د لادرکو بلوڅانو د میندلو لپاره مبارزه کوونکی ماما قدیر وفات شو
د لادرکه بلوڅانو د یووالي کمېټۍ یوه چارواکي مشال راډیو ته وویل چې ماما قدیر بلوڅ د ډېسېمبر پر ۲۰مه د کوټې په یوه روغتون کې ومړ. هغه له تېرې څه مودې راهیسې ناروغه وو.
عبدالقدیر بلوڅ د ورکو بلوڅو د میندلو لپاره په ټول پاکستان کې لاریونه، پرلتونه او مظاهرې کولې. هغه ته خلکو د ماما قدیر نوم اخیسته. نوموړي له ۲۰۱۲ز کال راهیسې د وایس فار بلوچ مسېنګ پرسنز سازمان ترچتر لاندې مدني فعالیت کاوه. هغه د پاکستان پر استخباراتو تور پورې کاوه چې زرګونه بلوڅان یې لادرکه کړي دي. د پاکستان ریاستي ادارې، پوځ او استخبارات د بلوڅو دا تورونه ردوي. د پاکستان پوځ وايي، ځیني بلوڅان له وسلوالو ډلو سره یو ځای شوي خو کورنۍ یې فکر کوي چې هغوی ورک دي.
د مشال راډیو او د فرانسې خبري اژانس له ویډیوګانو جوړ راپور وګورئ.