنېدل به پر افغانستان چې له پخوا راهیسې د سرپناه او ورځینو... Читать дальше...

په کابل کې د طالبانو د حکومت امنیه قومانداني وايي، په تېرو شپږو میاشتو کې په کابل کې له ۲۲۰۰ ډېرې جنايي پېښې ثبت شوې دي. په کابل کې د طالبانو د حکومت د امنیې قومندانۍ ویاند خالد ځدراڼ د چهارشنبې په ورځ په کابل کې په یوه خبري غونډه کې د هغه څه په اړه جزییات ورکړل چې نوموړی یې په تېرو شپږو میاشتو کې د دې قومندانۍ لاسته راوړنې بولي. ده وويل چې په دې موده کې په کابل کې ٢٢١٠ جنايي پېښې ثبت شوي دي. که څه هم د طالبانو حکومت د منظم عدلي او قضايي سیستم په نه لرلو تورن دی، خو خالد ځدراڼ وايي چې د دغو جرمونو په تړاو دوی ۲۱۳۶ کسان نیولي دي. Читать дальше...

د راپورونو له مخې اسراییلي ځواکونو د غزې پر لوی روغتون چې ویل کېږي په زرګونو ناروغانو او د غزې اوسېدونکو په کې د جګړو له امله پناه اخیستې، عملیات پیل کړي دي. ملګرو ملتونو او د سره صلیب نړیوالې کمېټې د غزې پر لوی روغتون د اسراییلي ځواکونو د عملیاتو په اړه د خطر زنګ وهلی او غوښتنه یې کړې چې په دې روغتون کې د زرګونو ناروغانو او ولسي وګړو باید ساتنه وشي. اسراییلي ځواکونو په غزه کې چې سخت دریځه حماس ډله پرې واکمنه ده او امریکا او اروپایي ټولنه هغه یوه ترهګره ډله بولي، په الشفا روغتون کې نن سهار عملیات پیل کړل. Читать дальше...

په هرات کې د طالبانو د حکومت سیمه ییزو چارواکو په دې ولایت کې د نجونو د زده کړو ځينې ښوونيز مرکزونه تړلي دي. یو شمېر نجونو چې په دغو ښوونیزو مرکزونو کې یې زده کړې کولې، له ازادي راډیو سره په خبرو کې وویل چې د طالبانو د حکومت لخوا په بېلابېلو فرمانونو کې له خپلو ډېرو حقونو بې برخې شوي او اوس د دوی یوازېنۍ هیله هم ترې واخیستل شوه. سعيره وفا یوه له دغو نجونو څخه ده چې په یو ښوونیز مرکز کې یې انګلیسي زده کوله، خو نن د دغه ښوونیز مرکز د تړلو دروازو شاته ولاړه ده. هغې وويل: "نن لاړم چې درس ووايم،... Читать дальше...

د متحده عربي اماراتو هوايي شرکت، فلای دوبۍ له څه باندې دوو کلونو وروسته نن د چهارشنبې په ورځ کابل ته د خپلو الوتنو لړۍ بیا پیل کړه. د طالبانو له بیا واکمنېدو وروسته دا لومړنی بهرنی هوايي شرکت دی چې د خپلو الوتنو فعالیتونه پیلوي. د طالبانو حکومت د ټرانسپورټ او هوايي چلند وزارت په خپله ایکسپاڼه لیکلي چې یاد شرکت نن چهارشنبې، لومړنۍ الوتنه کابل نړیوال هوايي ډګر ته ترسره کړه. فلای دوبۍ هم د اکټوبر په دولسمه په خپله ویبپاڼه کې په یوه اعلامیه کې ویلي وو چې کابل ته خپلې الوتنې به د روان میلادي کال... Читать дальше...

د مصر امنیتي چارواکي وایي، د غزې تړانګې ته له هغه مهال راهیسې چې اسراییل سیمه بشپړه کلابنده کړې، د تیلو لومړني ټانکرونه د رفح له پولې ننوتي دي. اسراییل په غزه کې چې سخت دریځه حماس ډله پرې واکمنه ده او امریکا او اروپایي ټولنه هغه یوه ترهګره ډله بولي، د حماس پر وړاندې جګړه وروسته له هغې پیل کړې چې دې ډلې د اکټوبر په اومه د اسراییل پرجنوبي ښارګوټو برید وکړ. ۱۲۰۰ اسراییلیان یې ووژل او شاوخوا ۲۴۰ نوریې له ځان سره یرغمل کړل. د رویټرز خبري آژانس د راپورله مځې غزې ته د تېلو د لومړۍ جوپې د رسېدو خبر د... Читать дальше...

د کرکټ پنځوس اوریز نړیوال جام په لومړنۍ نیمه پایلوبه کې هندوستان خپله توپوهنه بشپړه کړه او ۳۹۷ منډې یې وکړې. د یادې لوبډلې په توپوهونکو کې ویرات کولي ۱۱۷، شریس آیر۱۰۵، شبمن ګیل او کیل راحول بیا په ترتیب سره ۸۰ او ۳۹ ناسوځېدلې منډې وکړې. نیوزیلینډ ته ټيم ساوتي ۳ لوبغاړي وسوځول، خو په لسو اورونو کې یې ۱۰۰ منډې ورکړې. د یادې سیالۍ نندارې ته د کرکټ مخکښو پخوانیو لوبغاړو ترڅنګ د انګلستان د فوټبال مشور ستوری ډیویډ بیکم هم ورغلی دی. نیوزیلینډ به په څو شېبو کې خپله توپوهنه پيل کړي.

د کرکټ پنځوس اوریز نړیوال جام په لومړنۍ نیمه پایلوبه کې چې د هندوستان او نیوزیلینډ ترمنځ پيل شوې، ویرات کولي تاریخ جوړ کړ. هغه د کرکټ په تاریخ کې لومړنی لوبغاړی شو چې په یو ورځنیو سیالیو کې ۵۰ سلیزې پوره کوي. تر دې وړاندې دا ویاړ د بل هندي لوبغاړي سچن ټنډولکر په نوم و، هغه په یو ورځنیو سیالیو کې ۴۹ سلیزې وهلې وې. دا په روان نړیوال جام کې د ویرات کولي، دوهمه سلیزه ده. هغه دمګړی د نیوزیلینډ پر وړاندې په ۱۱۳ توپونو ۱۱۷ منډې کړي او وسوځېد. باید وویل شي چې دا نیمه پایلوبه د ممبي په وانکیډي لوبغالي... Читать дальше...

د دې اوونۍ "د مشال تر رڼا لاندې" خپرونه کې مو د پاکستان او په افغانستان کې د طالبانو د حکومت ترمینځ پر تعلقاتو بحث کړی دی. بشپړه خپرونه دلته واورئ.

د طالبانو د حکومت د کرنې، اوبو لګولو او مالدارۍ وزارت هغه راپورونه رد کړل چې ګواکې د دې وزارت له خوا د قوش تېپې د کانال په اوږدو کې ځمکې ویشل کېږي. دې وزارت په یوه خپره کړې اعلامیه کې دغه خبرونه جعلي او بې بنسټه بللي او په دې اړه د طالبانو د مشر ملا هبت الله اخندزاده د صادر شوي فرمان پر استناد وایي چې هېڅ شخص یا اداره د امیرالمومنین له فرمان پرته د قوش تېپې کانال په شاوخوا کې د ځمکو د کارولو، ویشلو، پېر او پلور حق نه لري. دې وزارت له خلکو غوښتي، تر هغو دې په سیمه کې د ځمکو د ترلاسه کولو لپاره... Читать дальше...

د راپورونو له مخې د طالبانو د سوداګرۍ وزارت سرپرست نورالدین عزیزي د دې کانټينرونو د خوشې کېدو په هدف له پاکستاني چارواکو په تېره بیا د بهرنیو چارو له لنډمهالي وزیر جلیل عباس جیلاني سره خبري کړي دي.

په افغانستان کې د ملګرو ملتونو د بشري مرستو دهمغږۍ دفتر یا اوچا وايي، له پاکستانه په بې‌سارې ډول د کډوالو راستنېدل به پر افغانستان چې له پخوا راهیسې د سرپناه او ورځینو خدمتونو په ګډون د سرچینو او امکاناتو له کمښت سره مخ دی فشارونه لا پسې زیات کړي. په داسې حال کې چې له پاکستانه د بې‌اسنادو افغان کډوالو د ایستلو لړۍ په چټکۍ روانه ده، په افغانستان کې د ملګرو ملتونو د بشري مرستو د همغږۍ دفتر اوچا مشر ډانیل اینډرېس وايي، په ناڅاپي ډول د کډوالو راتګ پر افغانستان فشار زیاتوي. اوچا تېره ورځ ناوخته په... Читать дальше...

له پاکستانه افغانستان ته له تازه ستنو شویو کډوالو څخه یې ځینې وايي چې په هغه هېواد کې چارواکو زښت ځورولي ول. یو کډوال د فرانسې خبري اژانس ته ویلي دي چې په ټول ژوند به بیا پاکستان ته د تګ اراده و نه کړي. خو د پاکستان چارواکو په بیا بیا د کډوالو د ځورولو تورونه رد کړي دي. دوی زیاتوي چې د هېواد امنیت لپاره د بې اسناده کډوالو ایستل اړین دي. د اې اېف پي له ویډیوګانو جوړ رپورټ.

د خوړو نړیوال پروګرام یا 'ډبلیو ایف پي' وایي، په افغانستان کې وچکالۍ د هغو میلیونونو بزګرانو لپاره چې د عاید بله سرچینه نه لري، یو ناورین رامنځته کړی دی. د دې پروګرام د افغانستان څانګې نن په خپله ایکسپاڼه یا پخواني ټویټر کې د ناصر په نوم د بادغیس ولایت د یوه بزګر ویډیو هم خپره کړې چې په کې دی په سیمه کې د وچکالۍ د ناوړه پایلو خبره کوي. نوموړی وایي: "لکه چې تاسو یې هم وینئ، دلته وچکالي ده پر ځمکو مو کښت کړی و خو حاصل یې نه دی ورکړی اوس مو پسونه په کې څري. دغه وضعیت موږ مجبوره کړې یو چې خپل کور... Читать дальше...

د کرکټ نړیوال جام لومړنۍ نیمه پایلوبه د هندوستان او نیوزیلینډ لوبډلو ترمنځ پیل شوې ده. دغه سیالي د ممبي ښار په وانکيډي لوبغالي کې ترسره کېږي. د لوبې پچه هندوستان ګټلې او توپوهنه یې پيل کړې ده. د هند لپاره یو وار بیا روحیت شرما او شبمن ګیل د توپوهنې پیل کړی دی. د وانکيډي په لوبغالي کې تر دې دمه یوازې اسټرالیا هغه لوبډلو وه چې په دوهمې توپوهنې کې یې سیالي وګټله، نورو ټولو هغو لوبډلو سیالي ګټلې چې لومړۍ توپوهنه یې کړې وي. هندوستان د وانکيډي لوبغالي کې یوه سیالي کړې وه چې سریلانکا ته یې په ۳۰۵ منډو ماتې ورکړې وه. Читать дальше...

مسلم ليګ نون د نومبر پر ۱۴مه پر خپله رسمي اېکس پاڼه خبر ورکړی چې د بلوچستان د پخواني اعلا وزير جام کمال او يوشمېر پخوانيو وفاقي او صوبايي وزيرانو په ګډون شاوخوا ۵۰ سياستوالو په هغه ګوند کې د شموليت اعلان وکړ.

د متحده عربي اماراتو هوایي شرکت فلای دوبۍ نن چهارشنبې کابل ته د خپلو الوتنو لړۍ بیا پیل کړه. فلای دوبۍ د اکټوبر په دولسمه په خپله ویبپاڼه کې په یوه اعلامیه کې ویلي وو چې کابل ته خپلې الوتنې به د روان میلادي کال د نومبر میاشتې له پنځلسمې بېرته پیل کړي او په ورځ کې دوه الوتنې به د دوبۍ د نړیوال هوایي ډګر له دوهم ترمینل څخه ترسره کېږي. د افغانستان ملي راډیو تلوېزیون چې د طالبانو چارواکي یې اداره کوي، نن په خپله ایکس شبکه یا پخواني ټویټر کې کابل ته د فلای دوبۍ د الوتنو د بیا پیلېدو خبر ورکړی. د... Читать дальше...

د تاجرانو اتحاديې او سياسي ګوندونو دا پرلت د اکتوبر پر ۲۱مه پيل کړی او غوښتنه کوي چې د چمن او سپين بولدک ترمينځ پر سرحدي دروازه دې د پخوا په شان پر پاکستاني شناختي کارډ او افغان تذکرې د تګ راتګ اجازه ورکول شي.

په کابل کې د ښځو د سوداګرۍ خونې او د افغانستان د ټولنيزو کارکوونکو موسسې له لوري د خديجة الکبرا تر سرليک لاندې اووه ورځنی نندارتون جوړ شوی چې د افغانستان له بېلابېلو ولايتونو په‌کې ۲۰۰۰ مېرمنو ګډون کړی دی. دا نندارتون تېره ورځ په کابل کې د افغانستان نړيوال نندارتون په مرکز کې د ښځو د سوداګرۍ او صنايعو خونې او د افغانستان د ټولنيزو کارکوونکو موسسې له خوا د ښځينه سوداګرۍ د پياوړتيا په موخه د اووه ورځو په مخ پرانيستل شوی دی. ياد نندارتون کې ګډون کوونکو يو شمېر ښځينه سوداګرو ازادي راډيو ته وويل،... Читать дальше...

د نړۍ په یوشمېر هېوادونو کې د بې ډرېوره ګاډو چلولو بریالۍ ازموینې شوې دي. داراز، د خوړو او نورو شیانو د لېږد لپاره د وړو ګاډو په څېر روباټونه هم کارول کېږي، خو برتانیا به لومړی هېواد شي چې د بې ډرېوره ګاډو لپاره به قانون جوړ کړي. د اسوشيېټېډ پرېس له ویډیو جوړ رپورټ.

د میدان وردګ ولایت اوسېدونکي د مخابراتي شبکو له کمزوري پوښښ څخه شکایت کوي. دوی وايي، په یو شمېر سیمو کې هېڅ مخابراتي شبکې کار نه کوي. د دې سیمې اوسېدونکي دغه راز وايي، دوی د ټلیفون کولو یا تماس نیولو لپاره ان د غرونو سرونو ته خېژي. بل‌خوا د دغه ولایت مسوولان وايي، دوی هڅې پیل کړي څو د خلکو ستونزې هوارې کړي. نور حال د لاندې لېنک په کېکاږلو سره اورېدلی شئ: